Close Rolls, June 1232

Close Rolls, June 1232

De quercubus datis.—Mandatum est Hugoni de Nevill' (fn. 1) quod in foresta de Wauberg' faciat habere Rogero la Suche vij. quercus, et in bosco de Sappel' viij. quercus, ad se hospitandum apud manerium suum de Swaveseye, de dono regis. Teste rege apud Kydeministr', primo die Junii.

Mandatum est eidem quod in foresta de Lich' faciat habere canonicis de Wainbrug' iiij. quercus ad operationem ecclesie sue combuste, de dono regis. Teste ut supra.

De coronatore eligendo.—Mandatum est vicecomiti Salopie quod, loco Walteri de Hugeford', coronatoris regis in eodem comitatu, et constabularii de Brug', alium coronatorem eligi faciat etc.

De damis datis.—Mandatum est Johanni de Monem', quod in foresta de Fecham faciat habere Philippo de Pyrie v. damas et unum damum ad parcum suum de Uueresleg' instaurandum, de dono regis. Teste ut supra.

Pro Thoma de Hemmegrave.—Rex concessit Thome de Hemmegrave medietatem ville de Mudford' cum pertinentiis, que est escaeta regis de terris Normannorum, et quam Stephanus de Longo Campo tenuit, ad se sustentandum in servicio regis quamdiu regi placuerit. Et mandatum est vicecomiti Suff' quod de predicta medietate predicte ville cum pertinentiis eidem Thome sine dilatione plenam saisinam habere faciat. Teste rege apud Wigorniam, iij. die Junii.

Pro Ricardo de Sancto Johanne.—Mandatum est Johanni de Colemere quod de vinis regis de prisa que sunt apud London' in custodia sua, faciat habere Ricardo de Sancto Johanne, capellano regis, sex dolia vini boni ad denarios suos. Teste rege apud Wigorniam, iiij. die Junii.

De petra data predicatoribus.—Mandatum est vicecomiti Salopie quod petram regis, que jacet in Sabrina subtus ballium castri Salopie, faciat babere fratribus predicatoribus Salopie ad fabricam ecclesie sue, de dono regis. Teste ut supra.

Pro fratribus predicatoribus Salopie.—Mandatum est J. de Monem' quod, loco xxx. fustorum, que rex dedit fratribus predicatoribus Salopie in balliva ipsius J. ad faciendum maeremium ad operationem ecclesie sue, faciat eis habere xxx. quercus in foresta de la Lye ad eandem operationem; et x. robora, que rex eis dedit ad focum suum, ubi idem J. competentius posset, ad opus eorum capienda, faciat eis habere in foresta de Hageman. Teste ut supra.

De cervis datis.—Mandatum est Thome de Moleton' quod habere faciat Rogero de Quency duos cervos in foresta regis de Carlel', de dono regis. Teste ut supra.

De damis datis.—Mandatum est Philippo de Pirie quod habere faciat Willelmo Lungesp' tres damos in foresta de Blakemor', de dono regis. Teste ut supra.

De coronatoribus eligendis.—Mandatum est vicecomiti Heref' quod in pleno comitatu suo eligi faciat loco Willelmi de Burleg', qui mortuus est, Willelmi de Furches, qui languidus est, et Rogeri Pichard, qui est de familia justiciarii, (fn. 2) coronatorum regis in eodem comitatu, tres alios coronatores, qui prestito sacramento sicut fieri solet etc. ut supra, ut in hujusmodi brevibus superius.

Pro leprosis de Brug'.—Rex, intuitu Dei et pro salute etc. concessit leprosis hospitalis Sancti Jacobi de Brug' quod habeant inperpetuum singulis diebus semel unum equum itinerantem in foresta de Morf' ad siccam buscam ad focum suum. Et mandatum est J. de Monem' quod permittat predictis leprosis habere etc., ut supra. Teste ut supra.

De quietantia vasti et regardi.—Rex dedit (fn. 3) per cartam suam quod ille viij. acre terre, quas rex assignari fecit in Warlaghay in foresta de Morf' in escambium domorum suarum et terre sue, quas amisit occasione barbecane castri de Bruges, inperpetuum sint quiete de regwardo, vasto et visu forestariorum, viridariorum et omnium ministrorum suorum, reddendo inde per manus ballivorum de Brug' ad Scaccarium xij. denarios per annum pro omni servicio. Et mandatum est J. de Monem' quod sic fieri permittat. Teste ut supra.

De damis datis.—Mandatum est H. de Nevill' quod habere faciat H. Elyensi episcopo iij. damos in foresta de Wauberg', de dono regis. Teste rege apud Theokesbir', v. die Junii.

Pro episcopo Wintoniensi.—Mandatum est vicecomiti Surr' quod distringat Thomam Testard' ad reddendum P. Wintoniensi episcopo debitum, quod ei debet pro Rogero Testard' fratre suo, et quod recognovit se debere eidem episcopo; et, si forte ipsum Thomam ad ejusdem debiti solutionem distringere non possit, faciat eidem episcopo habere saisinam de terra ipsius Thome, quam habet in balliva sua, donec idem Thomas de debito ipso eidem episcopo satisfecerit. Teste ut supra.

De quercubus datis.—Mandatum est Hugoni de Nevill' quod faciat habere fratri domini regis, R. comiti Cornubie et Pictavie, decem quercus in foresta de Pauncehal' ad se hospitandum apud Beckel', de dono ejusdem regis. Teste rege apud Glouc', vj. die Junii.

Pro leprosis de Bradeleg'.—Rex Johanni de Monem' salutem. Sciatis quod concessimus mulieribus leprosis de Bradelegh' et priori et fratribus ejusdem loci, quod possint licite fruissire et excolere quinquaginta acras bruere in loco qui vocatur Jernefeld', quietas de reguardo inperpetuum. Et ideo vobis mandamus quod permittatis eis libere et sine inpedimento illas quinquaginta acras fruissire et excolere, allocatis eis in illis 1. acris duodecim acris et dimidia, quas jam fruissierunt et excoluerunt. Teste ut supra.

Pro R. de Cokef'.—Rex Briano de Insula salutem. Monstravit nobis dilectus et fidelis noster R. de Cokefeld' quod vos, occasione manerii (fn. 3) quod cepit in foresta nostra de Scardeburc' et de Pikering' per preceptum nostrum ad reparacionem castrorum nostrorum de Scardeburc' et de Pikering' tempore quo fuit constabularius noster eorundem castrorum, ipsum intenditis amerciare in itinere vestro ad placita foreste. Et ideo vobis mandamus quod occasione predicti manerii, (fn. 4) quod forestarii et viridarii predictarum forestarum protestati fuerint ipsum cepisse tempore predicto ad predictam operacionem, ipsum non amercietis nec aliquam erga eum queratis occasionem. Teste me ipso apud Glouc', vij. die Junii.

Pro R. Marescallo.—Rex justiciariis suis ad custodiam Judeorum assignatis salutem. Sciatis quod concessimus dilecto et fideli nostro Radulfo Marescallo, quem misimus ad partes Hybernie in servicium nostrum, quod triginta et tres marcas, quas debet Aaron de Eboraco Judeo, reddat infra terminum quatuor annorum; ita videlicet quod ad Pasca, anno regni nostri septimodecimo, incipiat reddere centum solidos, et singulis trium annorum proximo sequentium ad Pascha octo marcas et dimidiam, donec debitum predictum persolvatur eidem Judeo. Concessimus etiam eidem Radulfo quod quietus sit de usuris quas idem Judeus exigere posset decetero de debito predicto, et similiter de usura que currebat in eodem debito a termino Pasce anno regni nostri xvj. usque ad tempus predicte concessionis nostre. Et ideo vobis mandamus quod sic fieri et inrotulari faciatis. Teste ut supra, apud Glouc'.

Pro abbate Glouc'.—Mandatum est Gileberto Basset quod habere faciat abbati Glouc' centum quercus in foresta domini regis de Den' ad operacionem ecclesie sue, de dono ipsius regis. Teste rege ut supra. (fn. 5)
Mandatum est Gileberto Basset quod habere faciat abbati de Glouc' centum quercus integras sine diminucione aliqua in foresta domini regis de Den' ad copulas faciendas, ubi competentius et propinquius ville Glouc' capi poterunt, ad operacionem ecclesie sue Glouc', de dono ipsius regis. Teste rege apud Glouc', vij. die Junii.

Pro Ada Kimot capto deliberando.—Rex vicecomiti Glouc' (fn. 6) salutem. Si Adam Kimot, captus et detentus in prisona nostra pro venacione nostra, invenerit vobis sex probos et legales homines de baillia vestra, qui eum manucapiant habere coram justiciariis nostris proximo itineraturis ad placita foreste ad standum recto de transgressione facta in predicta foresta nostra, tunc ipsum Adam deliberetis a prisona nostra et tradatis predictis sex in ballio, sicut predictum est. Teste ut supra.

Pro episcopo Wintoniensi.—Rex baronibus suis de Scaccario salutem. Sciatis quod absolvimus et quietum clamavimus venerabilem patrem P. Wintoniensem episcopum pro nobis et heredibus nostris de omnibus compotis, ratiociniis et omnimoda amministracione et demandis et amerciamentis, et de omnibus debitis, tam scutagii quam aliis, que ab eodem episcopo exiguntur vel exigi poterunt de tempore domini J. regis etc. et nostro, usque ad diem Pentecostes anno etc. xvj. Et ideo vobis mandamus quod sic fieri et inrotulari faciatis. Teste ut supra.

Pro Galfrido filio Bartholomei capto tradendo in ballio.—Rex vicecomiti Bedef' salutem. Si (fn. 7) Galfridus filius Bartholomei, captus et in prisona nostra detentus apud Bedef' pro morte Willelmi filii Simonis, unde rettatus est, invenerit tibi xij. probos et legales homines de comitatu tuo, qui eum manucapiant habere coram justiciariis nostris ad primam assisam, cum in partes illas venerint, ad standum inde recto, tunc ipsum Galfridum tradas in ballio predictis xij. probis et legalibus hominibus, qui eum manuceperint, usque ad adventum predictorum justiciariorum. Et habeas ibi nomina illorum xij. hominum et hoc breve. Teste ut supra.

[m. 9.]

De denariis regi mittendis.—Rex dilecto et fideli suo Waltero de Kircham, decano Sancti Martini Lond', salutem. Cum ad presens nullos nobiscum denarios habeamus, quibus plurimum indigemus, vobis mandamus quatinus omnes denarios, quos promptos habetis de exitibus archiepiscopatus Cantuariensis, ad nos sub festinacione mittatis. Et ut sciatis versus quas partes poterimus inveniri, scire vos volumus quod hac die Veneris proxima post festum Sancte Trinitatis erimus apud Wudestok', profecturi inde versus partes Bromholm' per Brehill' et Dunstapl', et sic per partes Cantebrigie. Teste me ipso apud Glouc', vij. die Junii.

De denariis mittendis ad Castrum Matildis ad liberationes faciendas militibus et servientibus ibidem.—Rex venerabili patri et Karleolensi episcopo et thesaurario suo salutem. Mandamus vobis firmiter injungentes in fide qua nobis tenemini, quatinus sicut nos et honorem nostrum diligitis, omnem quam poteritis diligenciam apponatis ad perquirendum centum marcas vel centum libras, et eas Thome de Blancmuster, latori presentium, liberetis deferendas usque ad Castrum Matillidis ad liberationem militum et servientum in castro eodem existentium faciendam. Teste rege apud Glouc', viij. die Junii.

Mandatum est Willelmo Briwer' quod per visum forestariorum et viridariorum prosterni et vendi faciat totum subboscum de la Bere, et denarios inde provenientes liberari faciat venerabili patri P. Wintoniensi episcopo ad magnam aulam castri regis Wintonie levandam. Teste rege apud Glouc', ix. die Junii. (fn. 8)

Pro Griffino.—Rex ballivis suis de Pecco salutem. Sciatis quod reddidimus Griffino filio Wenunweni, vadletto nostro, terram que fuit ipsius Wenunweni in Aisford', salvis Margarete que fuit uxor ipsius Wenunweni, mater ipsius Griffini, dote sua de eadem terra et bladis suis que seminari fecit in eadem terra. Et ideo vobis mandamus quod de predicta terra de Aisford' eidem Griffino sine dilatione plenam saisinam habere faciatis, salvis ipsi Margarete inde dote sua et bladis suis, sicut predictum est. Teste ut supra.
Idem habet litteras patentes directas hominibus suis, quod sint ei intendentes et respondentes. Teste ut supra.

De maeremio dato.—Rex Waltero de Godarvill' salutem. Mandamus vobis quod habere faciatis Philippo le Bret maeremium in bosco de Carthcruc ad se hospitandum. Teste me ipso apud Glouc', viij. die Junii.

Pro hominibus de Redl'.—Rex Gilberto Basset salutem. Mandamus vobis quod in presentia viridariorum et forestariorum et per sacramentum aliorum proborum et legalium hominum, diligenter inquiratis qualem communam pasture homines nostri de Redl' habere debent et habere consueverunt in foresta nostra de Den', et in landis et infra coopertum et extra coopertum tempore H. regis, avi nostri, R. regis avunculi nostri et domini J. regis patris nostri usque ad guerram motam inter ipsum patrem nostrum et barones suos Anglie; et facta inde inquisicione qualem communam inde habuerunt temporibus predictis, talem eis habere permittatis in predicta foresta, landis et infra coopertum et extra coopertum, sicut predictum est. Teste ut supra.

Pro Hugone Tyrel.—Mandatum est R. de Burgo, justiciario Hybernie, quod dominus rex concessit Hugoni Tyrel pro se et heredibus suis, quod ipse et heredes sui inperpetuum habeant unam feriam apud manerium suum de Neweton' in Fertelagh', duraturam singulis annis per viij. dies; videlicet, in vigilia et in die Sancti Michaelis et per sex dies proximo sequentes, nisi feria illa sit ad nocumentum vicinarum feriarum. Et mandatum est eidem justiciario quod feriam illam in Hybernia, ubi necesse fuerit, clamari et ei teneri faciat, sicut predictum est. Teste rege apud Winchecumb', x. die Junii.

De damis datis.—Mandatum est Johanni de Munem' quod habere faciat Osberto Gyffard' iiij. damos in foresta domini regis de Selewud', de dono ipsius regis. Teste rege apud Otinton', x die Junii.

De pluribus emendis ad opus regis.—Mandatum est venerabili patri W. Carleolensi episcopo thesaurario quod emi faciat ad opus domini regis quinque baudekinos cum auro, et septem pannos de Aresta, et quinque uncias auri, et duodecim denariatas auri, sicut Reginaldus Talliator ei dicet ex parte domini regis; et ea ei liberari faciat deferenda ad dominum regem. Et quod emi faciat unum baudekinum sine auro ad quandam casulam ferialem faciendam: et eam cum festinacione fieri faciat, et eam reservet quousque pro ea miserit. Teste rege apud Otinton', xj. die Junii.

Pro Nigello persona de Wythyford'.—Rex vicecomiti Oxonie salutem. Monstravit nobis Nigellus persona de Wythiford' quod, cum recepisset de Radulfo Walensi duas acras terre in Swymbroc et tres acras terre de Rogero filio suo ad terminum sex annorum, de quibus quatuor anni sunt jam elapsi ut dicitur, et contigisset postmodum infra terminum illum ipsum Rogerum suspendi pro latrocinio, tu tam predictas duas acras quam predictas tres acras occasione illius suspensionis in manum nostram cepisti. Quia vero intuitu Dei graciam nostram in hac parte duximus eidem Nigello impendere, volentes quod terram predictam habeat usque ad terminum suum completum, tibi precipimus quod predicto Nigello de predictis quinque acris plenam saisinam habere facias, sicut predictum est. Teste ut supra.

Pro Waltero de Fontibus.—Rex commisit Waltero de Fontibus manerium de Welledon' ad se sustentandum in servicio domini regis, quamdiu regi placuerit. Et mandatum est vicecomiti Norhampton' quod eidem Waltero de predicto manerio cum pertinentiis plenam saisinam habere faciat, salvis Henrico de Braybroc', qui manerium illud habuit de baillio domini J. regis patris domini regis, catallis et bladis suis in terra predicta existentibus. Teste rege apud Wudestok', xij. die Junii.

Pro Willelmo Bluet.—Rex concessit Willelmo Bluet quod de octo marcis quas debet Urcello filio Hamonis de Hereford', Judeo, reddat per annum eidem Urcello duas marcas, videlicet, ad Scaccarium Sancti Michaelis unam marcam et ad Scaccarium Pasche unam marcam, donec totum debitum predictum eidem Judeo persolverit. Concessit etiam eidem Willelmo quod quietus sit de usuris quas debet predicto Judeo occasione debiti predicti. Et mandatum est justiciariis ad custodiam Judeorum assignatis quod sic fieri et inrotulari faciant. Teste rege apud Wudestok', xij. die Junii, anno regni regis xvj.

De vinis capiendis in nundinis Sancti Botulfi ad opus regis.— Mandatum est Johanni de Colemere quod capiat ad opus domini regis in nundinis Sancti Botulfi xl. dolia vini, et ea liberari faciat vicecomiti Linc', cui mandatum est quod vina illa recipiat et cariari faciat usque Jakesle, liberanda ibidem vicecomiti Norhampton,' cui preceptum est quod ea recipiat et cariari faciat quo ei rex precepit ad opus ipsius regis.

Pro hominibus Bristoll'.—Rex baronibus suis de Scaccario salutem. Sciatis quod concessimus probis hominibus nostris Bristoll' quod villam nostram Bristoll', quam habent ad firmam de nobis a festo Sancti Gregorii anno regni nostri xj. usque in viij. annos completos, reddendo inde nobis ad Scaccarium nostrum singulis annis ducentas et quadraginta et quinque libras, teneant usque in duos annos completos ultra predictos octo annos completos per predictam firmam ducentarum et xl. et v. librarum. Et ideo vobis mandamus quod sic fieri et inrotulari faciatis. Teste me ipso apud Wudestok', xiij. die Junii.

Pro Galfrido Talun.—Rex justiciariis proximo itineraturis in comitatu Cumberl' salutem. Sciatis quod bene placet nobis quod Galfridus Talun, quem Alexander Matefelun appellat de pace nostra fracta, cum predicto Alexandro pacem faciat, et super eodem appello de licencia nostra se concordent, si idem Alexander voluerit. Et ideo vobis mandamus quod id fieri permittatis, sicut predictum est. Teste ut supra.

Pro magistro Nicholao de Farneham.—Mandatum est Thome de Langelegh', quod faciat habere magistro Nicholao de Farenham tria robora in foresta de Wycchewud' ad focum suum, de dono domini regis. Teste rege apud Wudest', xiiij. die Junii.

Pro Gileberto Basset.—Mandatum est Hugoni de Nevill' quod habere faciat Gileberto Basset duodecim quercus in foresta de Pauncehal', de dono domini regis. Teste rege apud Wudestok', xiiij. die Junii.

Pro abbate de Brueria.—Mandatum est Thome de Langelegh' quod habere faciat abbati de Brueria decem robora in foresta (fn. 9) de Wuchewud', ad rogum quendam faciendum ad operacionem ecclesie sue de Brueria, de dono regis. Teste rege ut supra.

Pro rege.—Rex dilecto et fideli suo R. de Burgo, justiciario suo Hybernie, salutem. Cum nuper concesserimus venerabili patri L. Dublinensi archiepiscopo custodiam episcopatuum vacantium in provincia sua, et episcopatus Ossoriensis ea racione a tempore vacacionis sue extiterit in manu sua; vobis mandamus quatinus in confirmacione dilecti clerici nostri W. de Brackel', cujus electioni assensum regium prebuimus et favorem, publice protestemini quod custodiam predictorum episcopatuum ita concessimus quod, decedente predicto archiepiscopo, nichil juris accrescat successoribus suis archiepiscopis Dublinensibus in custodia predicta; nec aliquid depereat juri nostro vel heredum nostrorum occasione predicte concessionis nostre. Teste me ipso apud Wudestok', xiiij. die Junii, anno regni nostri xvj.

Pro priore de Brackel'.—Mandatum est Hugoni de Nevill' quod faciat habere priori de Brackel' decem robora folia non ferentia in foresta domini regis de Wytlewud' ad focum suum, de dono ipsius regis. Teste rege apud Wudest', xv. die Junii.

Pro Willelmo de Sancto Albano.—Mandatum est Johanni de Munem' quod habere faciat Willelmo de Sancto Albano, canonico Sancti Cedde Salopie, decem quercus in foresta regis de Lya ad operacionem ecclesie Sancti Cedde Salopie, de dono. Teste ut supra.

Pro Hugone de Vivon'.—Mandatum est vicecomiti Sumers' quod demandam, quam facit Hugoni de Vivon' per summonicionem Scaccarii de debitis, que domino regi debet, ponat in respectum usque ad festum Sancti Michaelis anno regni regis xvj., ut interim certificari possit regi quantum restat ei reddendum de annuo feodo suo quod percipit ad Scaccarium, et quod rex inde certificatus possit allocare eidem H. in debitis predictis que (fn. 10) regi debet, id quod eidem Hugoni est a retro de feodo suo predicto. Et preceptum est eidem vicecomiti quod interim averia predicti Hugonis, que occasione predictorum debitorum cepit, ei deliberet et ipsum inde pacem habere permittat. Teste rege apud Wudest', xv. die Junii.

Pro Waltero de Lascy.—Mandatum est R. de Burgo, justiciario Hybernie, quod, qui (sic) dominus Rex retinuit Walterum de Lascy secum in Anglia in servicio suo, omnes loquelas motas contra eum preter assisas nove disseisine, si que versus eum fuerint aramiate, ponat in respectum usque ad festum Sancti Michaelis anno regni regis ejusdem xvj. Teste rege apud Wudest', xvj die Junii.

Pro abbate de Tavistok'.—Rex concessit pro se et heredibus suis abbati de Tavistok', quod ipse et successores sui inperpetuum habeant unam feriam apud ecclesiam suam Sancti Michaelis de Brentetor' in manerio de Lamerton', duraturam singulis annis per tres dies, videlicet, in vigilia et in die et in crastino Sancti Michaelis; nisi feria illa sit ad nocumentum vicinarum feriarum. Et preceptum est vicecomiti Devonie quod predictam feriam per totam ballivam suam clamari faciat et teneri, sicut predictum est. Teste ut supra.

Pro abbate Glouc'.—Mandatum est Gilberto Basset quod, salvis forestariis regis cooperonibus que exciderint de centum quercubus, quas nuper ei rex mandavit quod faceret habere abbati Sancti Petri Glouc' in foresta de Den' ad operacionem ecclesie sue, faciat eidem abbati habere de eisdem centum quercubus quicquid aptum fuerit ad maeremium et ei necessarium fuerit ad operacionem ecclesie sue, de dono regis. Teste ut supra.

Pro magistro Roberto de Sancto Albano.—Mandatum est Johanni de Munem' quod faciat habere magistro Roberto de Sancto Albano xij. copulas, quatuor postes et duas pannas in foresta nostra de Syrlet ad se hospitandum apud Bruges, et unam bonam quercum ad scindulas faciendas cum omnibus que inde exciderint, de dono regis. Teste ut supra apud Wudest'.

Pro Elya de Middelton'.—Mandatum est baronibus de Scaccario quod liberacionem duorum denariorum quam primo vacare continget ad Scaccarium de elemosina regis constituta, habere faciat Elye de Middelton', homini fratris Johannis de Meth, quam rex ei intuitu Dei concessit. Teste rege apud Wudest', xvj. die Junii.

De damo dato.—Mandatum est Thome de Samford' quod habere faciat Warino de Crikelad', capellano domini regis, unum damum in foresta de Braden', de dono. Teste ut supra.

De roboribus datis.—Mandatum est Johanni de Monem' quod habere faciat priori de Calde Norton' decem robora sicca in foresta de Wychewud' ad focum suum, de dono. Teste ut supra.

Pro Johanne Sewy.—Johannes Sewy habet respectum usque in unum annum a die Sancti Michaelis anno regni regis xvj. de octo marcis et x. solidis reddendis, quos debet David Judeo Oxonie. Et mandatum est justiciariis ad custodiam Judeorum assignatis quod respectum illum ei inde habere faciant. Teste rege ut supra.

De copulis datis.—Mandatum est Hugoni de Nevill' quod faciat habere magistro hospitalis Sancti Johannis extra portem orientalem Oxonie, decem copulas in Pokeslea et tresdecim copulas alias et trabes et pannas alibi in baillia tua, ubi competencius et ad minus nocumentum foreste regis capi poterunt, ad operacionem nove capelle Sancte Marie, que apud novum hospitale inchoata est, de dono regis. Teste rege apud Brehull', xvij. die Junii, anno regni, etc.

Mandatum est Johanni de Munem' quod faciat habere eidem magistro hospitalis Sancti Johannis decem copulas in Cornebir' in baillia Thome de Langel' ad operacionem nove capelle Sancte Marie, que ibidem inchoata est, ut supradictum est. Teste ut supra.

De cheveronibus datis.—Mandatum est Galfrido Esturmy quod habere faciat fratribus minoribus Oxonie triginta cheverones in foresta regis de Savernac de dono ad fabricam capelle sue, quam fieri faciunt apud Oxoniam. Et si aliqui de baillia ipsius Galfridi maeremium eis dare voluerint, permittat eos sine inpedimento habere chiminagium usque ad summam triginta quercuum. Teste ut supra.

De quercu data.—Mandatum est Hugoni de Nevill' quod faciat habere magistro hospitalis infirmorum Sancte Marie Magdalene de Craumersse unam quercum in baillia sua ad scindulas faciendas ad ecclesiam ejusdem hospitalis cooperiendam, de dono. Teste ut supra.

De quercubus datis.—Mandatum est Hugoni de Nevill' quod habere faciat abbati de Nutle x. quercus in foresta de Pauncehal', de dono, ad fabricam ecclesie sue. Teste ut supra apud Brehull'.

Mandatum est Hugoni de Nevill' quod habere faciat abbati de Bitlesden' viginti quercus de dono in foresta de Whitlewud', scilicet, decem quercus ad postes et decem quercus ad pannas ad reparacionem grangie sue de Gorhal', que combusta fuit. Teste ut supra.

[m. 8.]

Hibernia. Pro hominibus de Waterford'.—H. Dei gracia rex Anglie etc. dilecto et fideli suo R. de Burgo, justiciario suo Hybernie, salutem. Sciatis quod concessimus probis hominibus nostris de Waterford' civitatem nostram Waterford' habendam ad firmam de nobis et heredibus nostris pro centum marcis singulis annis reddendis ad Scaccarium nostrum Dublin', videlicet, unam medietatem ad Pascha et aliam medietatem ad festum Sancti Michaelis. Concessimus etiam eis quasdam libertates et quietancias, sicut plenius continetur in carta nostra, quam eis inde fieri fecimus. Et ideo vobis mandamus quod predictis hominibus predictam civitatem habere permittatis ad firmam, sicut predictum est, et predictam cartam legi, et libertates et quietancias in eadem carta contentas eis observari faciatis. Teste me ipso apud Brehull', xvij. die Junii.

De quercu data.—Mandatum est Hugoni de Nevill' quod faciat habere Waltero Norensi, custodi pontis de Blakethorn', unam quercum in Pauncet' ad reparacionem ejusdem pontis. Teste ut supra.

De damis datis.—Mandatum est Johanni de Munem' quod habere faciat Johanni constabulario Cestr' duos damos in foresta regis de Clarendon', de dono. Teste rege apud Querendon', xvij. die Junii.

De testamento comitisse Essex'.—Mandatum est vicecomiti Norf' (fn. 11) quod non impediat vel impediri permittat executores testamenti Christiane quondam comitisse Essex', quin liberam habeant amministracionem de omnibus catallis que fuerunt ipsius comitisse, scilicet, tam de bladis in terra quam de bladis in grangia, et omnibus rebus et catallis aliis ad faciendum execucionem testamenti ipsius comitisse. Teste ut supra.

Consimiles littere diriguntur vicecomitibus Bedef' et Buk', Huntind', Essex', et Middelsex' pro eadem comitissa.

De venatoribus.—Rex dilecto et fideli suo H. de Nevill' salutem. Mittimus ad vos Rogerum de Stopham et Willelmum Luvel et Hamonem filium Philippi venatores nostros, ad capiendum x. damos in foresta nostra de Wauberg' ad opus nostrum. Teste me ipso apud Querendon', xix die Junii.

De reparandis domibus de Brehull'.—Mandatum est Hugoni de Nevill' quod faciat habere vicecomiti Bukingh', cui preceptum est quod reparari faciat domos domini regis de Brehull, maeremium in baillia sua ad scindulas faciendas et ad predictas domos sufficienter reparandas, ita quod pro defectu maeremii non impediatur. Teste ut supra.

De vivario de Havering'.—Rex Ricardo de Munfichet salutem. Datur nobis intelligi quod vivarium nostrum de Havering' deperit et piscis noster ejusdem vivarii moritur, eo quod aqua ex nulla parte ipsius intrat nec egredi potest. Et ideo vobis mandamus quod totam aquam ejusdem vivarii effluere et exire faciatis. Teste ut supra apud Querendon'.

Pro Willelmo Talebot.—Mandatum est S. de Segrave et sociis suis justiciariis itinerantibus in comitatibus Notingh' et Dereb' quod, non obstante eo quod Willelmus Talebot de Geynesburg', qui per multum tempus stetit in obsequio domini J. regis patris H. regis, Normannus est et postea diu moram fecit in partibus transmarinis, non remaneat loquela quam habet in itinere suo coram eis versus W. comitem de Ferariis de custodia terre que fuit Roberti filii Walkelini, (fn. 12) que ad ipsum Willelmum pertinet, eo quod predictus Robertus terram suam tenuit in socagio, et quod predictus Willelmus propinquior est heredi ipsius Roberti, ut dicit. Teste rege apud Berchamested', xix. die Junii.

Pro Hugone de Vallibus.—Mandatum est vicecomiti Dors' quod faciat habere Hugoni de Vallibus catalla Willelmi de la Bruer', nativi sui, qui fugit pro latrocinio unde rettatus fuit, que dominus rex ei concessit. Teste ut supra.

De castro de Porecestr' custodiendo.—Mandatum est venerabili patri P. Wintoniensi episcopo quod dominus rex commisit ei castrum suum de Porcestr' custodiendum, quamdiu domino regi placuerit, et quod illud recipiat et salvo custodiat. Teste rege apud Bercham', xx. die Junii.

De fustis datis.—Mandatum est custodi parci regis de Havering' quod faciat habere constabulario Turris Lond' xl. fusta in predicto parco Havering', sparsim per loca diversa, ubi minus appareant, ad reparacionem aule predicte Turris Lond.' Teste ut supra.

De quodam converso recipiendo.—Mandatum est venerabili patri W. Karleolensi episcopo quod Rogerum de Parten' conversum in domo conversorum Lond' recipiat, et ipsum in necessariis sicut alios conversos ejusdem domus exhibeat. Teste rege ut supra.

Pro comite Pictavie.—Rex dedit R. comiti fratri suo scutagium suum de feodis militum, que de ipso domino rege tenet in capite, tam de wardis quam aliis, scilicet, pro exercitu contra primam transfretacionem ipsius domini regis, et de exercitu Pictavie post primam transfretacionem domini regis, et de exercitu de Elveyn. Et mandatum est baronibus Scaccarii quod ipsum inde quietum esse faciant. Teste rege apud Berchamested', xx. die Junii.

De coronatoribus in honore de Berchamst'.—Mandatum est S. de Segrave et sociis suis itinerantibus in comitatu Hertford' quod, cum venerint ad predictas partes Hertford' itineraturi ibidem, provideant qualiter coronatores statuantur in honore Berchamested', ubi nondum sunt aliqui, secundum quod melius viderint expedire. Teste ut supra.

De damis datis.—Mandatum est Michaeli de Columbariis quod habere faciat Isabelle sorori regis quinque damos in baillia sua, de dono. Teste rege apud Weston', xxj. die Junii.

De damis datis.—Mandatum est Hugoni de Nevill' quod habere faciat Simoni de Sancto Licio, senescallo venerabilis patris R. Cycestrensis episcopi, cancellarii domini regis, duos damos in foresta de Wauberg', quos permittat ipsum Simonem capere per manum suam ad opus ipsius episcopi, de dono. Teste ut supra.

Pro Ricardo de Harecurt.—Mandatum est custodi portus Dovor quod, cum Ricardus de Harewecurt de Normannia applicuerit in portu Dovr', permittat ipsum et homines suos et hernesium suum libere inde procedere ad veniendum ad dominum regem ad loquendum cum eo; sed, si aliquem alium militem vel servientem contingat ibidem applicare, ipsum arestari faciat, sicut alias ei preceptum est, nec permittat ipsum alicubi procedere, donec aliud inde habuerit mandatum. Teste rege apud Weston', xxj. die Junii.

De quercubus datis.—Mandatum est Ricardo de Wrotham quod habere faciat priori de Cliva duas quercus in parco regis de Neweton' de dono, ad stallos chori sui de Clive faciendos. Teste ut supra.

Pro monachis de Cliva.—Mandatum est vicecomiti Sumers' quod permittat abbatem et monachos de Cliva habere tot animalia in pastura de Camel', quot Joscelinus de Oye ibidem habuit et habere debuit racione terre quam habuit in eadem villa, quam terram ipsi abbas et monachi postea emerunt, ut dicitur, a predicto Joscelino. Teste ut supra.

Pro comitissa Augi.—Rex Willelmo de Chaurces salutem. Quia constat nobis per inquisicionem, quam a vicecomite nostro Notingh' fieri precepimus, quod tu et antecessores tui tenuistis feodum unius militis cum pertinentiis in Marnham in capite de honore de Tykehill', qui est in manu A. comitisse Augi; tibi precipimus quod de cetero eidem comitisse, tamquam domine tue de feodo predicto, intendens sis et respondens. Teste ut supra apud Weston'.

Rex baronibus suis de Scaccario salutem. Sciatis quod per inquisicionem quandam, quam nuper fieri fecimus a vicecomite Notingh', nobis constat quod Willelmus de Chaurces tenet feodum unius militis cum pertinentiis in Marnham in capite de honore de Tykhill', et antecessores sui feodum illud eodem modo tenuerunt tamquam feodati de predicto honore, ita quod feodum illud ad dominum J. regem patrem nostrum alia de causa non pertinebat, nisi eo quod predictus honor aliquando extitit in manu ipsius, et per consequens omnia feoda ad honorem predictum pertinentia. Et ideo vobis mandamus quod sic inrotulari faciatis, predictum Willelmum decetero non distringentes occasione feodi predicti de aliquo servicio nobis inde faciendo. Precepimus enim eidem Willelmo quod de predicto feodo A. comitisse Augi, in cujus manu honor predictus de Tykhill existit, tamquam domine sue intendens sit et respondens. Teste ut supra.
Mandatum est baronibus regis de Scaccario quod demandam, quam faciunt A. comitisse Augi, de scutagio quorundam feodorum militum de quibus contencio est inter dominum regem et ipsam comitissam, ponant in respectum donec aliud inde preceptum fuerit. Teste ut supra.

Pro Johanne de Bello Campo.—Rex eisdem salutem. Sciatis quod concessimus Johanni de Bello Campo quod habeat respectum usque in xv. dies a die Sancti Michaelis, anno regni regis xvj. de quindecim libris reddendis nobis ad Scaccarium nostrum, que restant de xx. libris de hoc anno regni nostri eodem de fine, quem nobiscum fecit de debitis que nobis debet. Dedimus etiam ei respectum usque ad eundem terminum de scutagio feodorum duorum militum, quod exigitur ab eo ad Scaccarium nostrum, scilicet de scuto xx. solidorum pro exercitu nostro de Elveyn. Et ideo vobis mandamus quod respectum illum ei inde habere permittant (sic). Teste ut supra.

Pro Dublinensi archiepiscopo.—Mandatum est vicecomiti Cantebrigie quod demandam quam facit venerabili patri L. Dublinensi archiepiscopo per summonicionem Scaccarii de debitis que ab eo exiguntur, ponat in respectum usque ad festum Sancti Michaelis, anno regni regis xvj. Teste rege apud Trumpiton', xxij. die Junii.

Pro Pagano de Chaurces.—Rex commisit Pagano de Chaurcis terram illam de Offinton' cum pertinentiis, quam prius tenuit de baillio ipsius domini regis, et postea ad peticionem ipsius Pagani commisit Ade de Chaurcis filio suo, qui nuper obiit, ad se sustentandum in servicio suo quamdiu ei placuerit. Et mandatum est vicecomiti Devonie quod plenam inde saisinam ei habere faciat. Et, siquid inde captum fuerit post obitum ipsius Ade, ei sine dilatione reddi faciat. Teste rege apud Ely, xxij. die Junii.

De damis datis.—Mandatum est Roberto de Everingham quod habere faciat Willelmo Bardulf duos damos in foresta de Shyrewud', de dono domini regis. Teste rege apud Ely, xxiij. die Junii.
Mandatum est Hugoni de Nevill' quod in foresta de Wauberg' faciat habere Margarete comitisse Wintonie duos damos, de dono regis. Teste rege apud Ely, xxiiij. die Junii.
Mandatum est Gileberto Basset quod Isabelle sorori regis moranti in castro Glouc', per preceptum regis faciat habere singulis xv. diebus unum damum in foresta de Den', de dono regis. Teste ut supra.
Mandatum est Michaeli de Columbariis quod in foresta de Cet' faciat habere A. comitisse Penbr' sex damos, et per vices interpolatas aliquem cheverellum, de dono regis. Teste ut supra.
Eodem modo scribitur Galfrido Esturmy pro eadem comitissa per eadem verba, in foresta de Savernak'. Teste ut supra.

De roboribus datis.—Mandatum est H. de Nevill' quod habere faciat fratribus minoribus de Norhamt' x. vetera robora ad focum suum, de dono regis, in balliva sua ubi melius poterit et ad minus nocumentum foreste regis. Teste rege apud Ely, xxv. die Junii.

Pro Ricardo Renger.—Mandatum est ballivis de Sandwic' quod si Andreas Bukerel invenerit eis salvos plegios respondendi quando rex preceperit de precio quater viginti et duorum doliorum vini, que Egidius de Trye ei misit in Angliam, ut dicitur, in parte solucionis sex lestorum coriorum, quos ab eodem Andrea emit; tunc, non obstante calumpnia Petri del Ostel et Johannis de Caillou, qui dicunt se partem habere in dictis vinis, ea faciant (fn. 13) appreciari et ipsi Andree liberari, sicut predictum est, et nomina plegiorum et precium vini regi scire faciant. Teste ut supra.

De damis datis.—Mandatum est Ricardo de Muntfichet quod habere faciat W. de Kirkeham, decano Sancti Martini London', tres damos in forinseco bosco regis de Havering' extra parcum, de dono regis. Teste ut supra.

De respectu loquele.—Mandatum est W. de Raleg' et sociis suis quod loquelam que fuit coram eis per preceptum regis inter Simonem de Monte Forti petentem et M. comitissam Wintonie tenentem, de quibus terris et tenementis in suburbio Leic' et alibi, ponant coram eis apud Westmonasterium a die Sancti Michaelis in unum mensem in eo statu quo remansit coram eis in itinere suo apud Leic'. Teste ut supra.

De inquisicione facienda.—Mandatum est S. de Sedgrave et sociis suis quod in itinere suo Cantebrigie et Hunt' diligenter inquirant etc. utrum mariscus ille, de quo contentio est inter abbatem de Thorn' et priorem de Ely ex una parte et abbatem Rames' ex altera, sit in comitatu Hunt' vel in comitatu Cantebrigie; et diligentiam apponant quod predicte contentioni, salvo jure regis, cum honestate finis imponatur. Teste ut supra.

Pro Johanne filio Galfridi.—Mandatum est vicecomiti Hunted' quod de bosco de Swinesheved vel de prato subtus Wauberg' vel de una carucata terre cum pertinentiis in Kenebauton', que Johannem filium Galfridi hereditarie contingunt, ut perquisita predicti Galfridi patris sui, et que Christiana quondam comitissa Essex', que mortua est, tenuit in dotem, ipsum Johannem non gravet quin inde possit plenam habere saisinam et pro voluntate sua inde disponere. Teste rege apud Chipeham, xxv. die Junii.

Pro Judeis Wintonie.—Mandatum est vicecomiti Suhampt' quod omnes Judeos de Wintonia, quos cepit et in prisona regis captos tenet occasione cujusdam pueri qui mortuus et confractus inventus fuit apud Wintoniam, et pro cujus morte habetur de eis suspicio, a prisona regis deliberet; ita quod predicti Judei sint coram nobis quando preceperimus de predicta suspicione responsuri. Matrem autem ejusdem pueri, que similiter capta est occasione predicta, salvo custodiri faciat in prisona regis. Teste rege apud Chipeham, xxvj. die Junii.

Pro Bradenestok'.—Rex concessit priori et canonicis de Bradenestok' quod habeant inperpetuum unam feriam singulis annis duraturam apud Bradenest' per v. dies, videlicet, in vigilia et in die et in crastino Nativitatis Beate Marie et per duos dies sequentes, nisi etc. Et mandatum est vicecomiti Wilt' quod feriam illam per totam ballivam suam clamari faciat et teneri, sicut predictum est. Teste ut supra.

Rex concessit et carta sua confirmavit priori et canonicis de Bradenest' quasdam libertates et quietancias contentas in carta regis quam eis inde fieri fecit. Concessit etiam et confirmavit eis rex omnes terras et tenementa que eis racionabiliter collata sunt, sicut plenius continetur in confirmacionibus regis eis factis. Et mandatum est vicecomiti Suhamt' quod predictam cartam de libertatibus et quietanciis in ea contentis et predictas confirmaciones regis in pleno comitatu suo legi, et easdem libertates et quietancias eis faciat observari. Teste ut supra.

Eodem modo scribitur vicecomitibus:—
Glouc'.
Wilt'.
Sumers' et Dors'.
Norhamt'.
Oxonie.
Berk'.
Eboraci.

Et mandatum est:—J. de Monem' quod predictam cartam legi et libertates et quietantias predictas eis firmiter observari faciat.

Thome de Sampford' et G. Esturmy quod predictas libertates et quietantias eis habere permittant, sicut predictum est.

De quercubus datis.—Mandatum est vicecomiti Sussex' quod habere faciat R. Cycestrensi episcopo etc. centum quercus bonas de dono regis, ad fabricam ecclesie sue, in foresta que fuit Gileberti de Aquila in loco competentiori et viciniori ville Cycestr'. Teste rege apud (fn. 14) Wudestok', xvj. die Junii.

De conventione inter Rogerum de Dantes' et comitissam uxorem ejus.— Rex vicecomiti Midd' salutem. Scias quod, cum post mortem Christiane quondam comitisse Essex', Rogerus de Antes' peteret saisinam sibi fieri de maneriis que ipsa comitissa tenuerat in dotem de hereditate Matildis comitisse Essex' uxoris sue, videlicet Enefeld', Kinebalton', Querendon' et Agmodesham, tandem coram nobis ita convenit et concessum fuit quod idem Rogerus haberet saisinam de maneriis de Enefeld' et Querendon', et predicta Matildis comitissa uxor sua pendente causa inter ipsum Rogerum et eam de divortio inter eos celebrando, habeat et teneat maneria de Kinebald' et de Agmod' ad sustentationem suam: ita quod ipsa pro expensis vel dampnis, si forte dictus Rogerus a judicibus dicte cause in aliquibus interim condempnatus fuerit, vel pro aliqua alia re a dicto Rogero interim amplius petere non possit. Idem etiam Rogerus recipiet xlv. libras quas predicta comitissa prius recepit ad sustentationem suam, scilicet xlv. marcas de Scotia et xv. marcas de villa de Thorreby et c. solidos de Johanne filio Galfridi. Et ideo tibi precipimus quod de predicto manerio de Enefeld' ipsi Rogero plenam saisinam habere facias. Teste me ipso apud Sanctum Edmundum, xxvij. die Junii.

Et mandatum est vicecomiti:—
Buk', quod ipsi Rogero de predicto manerio de Querendon', et predicte comitisse de manerio predicto de Agmodesham:—
Hunt', quod de predicto manerio de Kenebalt' predicte comitisse:—
Sine dilatione plenam saisinam habere faciant. Teste ut supra.

De vinis emendis.—Mandatum est majori et ballivis de Lenn' quod sine dilatione emi faciant ad opus regis quatuor dolia vini Wasconiensis recca; et de eisdem vinis cum festinatione cariare faciant usque Walsingham unum dolium vini, et usque Swafham unum dolium vini, et usque Theford' unum dolium vini, et usque Chipeham unum dolium vini; et precium eorundem doliorum regi scire faciant apud Walsing' die Veneris proxima post festum apostolorum Petri et Pauli; quod quidem precium rex tunc eis reddet simul cum cariagio eorundem vinorum. Teste rege apud Bukeham, xxvij. die Junii.

De tradendo in ballio.—Galfridus de Burdeleis, quem Matildis que fuit uxor Willelmi filii Gerardi odio et athia, ut constat per inquisitionem, apellat de morte predicti Willelmi viri sui, habet literas vicecomiti Bed' directas quod tradatur in ballium xij. etc.