Close Rolls, May 1233

Close Rolls, May 1233

De roboribus datis.—Mandatum est P. de Rivall' quod in foresta regis de Essex' faciat habere fratribus minoribus Lond' x. robora ad focum suum, de dono regis. Teste rege apud Lamh', iij. die Maii.
Eodem modo scribitur pro fratribus predicatoribus Lond' de x. roboribus ibidem, et pro Helena nutrice regis de tribus roboribus in bosco de Havering' extra parcum, et pro hospitali de Ileford' de iij. roboribus in forinseco bosco de Havering'.

Hibernia. Pro electo Ossoriensi.—W. Ossoriensis electus per preceptum regis moram facit in Anglia. Et mandatum est M. filio Geroldi, justiciario Hibernie, quod, si alique loquele adversus eum mote sint in curia regis post confirmationem suam, faciat eas poni in respectum usque in unum mensem a die Sancti Michaelis, anno etc. xvij^o. Teste rege apud Westmonasterium, iiij. die Maii.

Pro Engelardo de Cygoyny.—Rex commisit Engelardo de Cygoiny ad se sustentandum in servicio regis, quamdiu regi placuerit, firmam ville de Hayles percipiendam de hominibus de Hayles terminis statutis, quibus inde regi respondere tenebantur ad Scaccarium, usque ad terminum ad quem rex villam illam dimisit ad firmam. Et mandatum est ipsis hominibus quod de predicta firma eidem Engelardo sint intendentes et respondentes, sicut predictum est. Teste ut supra.
Idem Engelardus habet literas per eadem verba directas 'omnibus etc.'

Pro hominibus de Dunewico.—Rex lxviij. libras et x. solidos, quas ei debent homines de Dunewico de arreragiis firme ville sue, et x. libras quas regi debent de promisso de ultimo justiciario in partibus illis, concessit eisdem (fn. 1) hominibus ponendas in firmatione et emendatione ville sue. Et mandatum est baronibus de Scaccario quod ipsos homines inde quietos esse faciant. Teste rege apud Westmonasterium, v. die Maii, anno xvij. Coram episcopo Wintoniensi et justiciario.

Pro leprosis de Cestrefeld'.—Mandatum est P. de Rivall' quod de exitibus terrarum que fuerunt Willelmi Briwer' et sunt in custodia sua, faciat habere leprosis de Cestrefeld' lx. solidos qui eis aretro sunt de termino Pasche anno xvij. de sex libris quas per annum percipiunt de manerio de Cestrefeld' de elemosina regis constituta. Teste ut supra.
Et mandatum est executoribus testamenti W. Briwer' quod de bonis, que fuerunt predicti Willelmi et sunt in manu sua ad exequendum ipsius testamentum, reddi faciant eisdem leprosis iiij. marcas quas idem Willelmus eis debuit de elemosina regis constituta de termino sancti Michaelis, anno xvj^o. Teste ut supra.

De tradendis in ballium.—Mandatum est vicecomiti Leic' quod, quia Robertus de Clipston' et Ricardus Illing', capti et detenti in prisona regis de Roele pro morte Willelmi de Haverberg' et Roberti filii Albrici, unde rettati sunt odio et athia et non etc., ut inquisitio dicit, si uterque illorum Roberti et Ricardi invenerit ei xij. probos et legales homines de comitatu suo etc., tunc tradat in ballium etc. Teste ut supra.

Pro hominibus de Dunewico.—Mandatum est ballivis regis de Gernem' quod non inpediant homines regis de Dunewico cum venerint ad portum suum cum navibus suis, quin libere morari possint in eodem portu cum navibus et mercandisis suis in eis contentis, et ibidem receptaculum habere cum necesse habuerint cum navibus suis illuc declinare. Teste ut supra.

De nundinis Sancti Botulfi.—Mandatum est vicecomiti Linc' quod non permittat quod aliqui se intromittant de nundinis Sancti Botulfi contra voluntatem ballivorum comitis Brittannie, quos idem comes assignaverit ad nundinas predictas custodiendas. Teste P. Wintoniensi episcopo, apud Westmonasterium, vij. die Maii.

De terra in Seleburn' data ad construendam quandam domum religionis.— Rex totam terram suam cum pertinentiis in Seleburn,' quam magister Stephanus de Lucy aliquando tenuit de concessione regis, dedit per cartam suam P. Wintoniensi episcopo ad quandam domum religionis construendam. Et mandatum est vicecomiti Suht' quod de predicta terra cum pertinentiis eidem episcopo plenam saisinam habere faciat, sicut predictum est. Teste ut supra.

Pro Willelmo de Stutevill'.—Rex perdonavit Willelmo de Stutevill' de proficuo comitatus Eboraci de medietate anni etc. xiiij. vj. libras, et de toto anno xv. xij. libras, et de toto anno xvj. xij. libras, et de exitu unius anni de prato pertinente ad castrum Eboraci, quod rex postea dedit fratribus milicie Templi in Anglia, viij. solidos. Et mandatum est baronibus de Scaccario quod ipsum Willelmum inde quietum esse faciant. Teste ut supra. Per episcopum Wintoniensem et justiciarium.

[In cedula.] (one entry only.)

Seleburn'.—Dominus rex dedit per cartam suam venerabili patri P. Wintoniensi episcopo totam terram cum pertinentiis in Seleburn', quam magister Stephanus de Lucy aliquando tenuit de concessione regis, ad ampliandum abbatiam et domos et edificia ejusdem abbatie, quam idem episcopus de voluntate et concessione domini regis fundavit in eadem villa in honore Dei et gloriose virginis Marie, sicut plenius continetur in carta regis quam ei inde fieri fecit. Et mandatum est baronibus de Scaccario quod sic inrotulari faciant. Teste rege apud Westmonasterium, iiij. die Maii, anno regni nostri xviij. (sic).

De quercubus datis.—Mandatum est P. de Rivall' quod in bosco de Lyndeby habere faciat abbati de Parco Stanl' duas quercus, et in bosco de Willey' habere faciat eidem abbati duas quercus, ad scyndulas faciendas ad dormitorium suum, de dono regis. Teste rege apud Oxoniam, ix. die Maii. Per Radulfum filium Nicholai.

De justis faciendis.—Mandatum est Thome de Langel' quod in foresta de Wuchewud' habere faciat fratri Galfrido, elemosinario regis, tres arabiles ad justas ad opus regis faciendas. Teste rege apud Wudest', x. die Maii.

De calce et roboribus datis.—Mandatum est P. de Rivall' quod in foresta de Chipham habere faciat Ele comitisse Sarr' decem robora et centum quarteria calcis, de dono regis. Teste ut supra.

De quercubus datis.—Mandatum est Petro de Rivall' quod in bosco de Shotovr' faciat habere fratribus minoribus Oxonie xx. quercus ad focum suum. Et in eodem bosco faciat habere fratribus predicatoribus xx. quercus ad focum suum, de dono regis. Teste ut supra.

De roboribus datis.—Mandatum est Thome de Langel' quod in foresta de Wychewude faciat habere fratribus hospitalis de Bureford' iiij. robora ad focum suum, de dono regis. Teste ut supra.
Mandatum est assessoribus quadragesime in comitatu Oxonie quod, si quid nomine quadragesime ceperint de monachis ordinis Cisterciensis contra formam eis demandatam, id eis sine dilatione reddi faciant. Teste ut supra.

Pro Richero de Whitewell'.—Mandatum est Petro de Rivall' quod, non obstante mandato regis quod ei nuper fecit de terra quam Richerus de Witewell' tenuit in Wynterburn' de terris Normannorum capienda in manum regis et ea committenda Petro de Russell', faciat habere eidem Richero omnia catalla sua que habuit in terra predicta. Teste ut supra.

De roboribus datis.—Mandatum est P. de Rivall' quod in foresta de Wyndesor' habere faciat Sibille uxori Walerandi Teutonici quatuor robora, de dono regis. Teste ut supra. Per P. de Rivall'.

De quercubus datis.—Mandatum est P. de Rivall' quod in foresta de Dene habere faciat fratribus predicatoribus de Bristollo quatuor quercus, de dono regis ad scindulas faciendas. Teste ut supra. Per P. de Rivall'.

De manerio de Heyles commisso Engelardo de Cygoiny.—Rex commisit Engelardo de Cygony manerium de Hayles ad se sustentandum in servicio regis quamdiu ei placuerit, ita quod usque ad finem trium annorum, quibus villam illam dimisit rex hominibus ejusdem ville tenendam ad firmam per lx. libras annuas, recipiat ab eisdem hominibus illas lx. libras annuas sicut ipsi ad Scaccarium nostrum eas reddere tenebantur; et postea manerium illud, si voluerit, teneat in manu sua. Et mandatum est vicecomiti Glouc' quod de predicto manerio eidem Engelardo plenam seisinam habere faciat, sicut predictum est. Teste ut supra. Per ipsum regem.

Pro Anketillo Mallore.—Rex commisit Aunketillo Maulore manerium de Erleg' cum pertinentiis ad se sustentandum in servicio regis quamdiu ei placuerit, reddendo inde per annum ad Scaccarium decem marcas. Et mandatum est vicecomiti Salopie quod eidem Aunketillo de predicto manerio plenam seisinam habere faciat, sicut predictum est. Teste ut supra. Per P. de Rivall'.

De capreolis datis.—Mandatum est Michaeli de Columbariis quod in foresta regis de Cette habere faciat A. comitisse Penbr', sorori regis, tres capreolos, de dono regis. Teste ut supra. Per ipsum regem.

De damis datis.—Mandatum est Galfrido Esturmy quod in foresta de Savernac habere faciat A. comitisse Penbr' quinque damos, de dono regis. Teste ut supra. Per ipsum regem.

De decimis feni.—Mandatum est P. de Rivall' quod de dominicis fenis et molendinis manerii de Rowell', quod est in custodia sua cum herede G. quondam comitis Glouc', et de dominicis fenis et molendinis manerii de Barewe, quod est in custodia sua cum Hugone de Albiniaco, dari faciat decimas ecclesiis predictorum maneriorum quamdiu predicta maneria fuerint in manu regis, salvo statu predictorum heredum cum ad etatem pervenerint, ita quod occasione predicta in nullo possit eis prejudicari. Teste ut supra.

De roboribus datis.—Mandatum est P. de Rivall' quod habere faciat priori hospitallis Sancti Johannis de Brackel' x. robora in foresta de Whitlewod' ad focum suum, de dono regis. Teste rege apud Wud', xv. die Maii.

Pro monialibus de Litlemora.—Mandatum est P. de Rivall' quod moniales de Litlemore permittat habere tres solidos, quos homines de Theford' eis dare consueverunt singulis annis pro habenda communa pasture in marisco suo de Bruera tempore quo manerium de Saham fuit in manu Huberti de Burgo, sicut eos habere consueverunt antequam predictum manerium de Saham devenit in manum regis. Teste ut supra.

Pro fratribus predicatoribus Oxonie.—Mandatum est P. de Rivall' quod in foresta de Pauncehal' faciat habere fratribus predicatoribus Oxonie xxx. quercus, cum toto maeremio quod exciderit, ad cheverones secandos et ad aliud maeremium faciendum ad operationem scole sue Oxonie, de dono regis. Teste ut supra.

Pro domino Cycestrensi de quodam bruillio.—Mandatum est P. de Rivall' quod talem saisinam habere faciat R. Cycestrensi episcopo, cancellario regis, de bruillio illo cum pertinentiis qui est inter Sumeresdal' et terram prioris de Wlenchesmere, qualem inde habuit antequam Hubertus de Burgo ipsum inde disseisivit, contra perambulationem factam per preceptum regis de bruillio illo et bruilliis Cycestr'. Teste rege apud Wudestok', xviij. die Maii. Per ipsum regem.

De quercubus datis.—Mandatum est P. de Rivall' quod in parco de Bukeham, qui fuit comitis Arundell', faciat habere Philippo de Wylinton', clerico suo, sex quercus bonas et in parco de Wymundham, qui fuit ejusdem comitis, alias sex quercus bonas cum escaetis earundem quercuum, ad se hospitandum apud Merton', de dono regis. Teste rege apud Ottinton', xix. die Maii.

De tradendis in ballium.—Quia rex accepit per inquisitionem etc. quod Colinus vinetarius captus et detentus in prisona regis apud Crucem Roesie, et Firminus de Rothomago similiter captus et detentus in prisona apud Hertf' pro morte Fergant de Nauntes, unde rettati sunt, de morte illa sunt rettati odio et athia et non etc.; mandatum est vicecomiti Hertf' quod, si uterque illorum invenerit ei xij. etc., tunc tradat in ballium etc.

[m. 9.]

Pro Johanne filio Philippi.—Mandatum est P. de Rivall' quod blada, que seminata sunt in dominicis manerii de Masham, quod Johannes filius Philippi habet de rege ad firmam usque ad etatem filii et heredis Johannis de Wauton, et quem manerium illud hereditarie contingit, eidem Johanni habere faciat de dono regis. Teste rege apud Glouc', xxiij. die Maii.

De damis datis.—Mandatum est P. de Rivall' quod habere faciat Johanni filio Galfridi unum damum in foresta de Brehull', de dono regis. Teste ut supra.
Eodem modo scribitur eidem pro comite Cestrie et Hunt' de tribus damis in foresta de Clive. Teste ut supra.

Pro probis hominibus.—Probi homines Glouc' reddiderunt regi apud Glouc' in vigilia Pentecostes anno etc. xvij., xij. alosas per quas una cum xij. lampredis finem fecerunt cum rege ut quieti essent de ducentis et quater viginti lampredis, que ab eis exigebantur per summonitionem Scaccarii de tempore Johannis regis etc. Et mandatum est baronibus de Scaccario quod ipsos de predictis xij. alosis quietos esse faciant. Teste ut supra.

Pro comitibus Oxonie et War'.—Rex cinxit Hugonem de Ver cingulo comitatus Oxonie. Et mandatum est vicecomiti Oxonie quod eidem comiti habere faciat de predicto comitatu id quod habere debet nomine comitatus Oxonie, et de quo predecessores sui comites Oxonie saisiti fuerunt tamquam ad eos pertinente nomine comitatus Oxonie. Teste rege apud Theok', xxiiij. die Maii.
Eodem modo scribitur vicecomiti War' pro comite War'.

De cervis et damis datis.—Mandatum est P. de Rivall' quod habere faciat Willelmo Bardulf' duos damos in foresta de Shirewod', de dono regis. Teste ut supra. Per Radulfum filium Nicholai.
Mandatum est eidem quod habere faciat Alienore, consanguinee regis, quatuor cervos in foresta regis de Menedep', de dono regis. Teste rege apud Theokebir', xxiiij. die Maii.

Pro Rannulfo de Hurle.—Quia Rannulfus de Hurle est in servicio regis in partibus Wallie per preceptum regis, mandatum est justiciariis de Banco quod loquelam, que est coram eis inter Thomam de Stok' petentem et ipsum Rannulfum tenentem de ij. partibus unius hide terre cum pertinentiis in Inglescume et Beregh', ponant in respectum usque in xv. dies a die Sancti Michaelis, anno xvij. Teste ut supra. Per P. de Rivall'.

De coronatore eligendo.—Mandatum est vicecomiti Salopie quod in pleno comitatu suo et per assensum totius comitatus loco Johannis de Chettewinde quondam coronatoris in eodem comitatu, qui mortuus est ut dicitur, eligi faciat alium coronatorem qui prestito etc.
Quia per S. de Sedgrave justiciarium Anglie protestatum fuit coram rege quod Robertus Bat de London' vi et in manu armata (fn. 2)

Pro Willelmo de Cantilup'.—Mandatum est vicecomiti Wiltes', (fn. 3) quod maneria de Caln' et Caleston' cum pertinentiis, que capta sunt in manum regis per preceptum suum et que rex replegiavit (fn. 4) Willelmo de Cantilup', ei plenam saisinam habere faciat et, si quid inde captum vel amotum fuerit postquam in manum regis capta fuerunt, id ei sine dilatione reddi faciat. Teste ut supra.

Pro Germano scissore.—Rex dedit Germano scissori ad opus suum proprium maritagium Matildis sororis uxoris Petri Pictaviensis, que moram facit in domo priorisse de Stratford'. Et mandatum est eidem priorisse quod ipsam Matildem prefato Germano vel certo nuncio suo literas regis deferenti sine omni dilatione liberet. Teste ut supra. Per P. Pictaviensem.

De advocatione abbatie de Roucestr'.—Rex A. Coventrensi et Lichefeldensi episcopo salutem. Sciatis quod abbas de Deulacresse in presencia nostra remisit et quietum clamavit Johanni comiti Cestrie et Huntindun' totum jus et clamium quod habuit in advocatione abbatie de Rouecestr' ratione manerii sui de Lek', ad quod dicta abbatia dinoscitur pertinere; quod quidem manerium R. quondam comes Cestrie et Linc' dedit predicte domui de Deulacresse cum omnibus pertinentiis suis, et quod eidem domui confirmamus. Et ideo vobis mandamus quod predictum comitem in hac vacatione predicte abbatie patronum ejusdem abbatie habeatis, salvo tamen jure ceterorum heredum predicti R. quondam comitis Cestrie et Linc', si in dicta advocatione postea jus sibi vendicare voluerint. Teste ut supra.

Pro Johanne Sarraceno de respectu loquele.—Mandatum est vicecomiti Salopie quod loquelam, que est in comitatu Salopie per breve regis de recto inter Thomam Corbet petentem et Johannem Sarracenum tenentem, de una virgata terre in Benetleg', ponat in respectum usque in quinque septimanas a die sancti Michaeli (sic) anno xvij. Teste ut supra. Per justiciarium.

Pro Henrico le Tyeis.—Mandatum este P. de Rivall' quod permittat Henricum le Tyeis capere mairemium in bosco suo proprio de Crendon', ad quoddam molendinum venticium faciendum Teste ut supra. Per ipsum P.

Pro Roberto de Musters et socio suo.—Mandatum est vicecomiti Essex' quod Roberto de Monasteriis et Bertelot le Bigot plenam saisinam habere faciat de capitali mesuagio manerii de Aufeton', quod ipsi et Willelmus de Crepping' tenent de ballio regis, ita tamen quod idem Willelmus habeat alibi in eodem manerio ultra terciam partem suam, ad valentiam partis sue de predicto mesuagio. Teste ut supra.

Pro monachis de Deulacresse.—Mandatum est vicecomiti Staff' quod abbatem et monachos de Deulacresse tenere permittat manerium de Lek' cum eisdem libertatibus cum quibus R. quondam comes Cestrie et Linc' illud tenuit, de cujus dono ipsi abbas et monachi manerium illud habent. Teste ut supra.

Hibernia. Pro Henrico de Trublevill'.—Mandatum est Mauricio filio Geroldi, justiciario Hibernie, quod de manerio de Balimadun cum pertinentiis, quod rex per cartam suam dedit Radulfo de Trublevill' et Henrico de Trublevill' tamquam heredi suo post mortem ipsius Radulfi, qui jam pridem decessit, ipsi Henrico per nuntium suum has literas deferentem talem saisinam habere faciat qualem predictus Radulfus habuit die quo obiit. Teste ut supra.
Rex concessit Rogero le Harpur quod ille iiij. acre terre et dimidia cum pertinentiis in Witton', que sunt in foresta Norhumbrie et quas ipse essartari fecit, que quidem sunt de feodo Rogeri de Merlay, inperpetuum sunt (sic) quiete de vasto et regardo et de omnibus que ad forestam et forestarios et viridarios pertinent. Et mandatum est P. de Rivall' quod permittat eum ipsas iiij. acras cum predictis libertatibus et quietantiis tenere. Teste ut supra. (fn. 5)

De trenchea facienda.—Mandatum est vicecomiti Hereford' quod, assumptis secum probis et legalibus hominibus de comitatu suo, in propria persona accedat ad boscos de Erdelegh', Brumlegh' et Witteneye inter Erdeleg' et Castrum Matildis, et per eosdem communiter fieri faciat unam bonam trencheam per medios boscos illos, ita quod per trencheam illam salvum ire et salvum redire sit inter civitatem Heref' et predictum castrum; salvis dominis feodorum illorum terris suis ibidem. Teste ut supra.

Pro Henrico de Baillol.—Rex perdonavit Henrico de Baillol et Lore uxori ejus x. marcas de fine xx. marcarum, quem cum rege fecerunt pro relevio suo de terris que fuerunt Christiane, que fuit uxor W. comitis de Mandevill'. Et et (sic) mandatum est baronibus de Scaccario quod eos inde quietos esse faciant. Teste rege apud Theok', xxv. die Maii. Per justiciarium.
Et mandatum est vicecomiti Norf' quod eis inde pacem habere permittat.

Pro comitissa Heref'.—Mandatum est vicecomiti Essex' quod, occasione precepti regii ei facti de faciendo habere Rogero de Dauntes' catalla que habuit in terris Matildis comitisse Essex' ante divortium inter eos celebratum, non permittat ipsum Rogerum habere catalla pertinentia ad instaurum vel culturam earundem terrarum; set si que alia catalla ipse vel sui ibidem habuerint, ea eis habere faciat. Teste rege apud Theok', xxiiij. die Maii.
Eodem modo scribitur vicecomitibus Buk', Midd', Wiltes'.

De operatione aule Wintonie.—Mandatum est majori Wintonie quod per visum et testimonium aliquorum legalium hominum de villa Wintonie diligentem curam et custodiam gerat de operatione aule castri Wintonie, et ipsam [si] poterit faciat accelerari. Injunxit enim rex ballivis Wintonie quod de denariis firme sue ei liberent ad predictam operationem faciendam, qui si forte ad hoc non suffecerint, dedit rex in mandatis P. Wintoniensi episcopo quod denarios ei habere faciat quantum neccesse fuerit. Decetero etiam idem major venditionem non faciat de subbosco foreste de Bera quam rex ab eo fieri fecit, set eam penitus remanere faciat. Teste ut supra.

De quercubus datis.—Mandatum est P. de Rivall' quod habere faciat abbati de Bello Loco xx. quercus in foresta de Savernak' et xx. quercus in foresta de Bera ad operationem ecclesie sue, de dono regis. Teste ut supra. Per eundem P.

Oleron'. Pro Alano de Turre.—Mandatum est Hugoni de Vivon' quod, non obstante mandato regis de saisina facienda Bartholomeo de Podio de quadam terra in insula de Olerun quam Alanus de Turri prius tenuit, faciat habere eidem Alano vel nuntio suo catalla sua mobilia que habuit in predicta terra, salvis eidem Bartholomeo bladis et vineis contentis in predicta terra. Teste ut supra.

Pro Petro de Malo Lacu et uxore ejus.—Mandatum est B. de Insula quod permittat Petrum de Malo Lacu et Isabellam uxorem ejus habere forestam suam de Eskedale bene et in pace, sicut Robertus de Turneham pater ipsius Isabelle, cujus heres ipsa est, et predecessores sui eam tenuerint, temporibus Ricardi regis avunculi et Johannis regis patris domini regis usque ad guerram motam etc., nec inde ab eis exigat vel exigit (sic) consuetudines vel servicia alia quam predecessores ejusdem Isabelle inde facere consueverunt temporibus predictis. Teste ut supra.

De quercubus datis.—Rex Petro de Rivall' salutem. Mandamus vobis quod in foresta nostra de Whichewud' habere faciatis Waltero de Baskerevill' decem quercus ad se hospitandum apud Cumb', de dono nostro. Teste ut supra.
Per ipsum Petrum de Rivall'.

Pro abbate de Theokesbir'.—Mandatum est Ranulfo de Hurle, ballivo de Glamorgan, quod elemosinas constitutas per maneria que fuerunt G. quondam comitis Glouc', quas abbas et monachi de Theok' percipere solebant, eisdem abbati et monachis habere faciat, sicut eas tempore predicti comitis percipere consueverunt et, si quid inde captum fuerit, reddi faciat. Teste ut supra.

Pro Waltero de Evermue.—Mandatum est vicecomiti Suff' quod per sacramentum proborum et legalium hominum de comitatu suo diligenter inquirat que et cujusmodi catalla inventa fuerunt in terra de Ixninge, quam rex commiserat W. de Everm' ad se sustentandum quamdiu regi placuit, et quantum valuerunt quando idem Walterus terram illam recepit. Et, si plura catalla invenerit in predicta terra quam idem Walterus receperit, que fuerint ipsius Walteri, ea eidem Waltero faciat liberari. Teste ut supra.

Pro Willelmo le Bigod et uxore ejus.—Rex intellexit per inquisitionem factam per preceptum regis quod H. de Burgo injuste et sine judicio disseisivit Willelmum le Bigod et Margaretam uxorem ejus de secta, quam homines de honore de Reileg' facere debent et consueverunt ad hundredum de Berdestapl', quod predicti Willelmus et Margareta tenent de rege ad feodi firmam. Et mandatum est custodi honoris de Reyleg' (fn. 6) quod de secta predicta plenam eis saisinam habere faciat. Teste ut supra.

Pro Petro de Nevill'.—Mandatum est B. de Insula quod sine dilatione faciat habere Petro de Nevill' custum quod posuit in dominico de Pikering' excolendo et seminando, tempore quo illud recepit ad firmam de Johanne Bonet, quando fuit vicecomes Eboraci, tenendum usque ad festum Sancti Michaelis, anno xvij., ne ad aures regis debeat iterata querela deferri. Teste ut supra.

De respectu loquele.—Mandatum est vicecomiti Sumers' et Dors' quod loquelas, que sunt in comitatibus suis inter Robertum de Muscegros et Willelmum le Waleis de placito terre et debitorum, ponat in respectum usque in unum mensem a die Sancti Johannis Baptiste, anno etc. xvij. Teste ut supra.

De quercubus datis.—Mandatum est P. de Rivall' quod habere faciat abbati de Persora centum quercus in foresta de Den', de dono regis ad operationem ecclesie sue. Teste rege apud Persoram, xxvij. die Maii. Per ipsum regem.

De mercatoribus vinorum, ne veniant in Angliam cum minoribus doliis quam esse solent.—Mandatum est ballivis P. comitis Britannie in nundinis sancti Botulfi quod singulis septimanis, quamdiu nundine duraverint, ter clamari faciant per easdem nundinas quod nullus mercator, ducens vina venalia in Angliam vel vina Wasconie vel Andegavie vel de Obblenc vel de Aucerr' vel aliunde, decetero post has nundinas Sancti Botulfi venire faciat in Angliam aliquod dolium vini, quod minus contineat secundum numerum sextertiorum quam continere consuevit temporibus Henrici regis, Ricardi regis et Johannis regis etc. Et si quis mercator ab illis nundinis in antea interceptus fuerit quod ducat dolia vini venalia in Angliam minoris mensure quam esse consueverunt temporibus predictis, sciat se omnia vina sua amissurum et insuper in gravem misericordiam regis incidisse. Teste rege apud Wigorniam, xxix. die Maii. Per ipsum regem.

De quercubus datis.—Mandatum est P. de Rivall' quod in foresta regis de Fecham faciat habere priorisse de Westwod' v. quercus ad operationem ecclesie sue, de dono regis. Teste rege apud Wigorniam, xxix. die Maii. Per ipsum regem.

De presentatione N. de Stutevill' ad ecclesiam de Cnaresburg.'—Rex non vult quod presentatio Nicholai de Stutevill', quam fecit de P. de Rivall', ad ecclesiam de Cnaresburg', inpediatur occasione manerii de Cnaresburg' quod est in manu regis tamquam vadium regis. Et hoc significatum est archidiacono Richem'. Teste ut supra.

Hibernia. Pro Radulfo filio Nicholai.—Mandatum est M. filio Geroldi, justiciario Hibernie, quod habere faciat Radulfo filio Nicholai servicium regis xl. dierum de Mida ad castrum suum de Donalamein claudendum, quod habet in custodia de concessione regis cum filio et herede Willelmi Pichard'. Teste ut supra.

De damis datis.—Mandatum est P. de Rivall' quod habere faciat A. comitisse Penbr' v. damos in foresta de Cett', de dono regis. Teste ut supra.

De vinis arestandis ad opus regis.—Mandatum est ballivis Salopie quod de vinis que sunt in villa sua, faciant arestari x. dolia ad opus regis contra adventum suum hac instanti die Dominica. Faciant etiam fieri panem et cervisiam ne rex in adventu suo defectum inveniat. Teste rege apud Wigorniam, xxx. die Maii.
Eodem modo scribitur ballivis de Brug' de iiij. doliis arestandis etc.

Pro uxore Henrici le Parmenter.—Rex pro Deo concessit Emme, que fuit uxor Henrici le Parmenter, ad sustentationem suam et puerorum suorum omnia catalla que fuerunt ipsius Henrici, nuper suspensi pro transgressione facta contra pacem regis. Concessit etiam rex eidem Emme domum cum pertinentiis, que fuit ejusdem Henrici in Glouc', habendam per unum annum et unum diem, et que ad regem pertinet per idem tempus habenda occasione predicte suspensionis. Et mandatum est vicecomiti Glouc' quod tam de predictis catallis quam de predicta domo cum pertinentiis eidem Emme plenam saisinam habere faciat, sicut predictum est. Teste rege apud Wigorniam, xxx. die Maii.

Pro Rogero le Harpur.—Rex concessit Rogero le Harpur quod ille iiij. acre terre et dimidia cum pertinentiis in Wytton', quas fecit essartari infra forestam regis Norhumbrie, que quidem sunt de feudo Rogeri de Merlay, inperpetuum sint quiete de vasto et regwardo et de omnibus que ad forestam, forestarios et viridarios et regardatores pertinent, salva regi venatione sua; et quod ipse Rogerus vel heredes sui occasione predicte terre nullam sectam faciant coram justiciariis itinerantibus ad omnia placita, vel coram justiciariis de foresta itinerantibus ad placita foreste pro communi summonitione, nisi aliquem implacitent vel ab aliquo implacitentur vel pro aliquo delicto atachiati sint, quare oporteat eos esse coram præfatis justiciariis. Et mandatum est B. de Insula quod permittat ipsum Rogerum terram illam cum predictis libertatibus tenere. Teste ut supra.
Eodem modo scribitur justiciariis proximo itineraturis ad placita foreste.
Eodem modo scribitur justiciariis proximo itineraturis ad omnia placita in comitatu Norhumbrie, de articulo brevis illius quod ad eos pertinet. Teste ut supra.