Close Rolls, April 1233

Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.

This premium content was digitised by double rekeying. All rights reserved.

'Close Rolls, April 1233', in Calendar of Close Rolls, Henry III: Volume 2, 1231-1234, (London, 1905) pp. 205-214. British History Online https://www.british-history.ac.uk/cal-close-rolls/hen3/vol2/pp205-214 [accessed 25 March 2024]

Image
Image
Image
Image
Image
Image
Image
Image
Image
Image

Close Rolls, April 1233

Pro Thoma de Gorges.—Mandatum est vicecomiti Dors' quod secundum tenorem literarum regis, quas penes se habet, faciat habere Thome de Gorges, qui de ballio regis habet manerium de Porestok', singulis annis quantum ei deest de xx. libris ultra extentam predicti manerii, quamdiu dictum manerium fuerit in manu sua, per preceptum regis. Teste rege apud Cantuariam, iiij. die Aprilis. Per justiciarium.

De fustis datis.—Mandatum est P. de Rivall' quod habere faciat Willelmo capellano regis, persone de Oxendon', x. fusta in bosco de Rowell', de dono regis. Teste ut supra.

Pro monachis Sancte Trinitatis Kantuarie.—Mandatum est Odoni aurifabro et socio suo custodibus operationum regis Westmonasterii quod, si homines prioris et monachorum Sancte Trinitatis Kantuarie, qui ducunt petram ad fabricam refectorii sui per Tamisiam, fecerint eos securos quod petra quam ducunt est eorundem prioris et monachorum, tunc ipsos non inpediant quin libere et sine inpedimento cariare possint vj. navatas petre ad predictum refectorium perficiendum. Teste ut supra.

De secta ad molendinum regis in Cantuaria.—Mandatum est vicecomiti Kancie quod decetero non distringat pistores vel alios homines Cantuarie ad sectam faciendam ad molendinum regis quod habet in eadem villa, aliter quam secta illa fieri consuevit ad molendinum predictum tempore Henrici regis avi, Ricardi regis avunculi et Johannis regis patris domini regis usque ad guerram motam etc. Teste ut supra. Per ipsum regem.

De perdonatione transgressionis.—Rex ad instantiam prioris de Chartos' in Anglia perdonavit Radulfo Cato homini suo forisfactum quod fecit in foresta de Selewod' capiendo unam bestiam, cum qua captus fuit, et propter quod inprisonatus detinetur in prisona regis apud Ivelcestr'. Et mandatum est vicecomiti Sumers' quod a predicta prisona ipsum deliberari faciat. Teste rege apud Faveresham, v. die Aprilis. Per justiciarium.
Et mandatum est justiciariis proximo itineraturis ad placita foreste in comitatu illo quod ipsum inde quietum esse faciant. Teste ut supra.

Pro hominibus Kantuarie.—Mandatum est vicecomiti Kancie quod, antequam exequatur preceptum regis nuper ei factum de non distringendis pistoribus vel aliis hominibus de Cantuaria ad sectam faciendam ad molendinum regis in Cantuaria, aliter quam rex tunc ei precepit, per sacramentum proborum et legalium hominum, per quos rei veritas melius sciri poterit, qualem sectam pistores et alii homines de Cantuaria facere consueverunt ad molendinum regis in Cantuaria temporibus Henrici regis, Ricardi regis et Johannis regis usque ad guerram etc., et postquam constiterit ei per predictam inquisitionem qualis secta fieri consuevit ad idem molendinum temporibus predictorum regum, non distringat pistores et homines de eadem villa Cantuarie ad faciendum decetero aliam sectam ad predictum molendinum quam fieri consuevit temporibus predictis. Teste ut supra.

De damis datis.—Mandatum est P. de Rivall' quod in foresta de Brehull' faciat habere Joldewino de Doe tres damas, de dono regis. Teste ut supra.

Pro Willelmo de Picheford'.—Rex dedit Willelmo de Picheford' blada seminata in terra de la Grave que fuit Huberti de Belhus, et quam rex ei commisit ad se sustentandum in servicio regis quamdiu regi placuerit, cum catallis et instauris in predicta terra inventis. Et mandatum est P. de Rivall' quod eidem Willelmo de predictis bladis plenam saisinam habere faciat. Teste rege apud Maydenestan', vj. die Aprilis.

Pro monachis de Rufford'.—Rex licenciam dedit abbati et monachis de Rufford' quod curiam abbatie sue ampliari faciant per unam acram de bosco regis, quam quidem acram licet eis includere cum prefata curia sua quietam de omnibus que ad forestam regis et forestarios pertinent. Et mandatum est P. de Rivall' quod permittat predictos abbatem et monachos curiam suam sine inpedimento ampliare, sicut predictum est. Teste ut supra. Per Radulfum filium Nicholai.

De maeremio dato.—Mandatum est P. de Rivall' quod in foresta regis de Savernac' faciat habere Briano de Insula xx. cheverones, et in foresta de Chipeham ad pannas et postes faciendos iiij. quercus, de dono regis. Teste ut supra.

De quercubus datis.—Mandatum est B. de Insula quod in foresta regis de Shotovr' faciat habere Godefrido de Craucumbe sex quercus ad focum suum, de dono regis. Teste rege apud Maydenestan', vj. die Aprilis.
Mandatum est P. de Rivall' quod habere faciat Johanni de Derteford' xxxv. quercus in foresta de Porecestr', non de majoribus vel de minoribus set de mediocribus secundum electionem carpentariorum, ad reparationem duarum galiarum regis. Teste ut supra.

De capreolis datis.—Mandatum est P. de Rivall' quod in foresta de Arundell', que est in custodia sua per preceptum regis, faciat habere Petro filio Herberti v. capreolos de dono regis. Teste rege apud Otteford', x. die Aprilis. Per Radulfum filium Nicholai.

De luciis et perchiis et rochiis datis.—Mandatum est vicecomiti Noting' quod in vivario regis de Clipston faciat habere B. de Insula x. parvos lucios et c. rochias et perchias ad vivarium suum de Scardeclive instaurandum, de dono regis. Teste rege apud Otteford', xij. die Aprilis.

Pro abbate et monachis de Rufford'.—Rex concessit abbati et monachis de Rufford' per cartam suam quod ipsi et successores sui inperpetuum libere et sine inpedimento fossato et haya claudere possint terram illam, quam habent in Werkenefeld' de dono Radulfi filii Nicholai, ita quod fere bestie sine inpedimento intrare possint et exire, et quod eandem terram absque inpedimento excolere possint et in ea edificare et pro voluntate sua inde disponere.
Et mandatum est P. de Rivall' quod ipsos abbatem et monachos predictam terram fossato et haya claudere permittat, ita quod fere bestie etc. ut supra. Teste ut supra.

De quodam officio dato.—Rex officium illud, quod magister Edwardus, quondam cocus conventus Sancte Trinitatis Kantuarie et quod ad collationem regis pertinet ratione archiepiscopatus Cantuarie vacantis vacantis (sic) et in manu regis existentis, dedit cum omnibus pertinenciis suis Willelmo coco suo habendum tota vita sua. Et mandatum est custodi archiepiscopatus (fn. 1) Cantuarie quod eidem Willelmo predictum officium assignet et de omnibus que ad officium illud pertinent sine dilatione plenam saisinam habere faciat, sicut predictum est. Teste ut supra. Per Willelmum de Kirkeham.

De imaginibus faciendis.—Mandatum est R. Passelewe quod fieri faciat vel emi, si prompte inveniantur, duas imagines pulcras et bene depictas, unam ad similitudinem Beati Johannis Ewangeliste et aliam ad similitudinem Beati Stephani martiris, quales conveniunt predictorum sanctorum figuris, ita quod rex imagines predictas promptas et decenter provisas inveniat in capellis suis Westmonasterii in primo adventu suo Lond'; et quod inde possit commendari.

Pro B. de Insula.—Rex concessit per cartam suam B. de Insula per cartam suam (sic) quod ipse et heredes sui inperpetuum habeant unum mercatum apud manerium suum de Tarente Gundevill' singulis septimanis per diem Mercurii, et quod habeant ibidem inperpetuum unam feriam singulis annis per tres dies duraturam, videlicet in vigilia et in die et in crastino Sancti Martini, nisi mercatum illud et feria sint ad nocumentum vicinorum mercatorum et vicinarum feriarum. Et mandatum est vicecomiti Dors' quod predictam cartam in pleno comitatu suo legi, et predicta mercatum et feriam clamari faciat et teneri, sicut predictum est. Teste ut supra.

De damis datis.—Mandatum est P. de Rivall' quod habere faciat A. comitisse Penbroc' x. damos in foresta Rokingham, de dono regis. Teste rege apud Otteford', xiiij. die Aprilis. Per R. filium Nicholai.
Mandatum est P. de Rivall' quod in foresta regis de Windles' faciat habere R. comiti Cornubie xviij. damas ad parcum suum de Merlawe instaurandum, de dono regis. Teste rege apud Croinden', xiiij. die Aprilis. Per R. filium Nicholai.

Pro Sancto Thoma de Boulton' et fratribus ibidem.—Rex concessit priori et fratribus leprosisis (sic) de hospitali Sancti Thome martiris de Boulton' per cartam suam, quod de propria mora sua de Boulton' frussire possint et excolere sexties xx. acras ad perticam nostram propinquiores predicto hospitali ex parte orientali et ex parte aquilonari inter predictum hospitale et boscum suum de Birchefald', ita quod id quod prius frussiri fecerunt et excolere de mora predicta ante predictam concessionem regis in Gilwelawe computentur eis in predictis sexties xx. acris eis assignandis. Concessit etiam rex eis quod predicte sexties xx. acre quiete sint inperpetuum de reguardo, et quod eas claudere possint fossato et haya, ita quod fere bestie libere et sine impedimento intrare possint et exire. Et mandatum est Thome de Stratton', forestario de feodo foreste Norhumbrie, quod, assumptis secum forestariis, viridariis et aliis discretis et legalibus hominibus, in presentia sua et per visum eorum amensurari faciat predictas sexties xx. acras ad perticam regis per certas metas et divisas in eadem mora prioris et fratrum leprosorum et inde ipsis plenam seisinam habere faciat, ita quod, computato ipsis eo quod prius frussiri fecerunt et excolere ante predictam concessionem regis de mora predicta, habeant in universo sexties viginti acras ad perticam regis, sicut predictum est. Teste rege apud Croynden', xv. die Aprilis.
Et mandatum est justiciariis qui proximo itineraturi sunt ad placita foreste in comitatu Norhumbrie, quod predictos priorem et fratres predictas sexties viginti acras frussire et excolere, et quod eas teneant quietas de reguardo et ipsas claudere fossato et haya permittant, sicut predictum est, ita quod inde coram eis non occasionentur. Teste ut supra.
Rex concessit venerabili patri P. Wintoniensi episcopo per cartam suam quam habet, quod ipse et successores sui habeant unam feriam apud manerium suum de Farnham singulis annis duraturam per iij. dies, videlicet in vigilia et in die Omnium Sanctorum et in crastino, nisi feria illa sit ad nocumentum vicinarum feriarum. Et mandatum est vicecomiti Sudht' quod in pleno comitatu legi et predictam feriam clamari faciat. Teste rege ut supra.

[m. 10.]

Pro Cecilia de Abrincis.—Quia rex per inquisitionem factam accepit quod Cecilia de Abrincis fuit saisita de amerciame[n]tis hominum suorum quos habet in dotem in hundredo de Folkestan', donec H. de Burgo, tempore quo habuit custodiam terrarum que fuerunt Willelmi de Abrincis et heredis ipsius Willelmi, ipsam Ceciliam inde injuste et sine judicio disseisivit; mandatum est P. de Rivall' quod de predictis amerciamentis ipsi Cecilie decetero plenam saisinam habere faciat. Teste rege apud Strafford', xviij. die Aprilis. Per episcopum Wintoniensem et justiciarium.

Pro Waltero filio Roberti.—Quia rex accepit per inquisitionem etc. quod xxx. acre terre cum pertinentiis in Magna Horkesl', quas H. de Burgo, tempore quo honor de Reyleg' fuit in manu sua, abstulit Roberto filio, Philippi, non sunt pertinentes ad predictum honorem tamquam tenende in dominico ipsius honoris set jus Walteri filii et heredis ipsius Roberti, ut quas tenere debet in dominico de predicto honore; mandatum est P. de Rivall' quod de predictis xxx. acris terre cum pertinentiis ipsi Waltero plenam saisinam habere faciat. Teste rege apud Strafford', ut supra. Per Wintoniensem episcopum et justiciarium.

De quercubus datis.—Mandatum est P. de Rivall' quod habere faciat W. comiti de Ferrariis x. quercus ad cheverones in foresta de Savernak' de dono regis, ad quandam coquinam suam apud Stamford' faciendam. Teste ut supra.
Mandatum est P. de Rivall' quod in parco regis de Gillingham faciat habere J. comiti Linc' et constabulario Cestrie decem quercus ad maeremium, de dono regis. Teste rege apud Strafford', xix. die Aprilis, anno xvij. Per G. de Craucumbe.

Pro hominibus de Gloucestr'.—Probi homines de Glouc' reddiderunt regi apud Strafford' die Mercurii post octabas clausi Pasche anno xvij. (fn. 2) xij. lampredas, per quas una cum xij. alosis finem fecerunt cum rege ut quieti essent de ducentis et octoginta lampredis, que ab eis exigebantur per summonitionem Scaccarii de tempore Johannis regis. Et mandatum est baronibus de Scaccario quod ipsos de predictis xij. lampredis quietos esse faciant. Teste.

Pro Willelmo de Albiniaco.—Mandatum est P. de Rivall' quod habere faciat Willelmo de Albiniaco seniori x. parvos lucios et x. parvas bremias matrices in vivario de Rowell', ad vivarium suum de Stok' instaurandum, de dono regis. Teste ut supra.

Pro Huberto Hoese.—Mandatum est vicecomiti Glouc' quod plenam saisinam habere faciat Huberto Hoese de manerio de Winterburn' cum pertinentiis, quod in manu sua esse debet usque ad etatem heredis Ricardi Walensis occasione venditionis quam Willelmus de Putot, ad quem custodia predicti manerii pertinebat, eidem Huberto fecit, ut dicit. Et si quid de catallis ipsius Huberti vel de redditibus ipsius manerii ceperit, id ei reddi faciat. Teste ut supra. Per G. de Craucumbe.

Pro scissore R. comitis Cornubie.—Mandatum est H. de Vivon', senescallo Wasconie, quod plenam saisinam habere faciat Willelmo le Scot, scissori R. comitis Cornubie, de domo illa in Burdegala quam comes ei tradidit, et quam postea rex, cum esset in partibus Burdegale eidem Willelmo concessit, de qua Henricus de Trublevill', tempore quo fuit senescallus Wasconie, ipsum disseisivit, ut dicit. Teste ut supra.

Pro Eudone filio regis.—Rex commisit Eudoni filio regis terram illam cum pertinentiis in Audebir', que fuit Willelmi de Abrincis et est in manu regis occasione terre et heredis ipsius Willelmi existentis in manu regis, ad se sustentandum in servicio regis usque ad etatem predicti heredis. Et mandatum est P. de Rivall' quod eidem Eudoni de terra predicta cum pertinentiis et cum una caruca boum, que regis est, in eadem terra plenam saisinam habere faciat. Teste rege apud Westmonasterium, xxi. die Aprilis.

Pro episcopo Wintoniensi.—Rex concessit P. Wintoniensi episcopo per cartam suam quod ipse et successores sui inperpetuum habeant unam feriam apud manerium suum de Farnham singulis annis per tres dies duraturam, scilicet, in vigilia et in die et in crastino Omnium Sanctorum, nisi etc. Et mandatum est vicecomiti Surr' quod feriam illam clamari faciat et teneri, sicut predictum est. Teste ut supra.

Pro monialibus de Tolesworth' (sic).—Mandatum est P. de Rivall' quod habere faciat monialibus de Tolesworth' elemosinam constitutam in manerio de Covintr', quod est in custodia regis, sicut eam habere consueverunt quando manerium illud fuit in manu Rannulfi quondam comitis Cestrie. Teste ut supra.

De denariis ad operationem aule turris Lond'.—Mandatum est thesaurario et camerariis quod habere faciant W. de Sancto Edmundo, constabulario turris Lond', denarios de thesauro regis ad operationem aule regis de eadem turri perficiendam. Et cum constiterit regi quantum ei liberaverint ad eandem operationem, rex breve suum de Liberate eis habere faciet. Teste rege apud Lamh', xxij. die Aprilis.

Pro Henrico de Tybetot.—Rex commisit Henrico de Tybetot manerium de Sopiland' cum pertinenciis, quod Johannes de Vallibus tenuit de ballio regis, ad se sustentandum in servicio regis quamdiu regi placuerit. Et mandatum est P. de Rivall' quod de predicto manerio cum bladis, que sunt in terris ejusdem manerii et cum una caruca boum quam rex habuit in eodem manerio, que rex ei dedit, plenam saisinam ei habere faciat sicut predictum est, salvo tamen regi custo quod posuit in terris predicti manerii seminandis. Teste rege apud Lamh', xxij. die Aprilis. Per ipsum Petrum.

Pro Huberto Hoese.—Mandatum est P. de Rivall' quod habere faciat Huberto Hoese x. carettatas busce ad focum suum et x. carettatas virge et x. carettatas ramille in Graveling' ad closturam, de dono regis. Teste rege apud Lamh', xxiiij. die Aprilis.

De quercubus datis.—Mandatum est P. de Rivall' quod habere faciat A. comitisse Penbr' xx. quercus in foresta de Tunebrug' de dono regis, ad reparationem domorum suarum de Kemes', que nuper combuste fuerunt. Teste ut supra. Per eundem Petrum.

De damis datis.—Mandatum est eidem P. quod habere faciat Willelmo Lungesp', consanguineo regis, tres damas in foresta de Chipeham et tres damos in foresta de Melkesham et tres damos in foresta de Braden', de dono regis contra festum militie sue. Teste ut supra. Per eundem P.

Geres.' Pro Emerico Buche.—Rex commisit Emerico Buche terram illam cum pertinentiis in insula de Geres', que fuit Engeram de Furnet, ad se sustentandum in servicio regis quamdiu regi placuerit. Et mandatum est Philippo de Albiniaco quod de terra illa cum pertinentiis eidem Emerico plenam saisinam habere faciat, sicut predictum est. Teste ut supra. Per P. de Rivall.'

Pro comitissa Hereford'.—Divortium celebratum est in curia Christianitatis in forma ecclesie inter Rogerum de Dauntes' et Matildem comitissam Hereford' quondam uxorem ejus. Et mandatum est vicecomiti Essex' quod de omnibus terris cum pertinentiis, que sunt in manu predicti Rogeri de hereditate ipsius comitisse in balliva sua, ei plenam saisinam habere faciat. Teste ut supra. Per Radulfum filium Nicholai.
Eodem modo scribitur vicecomiti Midd'.

Pro Willelmo de Sancto Leodegario.—Rex commisit Willelmo de Sancto Leodegario ad se sustentandum in servicio regis quamdiu regi placuerit, terram cum pertinentiis quam Hubertus de Burgo essartari fecit in Gibbecrec de feodo Henrici de Essex', ita quod, quamdiu terra illa fuerit in manu sua, quietus erit rex erga eum de annuo feodo suo x. librarum. Et mandatum est P. de Rivall' quod de predicto assarto cum pertinentiis plenam ei saisinam habere faciat, sicut predictum est. Teste ut supra.

De vinis emendis ad opus regis.—Mandatum est ballivis Bristoll' quod de melioribus vinis, que fuerint inventa in villa sua per visum Andree de Grendon' servientis regis, emant xxx. dolia vini, scilicet xxv. dolia Wasconie et v. Andegavie, et cum summa festinatione ea cariari faciant usque Glouc' ad opus regis in instanti festo Pentecostes. Et cum rex scierit custum eorundem vinorum et cariagium eorum, illud faciet acquietari. Teste rege apud Lamh', xxiiij. die Aprilis.

Pro Warino de Colecestr'.—Monstravit regi Warinus de Colecestr' quod, cum quedam navis de Bridlinges', in qua erant res et mercandise sue, nuper periclitaretur, homines de Clive predictas res et mercandisas fluctibus maris jactatas ad litus ceperunt et tenent tamquam wreccum. Et, quia hujusmodi res non dicende sunt wreccum ubi homines navis evadunt, mandatum est vicecomiti Kancie quod predictas res et mercandisas suas ei deliberari faciat. Teste ut supra.
Eodem modo vicecomiti London' de hujusmodi mercandisis quas homines London' ceperunt et detinent.
Et vicecomiti Suff' de mercandisis ejusdem Warini quas homines de Oreford' ceperunt etc.

Pro Eustachio de Ludeham.—Rex concessit Eustachio de Ludeham quod quamdiu fuerit vicecomes Noting' loco Radulfi filii Nicholai, quietus sit de sectis comitatus et hundredi. Et mandatum est vicecomiti Hertf' quod ipsum Eustachium de predictis sectis pacem habere permittat, sicut predictum est. Teste rege apud Lamh', xxiiij. die Aprilis. Per Radulfum filium Nicholai.

De armaturis castri de Brug'.—Mandatum est executoribus testamenti W. Briwerr' quod balistas et omnes alias armaturas, que fuerunt in castro de Brug', per visum et testimonium proborum et legalium hominum appreciari faciant, et postea eas remitti faciant ad castrum predictum liberandas ibidem ex parte domini regis constabulario ejusdem castri, et precium earundem balistarum et armaturarum domino regi scire faciant; et dominus rex, cum illud scierit, inde eis satisfaciet. Teste apud Lam', xxv. die Aprilis.

Pro Roberto de Briwes.—Rex vicecomiti Sumerset' salutem. Scias quod concessimus dilecto et fideli nostro Roberto de Briwes per cartam nostram, quam ei fieri fecimus, quod ipse et heredes sui inperpetuum habeant unum mercatum apud manerium suum de Stapl' singulis septimanis per diem Martis, et quod habeant ibidem singulis annis unam feriam duraturam per tres dies, videlicet, in vigilia et in die et in crastino apostolorum Petri et Pauli, nisi mercatum illud et feria illa sint ad nocumentum vicinorum mercatorum et vicinarum feriarum. Concessimus etiam eidem Roberto et heredibus suis quod habeant in terris suis dominicis de Stapl' et de Bikeshaul' liberam warennam, ita quod nulli liceat warennam illam intrare ad fugandum in ea vel ad capiendum leporem, catum vel vulpem sine licentia et voluntate ipsius Roberti et heredum suorum, super forisfacturam nostram decem librarum. Et ideo tibi precipimus quod ipsam cartam in pleno comitatu tuo legi et predictum mercatum et predictam feriam clamari et warennam predictam teneri facias, sicut predictum est. Teste me ipso apud Lameheh', xxiiij. die Aprilis, anno regni nostri xvijo.

Hibernia. Pro Rohesia de Verdun.—Mandatum est Mauricio filio Geroldi, justiciario Hibernie, quod Rohesie de Verdun de terris et de wardis cum pertinentiis in Hibernia, de quibus idem (sic) Nicholaus fuit saisitus die quo obiit, sine dilatione plenam saisinam habere faciat. Teste ut supra. Per justiciarium.

De quercubus datis.—Mandatum est P. de Rivall' quod habere faciat W. de Kirkeham xij. bonas quercus in foresta de Tunebrug' ad fabricam capelle Sancte Marie de Sancto Martino, de dono regis. Teste ut supra. Per Radulfum filium Nicholai.
Mandatum est vicecomiti Berk' quod Johannem Talun', probatorem regis, qui est in prisona abbatis de Abbend', ab eo recipiat et sub salva custodia duci faciat usque Lond' liberandum custodi gaiole de Neugat'. Et custum etc. (fn. 3)

Pro Rogero de Dantes'.—Mandatum est vicecomiti Essex' quod, non obstante mandato regis de saisina facienda Matildi comitisse Essex' de omnibus terris quas Rogerus de Dantes', quondam vir ipsius comitisse, tenuit in balliva sua de terris ipsius comitisse, habere faciat eidem Rogero omnia catalla que habuit in terris predictis et, si quid inde fuerit amotum, id ei sine dilatione reddi faciat. Teste rege apud Lamh', xxvj. die Aprilis.
Eodem modo scribitur Midd', Glouc', Wiltes', Buk'.

Pro Reginaldo de Albamarla.—Rex perdonavit Reginaldo de Albamarla scutagium quod ab eo exigitur per summonitionem Scaccarii de feodis militum, que de rege tenet in capite, pro exercitu Pictavie post primam transfretationem regis. Et mandatum est baronibus de Scaccario quod ipsum inde quietum esse faciant. Teste ut supra.

De bremiis datis.—Mandatum est P. de Rivall' quod in vivario, quod fuit comitis Glouc' apud Clare, faciat habere Radulfo filio Nicholai xx. bremias ad vivarium suum de Smethet' instaurandum, de dono regis. Teste ut supra.

Hibernia. Pro episcopo Fernensi.—Mandatum est justiciario Hibernie quod, inquisito diligenter per probos et legales homines quot et qualia catalla episcopus Fernensis recepit cum manerio de Novo castro quod tenuit de rege ad firmam, et, totidem in eo dimissis ad opus regis, omnia residua permittat eundem episcopum libere amovere et inde pro voluntate sua disponere. Teste rege apud Westmonasterium, xxvij. die Aprilis.

Hibernia. Pro Johanne de Ebroicis.—Mandatum est eidem justiciario quod de omnibus terris, quas tenuit de dono Thome filii Antonii Johannes de Ebroicis, et quarum quandam partem Ricardus de Burgo dum fuit justiciarius Hibernie in manu sua retinens eidem Johanni ad mandatum regis saisinam facere distulit, et que continentur in confirmatione regis ei facta de predictis terris, sicut perpendere poterit idem justiciarius per inspectionem ejusdem confirmationis, plenam ei saisinam habere faciat. Teste ut supra.

Pro Henrico de Aldithel'.—Rex perdonavit Henrico de Aldithel' xxx. marcas quas regi debuit de amerciamento lx. marcarum, ad quas amerciatus fuit coram justiciariis ultimo itinerantibus in comitatu Norht' pro Swano de Barkeston', quem plegiavit. Et mandatum est baronibus de Scaccario quod ipsum Henricum inde quietum esse faciat (sic). Teste ut supra. Per Radulfum filium Nicholai.

Pro ecclesia de Cnaresburg'.—Mandatum est P. de Rivall' quod, amotis omnibus laicis ab ecclesia de Cnaresburg' et domibus ejusdem ecclesie, libere et sine inpedimento permittat archidiaconum Richemund', ordinarium loci, habere sequestrum ipsius ecclesie cum omnibus pertinentiis suis. Teste ut supra. Per ipsum regem.

Pro Johanne filio Philippi.—Mandatum est P. de Rivall' quod habere faciat Johanni filio Philippi, senescallo domini regis, boves ad tres carucas inventas in manerio de Masham quod fuit H. de Burgo quando illud captum fuit in manum regis; quod manerium dominus rex comisit ad firmam eidem Johanni. Teste rege apud Havering', xxvij. die Aprilis, anno ut supra. Per litteras domini regis sub sigillo G. de Craucumb'.

Pro hominibus de Porecestr'.—Quia rex audivit quod boscus de Kingesden', quem rex preceperat custodiri ne averia aliqua ipsum ingrederentur antequam in talem statum reveniret quod sine dampno possent ibi pascere, qui quidem boscus occasione cleiarum contra transfretationem regis ibi factarum deterioratus fuit; mandatum est constabulario Porecestr' quod, si ita est, permittat homines de Porecestr' habere communem pasturam ad animalia et pecora sua in bosco predicto, sicut eam habere debent et solent, antequam rex precepit boscum illum ita custodiri. Teste ut supra.

De tradendo in baillium.—Quia rex accepit per inquisitionem quod Galfridus de Herdwic', captus et detentus in prisona apud Linc' pro morte Gileberti Barlifughel, appellatus est inde odio et athia et non etc.; mandatum est vicecomiti Linc' quod si idem G. invenerit ei xij. liberos et legales homines qui eum manucapiant habere coram justiciariis etc., tunc tradat etc.

De calce data.—Mandatum est P. de Rivall' quod de calce regis que est in custodia sua apud Divisas, faciat habere Briano de Insula xl. quarteria, de dono regis. Teste ut supra.

Pro Mascia de Plesseto.—Rex terram, quam Walterus de Everm' et Thomas de Haya tenent de ballio regis in Ixning' de terris comitis Bolonie, commisit Mascie de Plesseto ad se sustentandum in servicio regis, quamdiu regi placuerit. Et mandatum est vicecomiti Suff' quod eidem Mascie de predicta terra cum pertinentiis plenam saisinam habere faciat, sicut predictum est. Teste rege apud Westmonasterium, xxvij. die Aprilis. Per justiciarium.
Et mandatum est militibus, liberis hominibus et aliis de terra illa, quod ei sint intendentes etc. sicut predictum est.

Pro priore Sancti Jacobi super Beveronem.—Mandatum est comiti Britannie quod permittat priorem et monachos sancti Jacobi super Beveronem tenere terras et redditus, quos habent in eadem villa, in eisdem libertatibus quibus eas tenuerunt quamdiu villa illa fuit in manu R. comitis Cestrie et Linc'. Teste ut supra.

Footnotes

  • 1. The words 'custodi archiepiscopatus' are substituted for 'priori et conventui sancte Trinitatis.'
  • 2. The words 'post . . . xvijo.' are substituted for 'in crastino sancti Aelphegi.' The two dates coincide.
  • 3. This entry is cancelled 'quia alibi.'