Close Rolls, July 1232

Close Rolls, July 1232

De respectu loquele.—Mandatum est vicecomiti Sumers' quod loquelam que est in comitatu suo inter Thomam de Stok' petentem et Rannulfum de Hurle tenentem, qui est in servicio H. de Burgo etc. in Glanmorgan, de iij. partibus unius hide terre in Inglescumbe et in la Bergh', ponat in respectum usque ad proximum comitatum suum post festum Sancti Michaelis. Teste rege apud Burg', ij. die Julii.

De quercubus datis.—Mandatum est H. de Nevill' quod in balliva sua, ubi melius et competentius poterit, faciat habere priori de Walsingham xl. quercus ad cheverones faciendos ad operationem ecclesie sue, de dono regis. Teste rege apud Walsingham, iij. die Julii.

De damis datis.—Mandatum est Johanni de Monem' quod in foresta de Fecham faciat habere (fn. 1) Willelmo de Cantilup' tres damos de dono regis. Teste ut supra.

[m. 7.]

De grisio opere arestando.—Mandatum est majori (fn. 2) Lenn' quod de grisio opere, quod est in coga, que applicuit in portu Lenn', arestari faciat xx. miliaria ad opus regis et ea salvo custodiri, donec rex aliquos de suis mittat rex ad ea recipienda. (fn. 3) Rex quidem de precio mercatoribus faciet (fn. 4) satisfieri. Teste rege apud Acre, iiij. die Julii.

Pro Johanne de Sauseton'.—Mandatum est S. de Sedgrave et sociis suis justiciariis itinerantibus in comitatu Cantebrigie quod, si contingat Johannem de Sauseton' coram eis in aliquam misericordiam incidere, ipsam ei ex parte regis perdonent. Teste rege apud Chipeham, vj. die Julii.

De vivario de Flederith' reparando.—Mandatum est J. filio Philippi quod per visum viridarii capiat vj. quercus in haia de Aswude ad reparationem vivarii regis de Flederith'. Teste ut supra.

De thesauro qui venit de Hibernia.—Mandatum est Willelmo de Putot quod mille et ducentas marcas que venerunt de Hybernia ad opus domini regis, et quas habet in custodia sua apud Bristoll', cariari faciat usque Glouc' sub salvo conductu et eas ibi salvo custodiri faciat, donec dominus rex aliud ei inde mandaverit. Teste rege apud Chipeham, vj. die Julii.

De quercubus et roboribus datis.—Mandatum est Ricardo de Muntfichet quod habere faciat abbati de Waleden' tria robora in forinseco bosco regis de Hadfeld' ad focum suum, de dono regis. Teste rege apud Waleden', vij. die Julii.

Mandatum est H. de Nevill' quod habere faciat Drogoni de Barentin et Johanni de Pless' quatuor quercus in foresta de Sottor' ad postes et pannas facienda, de dono regis. Teste rege apud Standon', viij. die Julii.

De probatore.—Mandatum est vicecomiti Oxonie quod Ricardum probatorem, quem tenet in prisona Oxonie, venire faciat coram justiciariis itinerantibus apud Norhamt' ad faciendum ibidem probationes suas versus eos quos appellare voluerit. Teste rege apud Waltham, x. die Julii.

Et mandatum est justiciariis illis quod ipsum ad hoc admittant. Teste ut supra.

De damis datis.—Mandatum est Galfrido Esturmy quod habere faciat H. comiti Hereford' quatuor damos in foresta de Savernac, de dono regis. Teste ut supra.

De tradendo in ballio.—Willelmus le Porter, quem Rogerus Gray appellat de morte Rogeri Gray avi sui odio et athia et non etc., habet literas directas vicecomiti Buk' quod tradatur in ballium xij. etc.

De quietancia mortis.—Quia S. de Sedgrave et socii sui justiciarii itinerantes regi constanter significarunt quod quidam Stanwinus, volens jacere baculum suum ad quendam portum, (fn. 5) jactu ejusdem baculi quendam filium suum triennem interfecit per infortunium tantum et non per feloniam, significat rex eisdem justiciariis quod rex, quantum ad eum pertinet, ipsam mortem ei perdonavit. Et mandatum est eis quod ea occasione utlagariam in eum non faciant promulgari, set eum de predicta morte, quantum ad regem pertinet, quietum esse faciant. Teste rege apud Waltham, x. die Julii.

Pro Osberto de Stoukewik'.—Mandatum est vicecomiti Sussex' quod habere faciat Osberto de Stoukeuik' talem saisinam de terra sua in Farleg' et alibi in comitatu suo cum catallis suis, qualem inde habuit antequam captus fuit et in prisona regis positus, unde jam deliberatus est per plegios, ut dicitur, desicut nullus pro malo recto disseisiendus est de libero tenemento suo quamdiu inde recto stare voluerit. Teste ut supra.

Pro quodam homine de gavelikinde.—Ostendit regi Alredus carettarius quod, cum Willelmus filius Eustachii de Horton' peteret versus eum v. acras terre et dimidiam in Cherteham per breve regis de recto in curia prioris Sancte Trinitatis Kantuarie de Cherteham, et ipse Alredus poneret se super juratam xij. legalium hominum tenentium in gavelikinde quis eorum majus jus haberet in terra illa, sicut prius poni consuevit super magnam assisam antequam rex concesserat quod decetero non capiatur magna assisa de tenemento quod tenetur in gavelikinde, quia idem Alredus breve regis de pace non tulit ad primam curiam ipsius prioris, adjudicavit eadem curia saisinam fieri predicto Willelmo de predicta terra per defaltam ipsius Alredi; set quia per ipsum Alredum non stetit quin predictum breve de pace tulisset hora debita, immo per curiam regis eo quod dictum breve nondum erat formatum, mandatum est vicecomiti Kancie quod de predicta terra ipsi Alredo talem saisinam habere faciat qualem habuit antequam per judicium prefate curie inde esset contra justiciam disseisitus. Teste ut supra.

De venatione capienda ad opus regis.—Mandatum est Johanne Follo et Philippo socio suo, venatoribus suis, quod capiant in foresta de Brehull' duos vel tres cervos contra adventum suum usque Wudestok', ubi erit ante instans festum Sancti Jacobi Apostoli, et interim cum canibus suis ibidem exspectent. Teste rege apud Waltham, xj. die Julii.

Pro episcopo Lincolniensi.—Mandatum est S. de Sedgrave, W. de Insula et magistro R. de Shardelawe quod assisam, quam Philippus de Kyme aramiavit versus H. Lincolniensem episcopum de attingendis xij. juratoribus per xxiiij. milites super sacramento quod predicti xij. juratores fecerunt in assisa que nuper fuit capta coram eis et sociis suis in itinere suo in comitatu Notingh' de ultima presentacione ad ecclesias de Carleton' et de Danby, ponant coram se et sociis suis apud Westmonasterium a die Sancti Michaelis in unum mensem. Teste rege apud Waltham, xiij. die Julii.

Pro priore de Wenlac.—Mandatum est justiciariis itinerantibus in comitatu Norhamt' quod assisam ultime presentationis quam Henricus de Egedon' aramiavit versus priorem de Wenlac, qui est in servicio regis, de advocatione capelle de Egedon', ponant coram se et sociis suis apud Westmonasterium a die Sancti Michaelis in unum mensem. Teste ut supra.

Pro episcopo Elyensi.—Mandatum est abbati Sancti Edmundi quod loquelam, que est in curia sua apud Sanctum Edmundum per breve nostrum de recto inter Rogerum filium Vitalis petentem et H. Elyensem episcopum, qui cum rege iturus est ad partes Wallie (fn. 6) per preceptum regis, tenentem, de lxvij. acris terre cum pertinentiis in Glemeford', ponat in respectum usque in unum mensem a festo Sancti Michaelis anno etc. xvj. Teste ut supra.

De quercubus et copulis datis.—Mandatum est P. de Rivallis quod habere faciat Simoni capellano H. de Burgo etc. x. quercus et xxx. copulas in foresta de Shirewod' ad se hospitandum. Teste rege apud Westmonasterium, xvj. die Julii.

Pro hospitale de Wymundel'.—Rex concessit per cartam suam priori et canonicis hospitalis de Wymundel' illam virgatam terre cum pertinentiis in Dinesl' quam Willelmus Pollard' aliquando tenuit per cartam J. regis, et postea devenit in manum regis per delictum ipsius Willelmi, habendam et tenendam inperpetuum sicut in prefata carta continetur. Et mandatum est vicecomiti Hertf' quod ipsam cartam legi et de predicta terra eis plenam saisinam habere faciat. Teste ut supra.

Pro Galfrido de Mandevill'.—Mandatum est justiciariis ad custodiam Judeorum assignatis quod per sacramentum xij. proborum et legalium hominum de comitatu Wilt', extendi faciant terram Galfridi de Mandevill' in eodem comitatu, et secundum extensionem illam et valorem ejusdem terre rationabilem finem eidem Galfrido habere faciant de debito, quod idem Galfridus debet Joscepino Judeo Bristoll', Copino Judeo Oxonie et Bonefey de Walingford'. Teste ut supra. Per G. de Craucumbe.

De copulis datis.—Quia x. copule quas rex capi precepit in foresta de Cornebur' ad fabricam capelle hospitalis Sancti Johannis Oxonie, non possunt ibi inveniri; mandatum est H. de Nevill' quod magistro predicti hospitalis habere faciat ad eandem capellam x. copulas sparsim in boscis regis de Sotovr' et de Brehull', ubi competentius capi poterunt. Teste ut supra.

Pro uxore Radulfi de Trublevill'.—Rex commisit Alicie, que fuit uxor Radulfi de Trublevill', ad se sustentandum toto tempore vite sue, terram illam cum pertinentiis suis in Brochamt' quam predictus Radulfus tenuit de ballio regis. Et mandatum est vicecomiti War' quod de predicta terra ipsi Alicie plenam saisinam habere faciat, sicut predictum est. Teste ut supra.

Pro Willelmo Caperon.—Rex commisit Willelmo Caperon, vadleto suo, terram illam cum pertinentiis in Coleby ad se sustentandum in servicio regis quamdiu regi placuerit, quam Radulfus de Trublevill' tenuit de ballio regis. Et mandatum est vicecomiti Linc' quod de predicta terra ipsi Willelmo saisinam habere faciat. Teste ut supra.

De damis datis.—Mandatum est H. de Nevill' quod habere faciat Willelmo de Ral' duos damos in foresta regis de Clive, de dono regis. Teste rege apud Westmonasterium, xvij die Julii.

De testamento comitisse Essex'.—Mandatum est vicecomiti Bed' et Buk' sicut alias, quod non inpediant vel inpediri permittant executores testamenti Christiane quondam comitisse 'Essex' per omnia ut supra, hoc adjecto, eo non obstante quod rex de manerio de Aumodesham Matildi comitisse Heref' et de manerio de Querrendon Rogero de Dantes' saisinam fieri precepit; que quidem maneria fuerunt predicte comitisse Essex'. Teste ut supra.
Eodem modo scribitur vicecomiti:—
Midd', apposito manerio de Enefeld' quod predictus Rogerus habet per preceptum regis.
Essex, apposito manerio de Wymbisse.
Et vicecomiti Hunt', apposito manerio de Kenebaut', quod comitissa Hereford' habet.

Pro Johanne de Gedding'.—Mandatum est justiciariis ad custodiam Judeorum assignatis quod per probis (sic) et legales homines de comitatu Suff' extendi faciant terram Johannis de Gedding', et secundum extentam et valorem ejusdem terre ei faciant habere rationabilem finem de debito quod debito (sic) quod debet Benedicto Crespin et Jacobo fratri ejus, Judeis London'. Teste ut supra.

De prisis non capiendis apud Sandwic'.—Mandatum est ballivis regis de Sandwic' firmiter injungendo quod nullam prisam vinorum decetero in villa sua capiant, nec decetero capi permittant ibidem, quia rex vult quod tota prisa regis fiat apud London'. Teste rege apud Westmonasterium, xviij. die Julii.

Eodem modo scribitur Simoni de Grenewic' preposito Dovr' de prisa vinorum non capienda apud Sandwic', nec de aliis rebus de quibus prisa capi consuevit in eadem villa ad opus regis; quia rex vult quod tota prisa vinorum vel aliarum rerum que ibidem capi consuevit, fiat apud London'. Teste ut supra.

De terris que fuerunt Johannis de Braos'.—Mandatum est vicecomiti Buk' quod habere faciat Petro de Rivall' etc. saisinam de omnibus terris, que fuerunt Johannis de Braos', qui mortuus est, in balliva sua. Teste ut supra.

De libertatibus quibusdam in comitatu Noting'.—Rex concessit et carta sua confirmavit quod perambulatio facta in comitatu Noting' per H. de Nevill' et B. de Insula et quosdam alios sibi associatos per preceptum regis, predicto Hugone tunc existente justiciario foreste, inter partes illas, que deafforestate erant, et partes, que foresta remanere debent, firma sit et stabilis permaneat inperpetuum, et quod partes ille de comitatu predicto deafforestate remaneant per metas et loca in perambulatione inde facta, sicut plenius exprimuntur et continentur in carta regis, quam fieri fecit omnibus manentibus in partibus predictis deafforestatis; quibus similiter rex concessit quod nullus eorum decetero fiat agistator sive viridarius sive regardator per regem vel heredes suos in foresta predicti comitatus, et quod nullus eorum veniat per communem summonicionem ad placita foreste coram justiciariis itinerantibus nisi atachiatus sit pro aliqua transgressione foreste, sicut plenius continetur in predicta carta regis inde facta. Et mandatum est vicecomiti Noting' quod predictam in pleno comitatu suo legi et eam teneri faciat, sicut predictum est. Teste ut supra.

De domo cujusdam Judei London' data Ricardo capellano.—Rex concessit Ricardo de Sancto Johanne, capellano, domum illam cum pertinentiis in vico de Paternosterchirch' in London', que fuit Ricardi le Ailler et modo est in manu Jacobi Judei London' et Flurie matris ejus, habendam de dono regis sibi et heredibus suis vel cuicumque eam dare, vendere vel aliter assignare voluerit. Et mandatum est justiciariis ad custodiam Judeorum assignatis quod eidem Ricardo de domo predicta cum pertinentiis plenam saisinam habere faciant, sicut predictum est. Teste ut supra.

Pro Henrico de Neketon'.—Mandatum est justiciariis quod habere faciant Henrico de Neketon' rationabiles terminos ad reddendum Isaac de Norwico, Judeo, xiiij. libras quas ei debet. Interim autem stallari faciant debitum illud, ita quod decetero non currat usura. Teste ut supra.

Hibernia. Pro Henrico de Trublevill.—Quia Radulfus de Trublevill' diem clausit extremum die Martis proxima post Translationem Sancti Benedicti anno etc. xvj., cui Henricus de Trublevill' nepos ejusdem Radulfi succedere debet in terra de Balimadun cum pertinentiis, quam habuit idem Radulfus de dono regis; mandatum est H. de Burgo etc., justiciario Anglie et Hibernie, quod de predicta terra latori presentium ad opus ipsius Henrici talem saisinam habere faciat, qualem idem Radulfus inde habuit die quo obiit. Teste rege apud Westmonasterium, xix. die Julii anno etc. xvj.

De tradendis in ballium.—Johannes filius Gileberti et Radulfus filius ejus, capti et detenti in prisona pro morte Gervasii filii Ailwini, unde Ailwinus Himer et Elena uxor ejus eos appellant, habent literas regis directas vicecomiti Suhamt' quod tradantur in ballium xij. etc.

Pro Rogero de la Dune.—Rex perdonavit Rogero de la Dune totum lucrum quod debuit Benedicto Levesk' et Elie filio suo pro xij. marcis quas ab eis mutuo cepit; et concessit rex quod ad ipsas xij. marcas eis reddendas habeat rationabiles terminos, ita quod debitum sit stallatum, quod usura inde de cetero non currat. Et mandatum est justiciariis ad custodiam Judeorum assignatis quod de toto lucro predicto ipsum Rogerum quietum esse, et ad ipsas xij. marcas reddendas rationabiles terminos ei habere faciant, facientes similiter predictum debitum stallari, ita quod decetero inde non currat usura. Teste ut supra.

Pro hominibus de Kancia.—Willelmus filius Petri, Petrus filius Rogeri, Godefridus filius Wulnorth', Willelmus filius Radulfi, Hamo filius Walteri, Jordanus filius Johannis, Hugo filius Radulfi, Johannes filius Roberti, Simon Blundus, Johannes Burchard', Walterus de Cruce, Walterus le Koky et Samson filius Rogeri in curia regis petierunt literas de pace super consuetudinibus et serviciis, unde posuerunt se super juratam de gavelikinde in curia Warini de Montecanasio de Gravesend' adversus ipsum Warinum, et, quia dictum breve non potuerunt habere, eo quod nondum est formatum et per eos non stetit quin illud habuissent, vicecomes Kancie scire faciat predicto Warino et ballivis quod in loquela illa non procedant nec ipsos homines inde in aliquo occasionent. Teste ut supra.

Eodem modo scribitur eidem vicecomiti pro Roberto Godman, qui posuit se etc. in curia archiepiscopi Cantuariensis contra Robertum filium Reginaldi.

Pro hominibus de warenna de Corf'.—Rex per cartam suam concessit omnibus hominibus terram tenentibus et omnibus hominibus manentibus infra warennam regis de Corf', quod ipsi et heredes sui inperpetuum sint quieti de expeditatione canum suorum, sicut plenius in predicta carta continetur. Et mandatum est constabulario de Corf' (fn. 7) quod predictam cartam coram se (fn. 7) legi et eos predictam libertatem habere permittat, sicut predictum est. Teste ut supra.

Pro episcopo Carleolensi.—Rex concessit per cartam suam pro se et heredibus suis W. Carleolensi episcopo custodiam castri Carl' et comitatus Cumbrie, habendam ad totam vitam suam, ita quod respondeat ad Scaccarium de antiqua firma dicti comitatus, et quod ad predictam custodiam habeat proficuum dicti comitatus et maneriorum regis in eodem comitatu, et exitus iiij. carucatarum terre de dominico regis pertinentium ad predictum castrum. Et mandatum est baronibus de Scaccario quod sic fieri et inrotulari faciant. Teste rege apud Lamh', xx. die Julii.

[m. 6.]

Pro abbate et monachis Rading'.—Rex baronibus de Scaccario salutem. Cum a predecessoribus nostris regibus Anglie per cartas suas concedatur abbati et monachis de Rading', quod ipsi quieti sint de scutagiis tam in terris suis adquisitis quam adquirendis, licet ea non usi sint libertate quantum ad terras quas adquisierunt post predictam concessionem eis factam; tamen de speciali gracia nostra, ita quod in consequentiam ab aliis trahi non possit, eis concedimus quod de cetero eis teneatur libertas predicta. Et ideo vobis mandamus quod de scutagio quod ab eis exigitur per summonicionem Scaccarii nostri de feodo dimidii militis in Senekewell, ipsos quietos esse faciatis. Teste me ipso apud Lamh', xx. die Julii.

De cervis datis.—Mandatum est Petro ad Rivall' quod habere faciat J. Bathoniensi episcopo iiij. cervos in pinguedme in foresta regis de Sumers', ubi capi poterunt ad majorem commoditatem ipsius episcopi, de dono regis. Teste rege apud Westmonasterium, xxj. die Julii.

De damo dato.—Mandatum est P. de Rivall' quod habere faciat Thome de Gorges unum damum in foresta de Blakemar', de dono regis. Teste rege apud Keneton', xxij. die Julii.

Pro B. de Insula.—Mandatum est eidem quod habere faciat B. de Insula unum dolium vini de prisa regis apud Suhamt', de dono regis. Teste ut supra.

De castro de Rokingham.—Rex commisit Willelmo de Raleg' castrum de Rokingham cum pertinentiis, custodiendum tota vita sua. Et Galfrido de Turri quod predictum predictum (sic) ei liberet. In cujus etc. Teste rege apud Kenet', xxij. die Julii.

Pro episcopo Bathoniensi.—Quia rex concessit J. Bathoniensi episcopo et successoribus suis et per cartam suam confirmavit quod ipsi et omnes homines sui et omnes homines de feodis suis sint inperpetuum quieti de operationibus castellorum, domorum, murorum, fossatorum et omnibus aliis operationibus, mandatum est hominibus Bristoll' quod occasione concessionis, quam rex eis fecit, quod caperent in auxilium ville sue firmande et claudende de navibus, carectis, summagiis denarium sive obolum sive quadrantem; nichil capiant de predicto episcopo vel hominibus suis vel de feodis, et si aliquid ceperint, sine dilatione reddant. Teste ut supra.

De prisone deliberando.—Mandatum est vicecomiti Heref' quod si vj. probi et legales homines de comitatu suo Amisium Sholle, quem vicecomes Sumerset' tenet in prisona de Ivelcestr' eo quod inventus fuit in societate Roberti de Mudeford' malefactoris in comitatu Heref', et qui de nullo malefacto rettatur, ut rex audivit, coram eo velint manucapere habendum coram justiciariis ad primam assisam etc. ad standum inde recto si quis etc.; tunc ipsos vj. homines ita recipiat et hoc per literas suas vicecomiti Sumerset' scire faciat, cui rex mandavit quod ex quo vicecomes Heref' id ei significaverit, predictum Amisium per ballium predictorum sex hominum deliberet. Teste ut supra.

De denariis cambii Lond' liberandis.—Mandatum est Ricardo Renger quod omnes denarios, quos habet penes se ad sustentationem monete et cambii regis, sine omni dilatione liberet Willelmo Hardel ad faciendum inde quod rex ei injunxerit. Teste ut supra.

Pro Jordano de Bernevill'.—Mandatum est H. de Trublevill' quod plenam saisinam faciat habere Jordano de Bernevill' de terra sua in Geres'; quem quidem Jordanum ballivi ipsius H. dissaisiverunt, eo quod dicebatur ipsum decessisse; et si quid inde amotum fuerit, ei faciat restitui. Teste ut supra.

Pro Ada de Sancta Elena.—Mandatum est justiciariis ad custodiam Judeorum assignatis quod rationabiles terminos habere faciant Ade de Sancta Elena ad reddendum debita que debet Elye Blundo, Elye filio Benedicti, Aaron filio Abbrahe et Aaron de Linc', Judeis Lond'. Teste ut supra.

De perdonatione forisfacti.—Rex perdonavit Gileberto filio Galfridi de Starithe et Johanni fratri ejus, forisfactum quod fecerunt regi in foresta de Windles', ducendo leporarios per predictam forestam et dimittendo eos currere ad bestias, propter quod forisfactum capti et detenti sunt in prisona apud Windles'. Perdonavit etiam Galfrido de Starith', patri ipsorum Gileberti et Johannis, forisfactum quod ei imponitur ex eo quod predicti filii sui jacuerant ad domum suam ea nocte et inde exierunt cum leporariis predictis ad currendum in foresta regis, propter quod ipse similiter est in prisona regis. Et mandatum est constabulario Windles' quod ipsos a prisona deliberet quietos. Teste ut supra.

Et mandatum est P. de Rivall' quod ipsos ea occasione non vexet, set inde quietos esse faciat. Teste ut supra.

De mangonellis faciendis.—Mandatum est Thome de Muleton' quod habere faciat vicecomiti Cumbrie maeremium in foresta de Carleol' ad iiij. mangonellos Turkesios faciendos ad opus nostrum, et ad cingulum quoddam de palo perficiendum coram predicto castro Carleol', sicut rex ei injunxit. Teste rege apud Windles', xxiij. die Julii.

De operatione aule Turris Lond'.—Mandatum est W. thesaurario et camerariis quod habere faciant Radulfo de Ralegh', constabulario Turris (fn. 8) Lond', denarios ad operationem aule ejusdem Turris, et quod faciant habere Odoni aurifabro et Laurencio de Castell' denarios ad operationem domorum regis apud Westmonasterium; et ex quo rex scierit quantum ad operationem earum eis liberaverint, tunc breve suum de Liberate eis inde fieri faciet. Teste ut supra.

De damis datis.—Mandatum est constabulario Windles' quod habere faciet W. Carleolensi episcopo iiij. damos in foresta de Windles', de dono regis. Teste rege apud Windles', xxiiij. die Julii.

De damis datis.—Mandatum est P. de Ryvall' quod habere faciat magistro milicie Templi in Anglia novem damos in foresta Essex', quos habere debet singulis annis de dono H. regis avi regis. Teste rege apud Rading', xxvj. die Julii.

Pro Willelmo de Englefeld'.—Quia constat regi per inquisitionem quod terra que fuit Roberti de Dikelesdon' in Trengesham, qui utlagatus est pro morte Ricardi Engeram, extitit in manu regis per unum annum et unum diem, et quod idem Robertus tenuit terram illam de Willelmo de Englefeld', mandatum est vicecomiti Wigornie quod de predicta terra eidem Willelmo sine dilatione plenam saisinam habere faciat. Teste ut supra.

Pro Ada de Sancta Helena.—Mandatum est justiciariis ad custodiam Judeorum assignatis quod per sacramentum proborum et legalium hominum de comitatibus Essex' et Buk', extendi faciant terras Ade de Sancta Helena in predictis comitatibus; et secundum extensionem et valorem earundem terrarum faciant ei habere rationabilem finem et rationabiles terminos de debito quod debet Elye filio Benedicti, Elye Blundo, Aaron filio Abrahe, Aaron de Linc', Judeis London'; ita quod inde non currant usure. Teste rege apud Rading', xxv. die Julii.

Pro Waltero de Langeton'.—Mandatum est baronibus de Scaccario quod si Walterus de Langeton reddat domino regi ad Scaccarium suum arreragia ei debita de manerio de Reddeswell' cum hundredo et pertinentiis aliis, et inveniat eis securitatem quod decetero firmam inde debitam reddet ad predictum Scaccarium terminis statutis, tunc de dicto manerio cum hundredo et aliis pertinentiis plenam saisinam ei habere faciant, non obstante mandato quod dominus rex alias eis fecit de eodem manerio liberando Dionisie de Anesty, uxori ipsius Walteri. Teste rege apud Walingeford', xxvij die Julii.

Pro Ricardo Duket et sociis suis justiciariis.—Mandatum est W. de Ral' et Roberto de Lexinton, quod de amerciamentis itineris sui, que quidem extrahi faciant a rotulo mittendo ad Scaccarium, habere faciant Ricardo Duket x. libras, Ade filio Willelmi x. libras et Radulfo filio Reginaldi x. marcas, ad se in servicio regis sustentandos. Teste rege apud Waling', xxvj. die Julii.

De damis datis.—Mandatum est P. de Rivall' quod habere faciat Radulfo Maidenestan', decano Heref', iiij. damos in foresta de Den', de dono regis. Teste rege apud Oxoniam, xxviij. die Julii.

Pro uxore Radulfi filii Bernardi.—Mandatum est vicecomiti Kancie quod de maneriis Radulfi filii Bernardi, que cepit in manum regis per preceptum suum, assignet Johanne uxori ipsius Radulfi unum manerium ad ejus sustentationem, unde possit rationabiliter sustineri. Teste ut supra.

Pro Galfrido de Lucy.—Mandatum est Petro de Rivall' quod faciat habere Galfrido de Lucy unum dolium vini de vinis regis, que sunt in celario regis apud London', et viginti brennas in vivario de Mortelak', de dono regis. Teste ut supra.

Pro monialibus de Litlemora.—Mandatum est Hugoni de Nevvill' quod cartam, quam rex fieri fecit priorisse et sanctimonialibus de Litlemora de uno equo sumeratio habendo singulis diebus bis itinerante in foresta regis de Shotovr' ad spinas et siccum et mortuum boscum ad focum suum inperpetuum, legi faciat et teneri. Teste ut supra.

Pro abbate Glouc'.—Mandatum est P. de Rivall' quod si abbas et monachi Sancti Petri Glouc' non habuerint plene c. quercus, quas rex anno preterito dedit in foresta de Den' ad fabricam ecclesie sue, tunc id quod eis deerit de predictis c. quercubus eis sine dilatione habere faciat cum escaetis earundem quercuum, que ad maeremium valere possint; et permittat eos extrahere a dicta foresta maeremium suum, quod in ea habent excisum, et quod arestari fecit idem P. ut rex audivit. Teste rege apud Wudestok', xxviij. die Julii.

Pro Mabilia de Cantilup'.—Rex concessit Mabilie de Cantilup' quod in incrementum sustentationis forgie sue, quam habet itinerantem in foresta de Den' per preceptum regis, habeat singulis xv. diebus in eadem foresta, quamdiu vixerit, unum robur ad eandem forgiam melius sustentandam. Et mandatum est P. de Rivall' quod predictum robur ei habere faciat, sicut predictum est. Teste rege apud Wudestok', xxviij. die Julii.

De damis datis.—Mandatum est Petro de Rivall' quod habere faciat Baldewino de Ver duos damos in foresta de Rokingh', de dono regis. Teste ut supra.

Eodem modo scribitur eidem de ij. damis Waltero de Everm' in foresta de Sirewod'. Teste ut supra.

Eodem modo scribitur eidem de x. damis datis A. comitisse Penbr' in foresta de Brikestok'. Teste ut supra.

Pro Magistro Templi.—Mandatum est vicecomiti Buk' quod fenum, quod Ranulfus Brito vi et armis fecit asportari de terra magistri milicie Templi apud Chalfhunt' ad curiam suam in eadem villa, sine dilatione reddi faciat et revenire. Teste rege apud Otinton, xxxj. die Julii.

De spervario regi reddito per Radulfum de Wyliton'.—Radulfus de Wilinton' reddidit regi apud Otinton' in vigilia Sancti Petri ad Vincula anno xvj., unum spervarium sorum quem regi debuit de anno eodem pro terra de Welhop'. Et mandatum est baronibus de Scaccario quod ipsum inde quietum esse faciant. Teste rege apud Evesham, xxxj. die Julii.

Et mandatum est vicecomiti Suhamt' quod ei pacem inde habere permittat.

Pro Ricardo de Rade de perdonatione forisfacti.—Rex perdonavit Ricardo de Rade forisfactum, quod impositum fuit ei de foresta de Braden', propter quod captus fuit per preceptum regis et imprisonatus apud Sarrisburiam. Et mandatum est vicecomiti Wiltes' quod de predicta prisona ipsum deliberet. Teste rege apud Evesham primo die Julii (sic). Pro Pagano de Chaurc'.