Close Rolls, April 1236

Close Rolls, April 1236

Pro Henrico de Sancto Elario.—Rex dilectis et fidelibus suis Roberto de Lexint' et sociis suis, justiciariis itinerantibus in comitatu Sumers', salutem. Sciatis quod constat nobis per inspectionem rotulorum de Cancellaria nostra quod Gunnora de Sancto Elario venit coram nobis apud Guldeford' quinto die Marcii anno regni nostri xiij. et in presentia nostra se sponte dimisit de tota terra sua quam tenuit in Corfton,' et ad ipsius instantiam cepimus inde homagium Henrici de Sancto Elario, filii sui, et seisinam inde eidem inde (sic) fieri fecimus. Et ideo vobis mandamus quod in loquela quam Galfridus de Dynant, filius Olivery de Dynant, movit coram vobis in curia nostra versus predictam Gunnoram de terra predicta, de cetero non procedatis quia terram illam non potest lucrari nec perdere. Teste rege apud Kenyton', j. die Aprilis.
Prior Sancte Trinitatis Cantuarie attornavit Rogerum de Aldham et Radulfum de Burgo versus Petrum Bigge petentem, de xxx. acris terre cum pertinentiis in Illeg'.

Rex. De Adam filio Willelmi residendo ad Scaccarium.—Mandatum est Ade filio Willelmi quod statim visis litteris etc. accedat usque Westmonasterium ad residendum ibi una cum sociis suis justiciariis regis de Banco, solitam diligentiam adhibiturus negociis regis ibidem, per quod rex ipsum debeat non inmerito habere specialius commendatum. Teste rege apud Windes', xij. die Aprilis.

De dubitationibus coram justiciariis de Banco etc.—Mandatum est Thome de Muleton' et sociis suis, justiciariis regis de Banco, quod omnia placita et loquelas, in quibus continget aliquam oriri dubitationem coram eis et de quibus judicium non fuerit manifestum, teneant in suspenso donec assensum regis inde requisierint. In omnibus etiam loquelis et placitis coram eis motis dies partibus constituant diffusos, preterquam in placitis de dote, unde nichil habet, et in assisis ultime presentationis. Teste ut supra.

De itinere justiciariis proviso.—H. rex etc. R. de Lexinton' salutem. Sciatis quod de consilio nostro providimus quod, terminatis coram vobis et sociis vestris placitis et querelis in comitatibus Sumers' et Dors', Berk' et Wilt', que in eisdem comititatibus in itinere vestro ibidem remanserunt terminanda, cum hiis quos vobis duximus associandos, itineretis in comitatibus War' et Leic', Bedef' et Buk', ita quod in crastino Sancte Trinitatis anno etc. xx. incipiatis apud Covintr' in comitatu Warewic'. Et ideo vobis mandamus quod vobis in hac parte provideatis, ita quod ad terminum predictum in predicto comitatu Warewic' commodius itinerare possitis, sicut predictum est. Teste ut supra.

[m. 14d.]

Rex dilecto et fideli suo Willelmo de Eboraco, salutem. Sciatis quod de consilio nostro providimus quod, peracto itinere vestro in comitatu Kancie, itineretis in comitatibus Glouc', Wigornie, Heref', Staff' et. Salopie, Noting' et Derb', ad omnia placita una cum aliis quos vobis ad hoc associabimus. Et ideo vobis mandamus quatinus de tempore infra quod creditis vos posse expedire que ad iter vestrum pertinent in predicto comitatu Kancie per litteras vestras nos certificare non omittatis, ut extunc secundum quod inde acceperimus, fieri faciamus summonitiones in comitatu Glouc', ubi volumus quod predictum iter vestrum incipiatur. Teste ut supra.

Pro clero Oxonie.—Rex diem assignatam inter clerum et probos homines Oxonie prorogavit usque diem Dominicam aute Ascensionem Domini. Teste rege apud Windes', xiiij, die Aprilis.

Rex dilecto et fideli suo Mauricio filio Geroldi, justiciario suo Hibernie, salutem. Sciatis quod electioni facte de licentia vestra, ut dicitur, de Thoma, decano Cloenensi, in episcopum Cloenensem, licet fieri non debuisset sine licentia a nobis ipsis inde prius petita et optenta, pro paupertate tamen ecclesie Cloenensis hac vice regium adhibuimus assensum et favorem, mandantes venerabili patri D. Armacano archiepiscopo ut ipse quod suum est exequatur in hac parte. Et ideo vobis mandamus, quam cito predictus archiepiscopus per litteras suas patentes vobis loco nostro significaverit quod ipse dictam electionem auctoritate metropolitana confirmaverit, vos de omnibus terris et tenementis ad dictum episcopum Cloenensem pertinentibus, de quibus El' quondam Cloenensis episcopus, predecessor ejus, seisitus fuit die quo dictum episcopatum resignavit, prefato electo plenam seisinam habere faciatis. Teste me ipso apud Windles', xviij. die Aprilis.

Oxonia.—J. magister hospitalis Sancti Johannis Oxonie attornavit Willelmum de Mora contra Robertum filium Rogeri de j. mesagio in Oxonia.

Dorset.'—Ricardus Sifrewast attornavit Robertum filium Reginaldi versus abbatem de Binedon' tenentem, de una carucata terre cum pertinentiis in Winterburn' Guah'bon.

Quia venerabilis pater H. Elyensis episcopus, erit coram rege apud Westmonasterium per preceptum regis die Lune proxima post festum Sancti Marci Ewangeliste, mandatum est Johanni de Nevill' et sociis suis justiciariis itinerantibus ad placita foreste in comitatu Huntind', quod occasione communis summonitionis facte coram eis ad diem illum predictum episcopum in nullo occasionent vel gravent. Omnes etiam loquelas, que predictum episcopum vel ecclesiam suam Elyensem contingunt in itinere suo in comitatu predicto, ponant in respectum usque in octo dies a die Lune predicto. Teste rege apud Kenyt', xxiij. die Aprilis.

[m. 14d.]

Omnibus Christi fidelibus presentes litteras inspecturis Gilbertus Marescallus, comes Penbr', salutem. Sciatis quod concessi et firmiter promisi domino meo H. illustri regi Anglie, filio regis Johannis, quod Willelmum de Mariscis, Johannem Cabus, Walterum Sancmelle, Philippum de Dynant, Thomam de Erdinton,' Henricum de Columbar', Willelmum filium Willelmi de Ponte Arch', Eustachium Cumyn, vel Reginaldum de Mariscis, utlagatos pro morte Henrici Clement, clerici et nuncii justiciarii Hybernie, non receptabo nec pro posse meo permittam receptari in terra mea Anglie, Wallie, Hibernie vel Scocie, et si in aliqua terrarum mea receptati fuerint, eos sine dilatione inde amovebo. Et quod Nicholao de Sancta Brigida terram suam in Wallia, de qua disseisitus fuit per ballivos meos et quam postea recuperavit per preceptum ipsius domini regis, sine dilatione et difficultate reddi faciam, et de dampnis que sustinuit per disseisinam illam post pacem factam inter ipsum dominum regem et me, ei plene satisfaciam, ita quod inde erit contentus, et similiter omnibus Anglicis et Walensibus, qui sunt disseisiti per me vel per ballivos meos occasione guerre mote inter ipsum dominum regem et Ricardum Marescallum fratrem meum qui fuerunt in servitio ipsius domini regis in predicta guerra, terras suas reddam et eis firmam pacem decetero habere faciam de me et omnibus meis. Et preterea filiam primogenitam filii Nicholai le Seculer, quam ceperam in custodiam eo quod dictus Nicholaus tenuit de me, reddidi ipsi domino regi, ita quod vicecomes Hereford', qui eam prius habuit in custodia per dominum regem, eam recipiet et salvo custodiet, donec eam rehabere possim per pacem vel per legem terre. Et preterea concessi pro me et fratribus meis et pro omnibus meis quod nullus de meis pro posse meo decetero itinerabit in terra ipsius domini regis armatus vel alio modo pro malo faciendo contra pacem ipsius domini regis nec pro pace sua turbanda, set pacem suam firmiter pro viribus meis conservabo; et si aliquis ex meis contra formam illam decetero itineraverit, postquam ad me hoc pervenerit, illum non receptabo set ipsum pro posse meo gravabo tamquam pacis perturbatorem et domini regis inimicum, nisi recto stare voluerit in curia domini regis. Et preterea castrum cum pertinentiis quod cepi super Morganum de Karleol' infra treugas captas inter ipsum dominum regem et L. principem de Abberfrau et dominum de Snaudon', eidem domino regi reddidi ad faciendum inde voluntatem suam. Et quod haec omnia firmiter, fideliter et sine malo ingenio pro posse meo conservabo tactis sacrosanctis juravi coram ipso domino rege et venerabilibus patribus E. Cantuariensi archiepiscopo, R. Cycestrensi, domini regis cancellario, et W. Karleolensi episcopis, Willelmo, electo Valentino, Ricardo, comite Pictavie et Cornubie, J. comite Linc' et constabulario Cestr', Simone de Monte Forti, H. de Burgo, comite Kancie, W. comite Albemarl', Willelmo de Ral', Willelmo, Lungesp', Henrico de Trublevill', Hugone de Vivon', Herberto filio Mathei, Johanne de Veteri Ponte, Petro de Malo Lacu, Godefrido de Craucumb' et aliis. Et ad majorem securitatem huic scripto sigillum meum apposui testibus predictis.

[m. 13d.]

Wasconia.—Rex venerabili in Christo patri G. eadem gratia Burdegalensi archiepiscopo, Sancti Andree et Sancti Severini decanis et capitulis, abbati et conventui Sancte Crucis Burdegale et omnibus aliis quorum signa appensa fuerunt in litteris ei transmissis continentibus querelas de injuriis eis factis super herbergagiis et aliis eis factis, salutem. Cum nuper venissent ad nos magister Vitalis, archipresbiter de Inter Duo Maria, preceptor totius Militie Templi in Wasconia et preceptor de la Grave ejusdem ordinis, et Almauvinus de Alhan, hospitalarius, ex parte vestra pro negotio totius terre nostre Wasconie communiter destinati, tamquam viri discreti causam adventus sui super molestiis et gravaminibus, que vos et alii de terra nostra Wasconie dicitis vos diu sustinuisse super herberbagiis (fn. 1) et aliis oneribus indebitis, nobis diligentur exposuerunt, nosque auditis querelis et gravaminibus, quibus ex parte vestra nobis supplicarunt quod consilium et remedium apponeremus, ut Deo et sancte ecclesie et vobis et aliis de partibus nostris conquerentibus satisfaceremus, de consilio nostro optulimus predictis nuntiis vestris quod coram venerabili patre archiepiscopo Auxitano et dilectis et fidelibus nostris Elya Ridel seniore, Senebruno de Lesparr', Amaneo de Lebret et Elya Gumbaud de Corsnac per sacramentum viginti et quatuor discretorum et legalium hominum non suspectorum et per quos rei veritas melius sciri poterit diligentem fieri faceremus inquisitionem a quibus hominibus nostris et alienis in Wasconia herberbagia (fn. 1) capi consueverunt temporibus H. regis, avi nostri, et R. regis, avunculi nostri, et tempore domini J. regis, patris nostri, a senescallis suis qui pro tempore fuerunt nomine eorundem regum et quas injurias dilectus et fidelis noster H. de Trublevill', senescallus noster Wasconie, vel alius senescallus noster, vobis vel aliis fecit capiendo aliter herberbagia (fn. 1) predicta tempore nostro quam capi consueverunt et debuerunt temporibus regum predictorum, et quando et qualiter et a quibus capi debuerant et consueverant a regibus predictis et eorum ballivis, similiter et a ballivis nostris nomine nostro. Verum licet pro veritate inde inquirenda et pro justitia vobis et aliis conquerentibus exhibenda post inquisitionem inde factam id fieri decrevissemus, predicti nuntii nostri inquisitionem talem secum deferre et gratiam nostram eis oblatam omnino recusarunt, eo quod de tempore predicti patris nostri fieri voluimus inquisitionem, qualiter ipse et senescalli sui herberbagia (fn. 1) predicta habere et homines partium illarum in hoc tractare consueverunt. Cumque aliam inquisitionem de herberbagiis (fn. 1) predictis et aliis gravaminibus quam predictum est, eis facere noluissemus sicut nec debuimus, prout consilio nostro videbatur tempore predicti patris nostri pretermisso, infecto negotio recesserunt; ut igitur vos certificemus quantam gratiam predictis nuntiis nostris optulerimus, vobis duximus significandum, quod si vacui ad vos redierunt, nobis aut alicui de consilio nostro id non poteritis aliquatenus imputare, cum velimus et parati simus modis omnibus, salvo jure et honore nostro, vobis et aliis conquerentibus justiciam exhibendo providere et sanctam Dei ecclesiam, quantum in nobis est, in sua libertate conservare indempnem. Teste rege apud Kenynt', xxij. die Aprilis.

Eboracum.—Warinus de Munchanes' et Dionisia uxor ejus attornaverunt Ricardum de Brampton' et Willelmum de Haull' versus Petrum de Malo Lacu et Isabellam uxorem ejus, de divisis faciendis inter terram predictorum Warini et Dionisie et predictorum Petri et Isabelle in Brideshal.'

Norf'.—Thomas filius Thome et Ela uxor ejus attornaverunt Patricium filium Thome versus Robertum de Essel' tenentem, de duabus partibus feodi unius militis cum pertinentiis in Stradeset'.
Stephanus de Poketorp' attornavit Willelmum Surreis. [Unfinished and cancelled.]

Cantebrigia.—Walterus de Ely attornavit Robertum de Sancto Edmundo versus Ricardum Sharp' deforciantem de consuetudinibus et serviciis que predictus Willelmus exigit a predicto Ricardo de libero tenemento suo quod de eo tenet in Bodkesham.

Warewic'.—Robertus Hasteng attornavit Ricardum de Wulurinton' contra Willelmum de Herdwic' de consuetudinibus et serviciis que ab eo exiguntur de tenementis in Herdwic'.

Norht'.—Willelmus de Ferar' attornavit Johannem de London' et Robertum de Forho versus Ricardum filium Roberti, Johannem Pincernam, Robertum Molendinarium, Robertum Illing', Robertum Strod, Ricardum Wulfric et Robertum filium Anselmi de consuetudinibus et serviciis de tenemento in Pery.
Mandatum est Willelmo de Eboraco et sociis suis itinerantibus in comitatu Kancie quod assisam de morte antecessoris quam Petrus filius Roberti aramiavit versus Adam filium. Willelmi de xx. parte feodi j. militis et xx. solidatis redditus cum pertinentiis in Oteringebir' capiant apud Grenewic' ad diem quem viderint expedire in recessu suo de itinere suo Kancie, et diem partibus prefigant.

Noting'.—Frater Robertus, magister Milicie Templi in Anglia, attornavit Willelmum Balishal' versus Henricum filium Stephani deforciantem de consuetudinibus et serviciis de tenemento in Stok'.
Alvredus de Suleny attornavit Symonem de Ranby versus Thomam Pincebec de consuetudinibus et serviciis que abbas de Burgo ab eo exigit de tenemento in Undel'.