Close Rolls, April 1232

Close Rolls, April 1232

De roboribus datis.—Mandatum est Johanni de Monem' quod habere faciat priorisse de Ambresbir' vij. vetera robora folia non ferentia in foresta de Graveling' de dono regis, ad unum rogum faciendum, de dono regis. Teste rege apud Clarendon', ij. die Aprilis.

De maeremio ad cameram de Clarendon' depingendam.—Mandatum est eidem Johanni quod in foresta de Pauncet faciat habere vicecomiti Wilt' maeremium et virgas necessarias ad cameram regis de Clarend' depingendam, et cheverones et auntres ad capellam regis ibidem lambruscandam. Teste rege apud Clarend', ij. die Aprilis.

Pro magistro Ada de Esseby.—Mandatum est Thome de Langel' quod habere faciat magistro Ade de Esseby, canonico Sarrisburiensi, rationabile estoverium suum ad husbot' et heibot' in balliva sua, sicut predecessores sui de prebenda de Shipton' illud habere consueverunt. Teste ut supra.

Pro Alicia de Grunestede.—Rex concessit Alicie de Grunested' quod quamdiu Johannes de Grunested', filius et heres Ricardi de Grunested', fuerit infra etatem et in custodia sua, decetero non currant usure in debito quod idem heres debet Abrahe Pinche Judeo Wintoniensi, de debito quod predictus pater ejus mutuo recepit ab eodem Judeo. Et mandatum est justiciariis ad custodiam Judeorum etc., quod usuras predicti debiti usque ad etatem predicti heredis cessare faciant. Teste rege apud Ashel', iij. die Aprilis.

De copulis datis.—Mandatum est Michaeli de Columbar' quod in foresta regis de Cett' faciat habere abbati de Hyda xx. copulas ad emendationem ecclesie sue de Hyda, de dono regis. Teste rege apud Basingstok', vj. die Aprilis.

De fagis datis.—Eodem modo scribitur Johanni de Venuz pro abbatissa Sancte Marie Wintonie, de v. fagis in Axiholt ad capitulum suum lambruscandum. Teste ut supra.

De venatione capienda.—Mandatum est constabulario de Odiham quod Willelmum Lungespee, quem rex ad eum mittit ad capiendum (fn. 1) ad opus regis in parco de Odiham duas bissas et ij. damas crassas contra instans Pascha, ad hoc admittat et auxilium inpendat. Teste rege apud Basingestok', vj. die Aprilis.

[m. 12.]

De roboribus datis.—Mandatum est ballivis foreste Windles' quod habere faciant abbati de Medmeham xxv. robora, tam quercus quam fagos, in predicta foresta ad focum suum, de dono regis. Teste rege apud Rading', vij. die Aprilis.

Pro abbatissa de Wylton'.—Mandatum est Galfrido Esturmy quod contentiones ortas inter regem et abbatissam de Wilton' super expeditatione canum et aliis, occasione quorum eam distringit per averia sua, que per preceptum regis deliberavit, ponat in respectum usque ad primum adventum regis usque Merleberg', ut eo et ceteris forestariis regis et viridariis foreste de Savernak' in presentia regis constitutis, tunc cum aliis discretis hominibus partium illarum super contentionibus predictis per eos certificatus, rex statuat quod duxerit inde statuendum; et interim ipsi abbatisse pacem inde habere permittat. Teste ut supra.

De tradendo in baillium.—Mandatum est ballivis Oxonie quod si Adam (fn. 2), captus et detentus in prisona nostra Oxonie occasione vulneracionis de Brackel', invenerit ei xij. liberos et legales homines de villa Oxonie qui eum manucapiant habere coram justiciariis etc. ad primam assisam etc. ad standum inde recto, tunc ipsum tradat predictis xij. liberis in ballio usque adventum predictorum justiciariorum; et habeat ibi etc.

Pro episcopo et priore Sancti Swithuni Wintonie.—Mandatum est regardatoribus foreste in comitatu Berk' quod occasione reguardi predicte foreste predicte (sic) in comitatu Berk' quod rex ab eo fieri precepit, nullum reguardum faciant in boscis vel terris P. Wintoniensis episcopi vel hominum suorum, nec in boscis vel terris prioris Sancti Swithuni Wintoniensis vel hominum suorum, contra libertates quas ipsi episcopus et prior habent per cartam J. regis etc., et per cartam et confirmacionem regis istius. Teste rege apud Rading', x. die Aprilis. Per regem et justiciarium.
Consimiles literas habent in comitatibus Suhamt' et Oxonie.

De quercubus datis.—Mandatum est Hugoni de Nevill' quod habere faciat Willelmo de Houeton', capellano domini regis, v. quercus in forinseco bosco regis de Gatesl', et alias v. quercus in aliquo vicino bosco regis ubi poterit competentius et ad minus nocumentum foreste regis, ad cancellum ecclesie sue de Oxendon' reparandum, de dono regis. Teste rege apud Rading', xij. die Aprilis.

De roboribus datis.—Mandatum est constabulario de Windles' quod habere faciat Alicie nutrici Maggote filie H. de Burgo, etc. duo robora in foresta de Windles' ad focum suum de dono regis. Teste ut supra.

Pro archidiaconis Norhamt' et Linc'.—Mandatum est B. de Insula quod occasione captionis duorum damorum, quos rex dedit archidiaconis Linc' et Norhamt', et quos, ut H. de Nevill' eis habere faceret in foresta de Wauberg', nec ipsum Hugonem nec eos, qui ad eosdem damos capiendos interfuerunt, in aliquo vexet vel gravet. Teste ut supra.

Pro B. de Insula.—Mandatum est B. de Insula quod, non obstante eo quod placita warenne de Cantebrigia coram eo summonita sunt in crastino clausi Pasche, accedat usque Blaneford' ad jus suum tuendum contra eos qui assisam nove dissaisine contra eum aramiaverunt a die Pasche in xv. dies. Dicta autem placita dicte warenne usque ad terminum competentem ponat in respectum. Teste ut supra.

De prisonibus custodiendis.—Mandatum est vicecomiti Wilt' quod quatuor prisones, quos abbatissa de Rumes' ei liberabit, recipiat et salvo custodiri faciat, donec rex aliud inde preceperit. Teste ut supra.

De damis datis.—Mandatum est Thome de Langel' quod habere faciat Roberto de Harecurt vj damas vivas in foresta de Wichewod ad parcum suum de Boseworth' instaurandum, de dono regis. Teste ut supra.

Pro monachis Sancte Trinitatis Kantuarie.—Mandatum est Ricardo de Muntfichet quod permittat monachos Sancte Trinitatis Cantuarie capere in bosco suo proprio, quod vocatur Danegrise, qui est infra forestam nostram Essex', ducentas et xiij. quercus sparsim per loca etc. ad refectorium suum reparandum. Teste ut supra.

Pro Radulfo filio Nicholai.—Mandatum est vicecomiti Norhamt' quod non distringat Radulfum filium Nicholai in comitatu suo pro fine quem fecit pro custodia terre et heredum Roberti filii Willelmi de Esseby, quia respondet de fine illo in comitatu Noting'. Teste ut supra.

Pro Alicia de Bendenges.—Mandatum est ballivo de Odiham quod terram Alicie de Bendenges, tam eam quam tenuit in dotem de dono Ade de Bendenges, quondam viri sui, quam illam quam habuit in maritagium, quam quidem cepit in manum regis occasione mortis Walteri de Bendenges filii sui, ei sine dilatione restituat; de terris autem, que fuerunt ipsius Walteri, faciat loco dotis assignari Agneti, que fuit uxor ejus, quandam rationabilem portionem ad se sustentandam, donec dos sua ei plenius fuerit assignata. Teste ut supra.

De tradendis in baillium.—Johannes Cul, Caperun de Wudestok' et Johannes Scot, detenti in prisona regis apud Oxoniam pro meslea inter scolares Oxonienses et burgenses ejusdem ville, habent literas directas vicecomiti Oxonie quod tradantur in ballium, quilibet xij. usque ad primam assisam etc.

Pro uxore Hugonis medici de Leic'.—Monstravit regi Aldusia que fuit uxor Hugonis medici quod, occasione terre, que fuit Simonis filii Hugonis utlagati pro morte cujusdam hominis unde rettatus fuit, quam cepit in manum regis, vicecomes Leic' totam terram ipsius Aldusie matris ipsius, quam tenuit in suburbio Leic' nomine dotis, simul cum terra que fuit ipsius Simonis, capi fecit in manum regis. Et mandatum est eidem vicecomiti quod, si ita est, tunc terram ipsius Aldusie ei sine dilatione restitui faciat. Teste ut supra.

Pro quodam Judeo de Neubir'.—Rex ad instanciam A. comitisse Penbr' concessit Bonevie, Judeo de Neubir', quod moram faciat apud Neubir' usque ad instantem Pentecosten anno etc. xvj. Et mandatum est justiciariis ad custodiam etc. quod ita fieri permittant. Teste ut supra.

Pro Alexandro de Ho.—Mandatum est justiciariis de Banco quod appellum quod Matheus de Danemed' facit versus Alexandrum de Ho, qui est in servicio regis apud Kaermerdin, de pace regis fracta, ponat coram justiciariis ad primam assisam, cum in partes Suhamt' venerint.

Pro Hugone de Sampford'.—Rex perdonavit Hugoni de Samford' unam marcam, que ab eo exigitur de amerciamento, unde amerciatus fuit coram justiciariis ultimo itinerantibus in comitatu Kancie, eo quod non venit coram eis ad communem summonitionem. Et mandatum est custodi archiepiscopatus Cantuariensis quod de predicta marca ipsum Hugonem quietum esse faciat. Teste ut supra.

De vinis arestandis ad opus regis.—Mandatum est Gervasio camerario London' quod de melioribus vinis reckis, que venerunt de novo apud London', retineat ad opus regis xx. dolia vini, et ea statim liberari faciat vicecomitibus Lond' carianda quo rex eis precepit. Teste rege apud Windles', xiiij. die Aprilis.

De viridariis eligendis.—Mandatum est vicecomiti Berk' quod convocato toto comitatu suo per eundem comitatum, sine dilatione eligi faciat loco Willelmi Albin et Thome de Erlegh', qui fuerunt viridarii nostri de foresta de Windles', de legalioribus et discretioribus militibus ejusdem comitatus alios duos, qui melius possint esse viridarii regis in eadem foresta et qui melius velint perhibere fidele testimonium forestariis regis ejusdem foreste de hiis, que ad forestam illam pertinent, accepto prius ab eis sacramento quod fidele perhibebunt testimonium predictis forestariis regis, et quod jura regis fideliter observabunt in hiis, que ad forestam regis pertinent; et ex parte regis firmiter eis precipiat quod officio viridarie fideliter et diligenter intendant; et nomina illorum militum regi scire faciat. Teste rege apud Windles', xiiij. die Aprilis.

Pro Alicia de Bendenges.—Mandatum est ballivo regis de Odiham quod, non obstante alio mandato regis ei facto, terram Alicie de Bendenges, tam illam, quam tenuit de maritagio suo, quam illam, quam tenuit in dotem de libero tenemento, quod fuit Ade de Bendenges quondam viri sui, de qua quidem eam disseisivit, ut dicit, occasione mortis Walteri de Bendenges filii sui, ei sine dilatione plene restituat, assignans insuper, sicut alias rex precepit, Agneti, que fuit uxor predicti Walteri, quandam rationabilem portionem de terris, que fuerunt ipsius Walteri, ad se sustentandam, donec rex dotem suam ei plenius fecerit assignari. Teste ut supra.

De tradendo per plevinam.—Mandatum est vicecomiti Oxonie quod si Rogerus le Perchimener, quem cepit per appellum cujusdam latronis et tenet in prisona, invenerit ei plegios ad standum inde recto coram justiciariis etc. ad primam assisam vel quando rex preceperit, tunc ipsum per plevinam dimittat; et habeat ibi nomina plegiorum et hoc breve. Teste ut supra.

Pro Thoma de Muleton'.—Rex concessit Thome de Muleton' quod claudat boscum suum de Kelwedon' situm super ripariam que vocatur Riparia Taillee, et inde parcum faciat, et quod parcus (fn. 3) ille sit deafforestatus tam de venatione quam de omnibus aliis que ad forestam et ad forestarios et viridarios et eorum ministros pertinent. Et mandatum est B. de Insula quod ipsum Thomam predictum boscum suum sine inpedimento claudere et parcum inde facere cum predictis libertatibus et quietantiis, sicut predictum est. Teste rege apud Windles', xvj. die Aprilis, anno regni nostri xvj.

De quercubus et copulis datis.—Mandatum est B. de Insula quod habere faciat Simoni capellano H. de Burgo etc. x. quercus et xxx. copulas in foresta de Shirewud', de dono regis ad se hospitandum. Teste ut supra.

Pro priorissa de Bromhal'.—Rex perdonavit priorisse et sanctimonialibus de Bromhal' ij. solidos et septem denarios, que ab eis exiguntur pro pannagio porcorum suorum de anno etc. xv. Et mandatum est ballivis et agistatoribus foreste de Windles' quod eis pacem inde habere permittant. (fn. 4) Teste ut supra.

Pro villanis de Hegworth.—Mandatum est vicecomiti Wiltes' quod occasione debitorum, que per Scaccarium regis exiguntur in comitatu suo a Galfrido de Maundevill', non distringat villanos suos de Hegworth' donec a rege aliud habuerit mandatum, set ipsum Galfridum per averia et catalla sua in baillia sua inventa distringat pro debitis predictis. Teste rege apud Kenyton', xvj. die Aprilis.

De tradendo in baillium.—Mandatum est vicecomiti Linc' quod si Cecilia filia Petri capta et detenta in prisona regis apud Linc' pro morte Idonee que fuit Roberti filii Ricardi, invenerit ei xij. liberos et legales homines, etc., tunc tradat, etc. in ballium. Teste rege apud Kenyton', xxj. die Aprilis.

De quercubus datis.—Mandatum est B. de Insula (fn. 5) quod habere faciat Theobaldo de Bellehus x. quercus in foresta de Rotel' (fn. 6) de dono regis, ad se hospitandum apud manerium suum de Wikingeston', ubi capi possint commodius sine dampno foreste, et expeditius ad dictum manerium duci. Teste ut supra.

Mandatum est Johanni de Gatesden' quod in foresta que fuit Gileberti de Aquila faciat habere magistro W. de Nevill', thesaurario Cycestrensi, iij. robora vetera ad focum suum, de dono regis. Teste rege apud Kenyton', xxij. die Aprilis.

Pro magistro W. de Nevill'.—Rex per cartam suam concessit magistro W. de Nevill', thesaurario Cycestrensi, quod habeat unam feriam apud Burn' imperpetuum singulis annis duraturam per tres dies, videlicet, in vigilia et in die et in crastino Sancti Michaelis, nisi etc. Et mandatum est vicecomiti Sussex' etc.

De quercubus datis.—Mandatum est ballivis foreste de Windles' quod habere faciant priorisse de Ankerwic' x. quercus in eadem foresta de dono regis, ad maeremium faciendum. Teste rege apud Keninton', xxiij. die Aprilis.

Pro Ernaldo de Muntigny.—Rex perdonavit Ernaldo de Muntigny usuram que cepit currere in debito xx. marcarum, quas idem Ernaldus mutuo recepit de Samuele filio Isaac et Aaron parvo, Judeis de Norwico, a xv. diebus ante festum Omnium Sanctorum anno etc. xvj. usque ad diem Sancti Marci Ewangeliste anno eodem, et similiter usuram que curret in eodem debito ab eodem festo Sancti Marci usque ad festum Omnium Sanctorum anno etc. xvij. Et mandatum est justiciariis Judeorum etc. quod de usura predicta ipsum Ernaldum quietum esse faciant; ita quod predicti Judei de predictis xx. marcis contenti sint, nec occasione earum aliquid loco usure vel sortis ab eodem Ernaldo exigant. Teste rege apud Westmonasterium, xxv. die Aprilis. Per regem. Pro R. de Sancto Johanne capellano.

Pro Petro Grimbald'.—Rex perdonavit Petro Grimbald' x. libras que ab eo exiguntur ad Scaccarium regis de tempore quo terras, que fuerunt Gileberti de Aquila, habuit in custodia per preceptum regis, ad respondendum de exitibus earundem terrarum ad Scaccarium regis. Perdonavit etiam eidem Petro x. marcas quas regi debet de prestito ei facto ad Scaccarium regis. Perdonavit etiam rex eidem Petro xxxv. solidos quos regi debet pro uno dolio vini de vinis regis venditis per preceptum suum per Henricum filium Aucheri et Henricum de Waltham. Et mandatum est baronibus de Scaccario quod ipsum Petrum de predictis x. li. x. m. et xxxv. s. quietum esse faciant. Teste ut supra.

Pro hospitali Sancte Marie Dovr'.—Rex baronibus suis de Scaccario salutem. Sciatis quod perdonavimus magistro hospitalis Sancte Marie Dovor' decem solidos, qui exiguntur de hominibus suis de Hamelewold' per summonitionem Scaccarii nostri pro defalta; et dimidiam marcam, que exigitur a Philippo de Pesinge homine ipsius magistri per eandem summonitionem, quia retraxit se; et dimidiam marcam, que exigitur a Ricardo de Hoke et Alano de Pinham, hominibus ipsius magistri, per eandem summonitionem pro plegiagio ejusdem Philippi. Et ideo vobis mandamus quod predictos homines ipsius magistri quietos inde esse faciatis. Teste rege apud Westmonasterium, xxviij die Aprilis, anno etc. xvj.

Pro Roberto de Wulfrinton'.—Mandatum est justiciariis ad custodiam Judeorum assignatis quod extendi faciant omnes terras Roberti de Wlfrinton' et Willelmi de Windles', quantum valeant per annum in dominicis redditibus, serviciis et omnibus aliis et, postquam certi fuerint de valore predictarum terrarum secundum extensionem inde factam, faciant eisdem Roberto et Willelmo habere terminos rationabiles de debitis que debent Aaron de Eboraco et Leoni de Linc', Judeis, Bonefey de Oxonia, Aaron filio Abrahe de Lond' et Josceo presbytero; ita quod secundum quantitatem debitorum possint de eisdem terris per annum de aliqua certa summa eisdem Judeis respondere et de residuo sustentari. Teste ut supra.

Wiltes'.—Rex perdonavit Luce de Drumare scutagia regis debita de feodo unius militis quod de rege tenet in capite in baillia vicecomitis Wiltes', videlicet, duas marcas pro exercitu de Kery, et xl. solidos pro exercitu ad primam transfretationem, et xl. solidos pro exercitu Pictavie. Et mandatum est vicecomiti Wilt' quod de predictis scutagiis ipsum Lucam pacem habere permittat. Teste ut superius.

Pro Rannulfo Britone.—Mandatum est baronibus de Scaccario quod, inspectis cartis regis quas fieri fecit Rannulfo Britoni et Willelmo Britoni fratri suo de quadam placia bosci cum pertinentiis, que jacet inter boscum Vitalis Engayne in Bltherwic', et de toto redditu et servicio que rex eidem Rannulfo concessit, et de quinquaginta acris bosci ad perticam regis quas concessit predicto Willelmo in bosco regis de Dodinton', inrotulari faciant servicium quod predicti Rannulfus et Willelmus inde debent domino regi, secundum quod continetur in cartis quas inde habent. Teste ut supra.

Pro ecclesia Cycestrensi de libertatibus.—Rex per cartam suam concessit Deo et ecclesie Sancte Trinitatis Cycestrensi et venerabili patri R. ejusdem ecclesie episcopo etc. et decano et canonicis ejusdem ecclesie, quasdam libertates sicut in carta predicta plenius continentur. Et mandatum est vicecomiti Sussex' quod predictam cartam in pleno comitatu suo legi faciat, et contentas in ea libertates et quietantias eisdem episcopo, decano et canonicis firmiter teneri et observari faciat. Teste rege apud Westmonasterium, xxx. die Aprilis, anno regni nostri xvj.