Close Rolls, September 1253

Close Rolls, September 1253

De quercubus datis.—Mandatum est Godefrido de Lyston', custodi foreste de Windes', quod in eadem foresta faciat habere vicario de Sunnebur' duas quercus ad maeremium, de dono regis, ad domos suas de Sunnebur' reparandas, cum libero cheminagio earundem. Testibus A. regina et R. comite Cornubie apud Keniton' ij. die Septembris. Per reginam.

De prestito faciendo.—Mandatum est ballivis de Geudef' quod prestitum faciant operariis regis de Geudef' de tot denariis quot recipere debent per quatuor dies pro stipendiis suis, et rex id eis reddi faciet. Testibus ut supra.

De damis datis.—Mandatum est custodi foreste de Seleuuode quod in eadem foresta faciat habere Roberto de Muscegros quinque damos, de dono regis. Testibus A. regina et R. comite Cornubie apud Mortelak' iiij. die Septembris. Per reginam.

De ponendo per ballium.—Willelmus filius Roberti Marchegray et Willelmus filius Johannis de Wamberge, capti et detenti in prisona regis de Farendon' pro morte Petri filii Alexandri, unde rettati sunt, habent litteras vicecomiti Berk' quod ponantur per ballium. Testibus A. regina et R. comite Cornubie apud Westmonasterium vj. die Septembris.

De quodam prisone recipiendo.—Mandatum est ballivis de Sandwyco quod Guillotum de Ostrie, prisonem, liberent vicecomiti Kanc', cui rex mandavit quod ipsum ab eis recipiat. Testibus A regina et R. comite Cornubie apud Westmonasterium ix. die Septembris.

Pro Amauro Pecch'.—Mandatum est vicecomiti Essex' quod, capta securitate per plegios sufficientes ab Amauro Pecch' de auxilio regi reddendo ad scaccarium regis in festo Sancti Michaelis ad primogenitum filium regis militem faciendum, districcionem quam eidem Amauro facit occasione predicta interim penitus relaxet. Testibus ut supra.

De vaccis regis custodiendis.—Mandatum est custodi parci de Havering' quod lxv. vaccas, (fn. 1) quos (sic) Reginaldus le Rus, serviens regis, ei liberabit, recipiat ad eundum in predicto parco ad incrassandum et, cum incrassati fuerint, eos liberet vicissim emptoribus regine, cum eos petierint. Testibus ut supra.

Pro Hugone de Bobi et sociis suis.—Mandatum est vicecomiti Hunted' quod, accepta securitate per plegios sufficientes ab Hugone de Boby, Johanne de Lungevill', Roberto de Lungevill', Galfrido de Wadenho, quos tenet in prisona pro redisseisina, quod personaliter venient coram consilio regis in quindena Sancti Michaelis ad finem faciendum pro transgressione predicta, ipsos a prisona deliberet. Testibus ut supra. (fn. 2)

De damis datis.—Mandatum est custodi foreste de Alsiesholt quod in eadem foresta faciat habere Willelmo de Wilton' duos damos de dono regis. Testibus ut supra. Per reginam.

Pro vicecomite Salop' et Stafford'.—Quia vicecomes Salop' et Staff' intendit per preceptum regis attachiamentis quorumdam de balliva sua, qui nuper restiterunt Willelmo Trussell', non permittentes ipsum mandatum regis exequi in comitatu Salop', ad quod exequendum rex ipsum ad partes illas misit ad pacis regis conservacionem, ita quod idem vicecomes compoto suo reddendo in quindena Sancti Michaelis coram baronibus de scaccario interesse non potest; mandatum est baronibus de Scaccario quod Philippum de Prees, clericum suum, pro quo idem vicecomes respondebit, ad predictum compotum reddendum loco suo hac vice recipiant. Testibus A. regina et R. comite Cornubie apud Westmonasterium xj. die Septembris.

De damis capiendis in foresta et parco de Havering'.—Mandatum est Ricardo de Munfichet, custodi foreste Essex', quod in predicta foresta et in parco regis de Havering' capiat omnes damos quos poterit fugabiles sine destruccione foreste predicte et parci predicti, et eos bene saliri et cariari faciat usque Westmonasterium, retentis tribus vel quatuor damis vivis et fugabilibus ad opus Eduuardi filii regis, si forte citra instans festum Sancti Michaelis ad partes illas venerint (sic) causa venandi et deduccionis habende: et custum rex ei reddi faciet. Testibus ut supra.

De quodam falsario sigilli regis cariando.—Mandatum est vicecomiti Linc' quod Ricardum Gos, captum et detentum in prisona Linc' pro quodam brevi sigillo adulterino signato, unde rettatus est, sub salva custodia venire faciat cum falsitate illa usque Lond', liberandum ibidem custodi gaiole de Newegate, cui rex mandavit quod ipsum recipiat et salvo custodiat donec rex aliud inde preceperit. Testibus A. regina et R., comite Cornubie apud Westmonasterium xij. die Septembris.
Postea habuit inde breve de Computabitur de eadem data.

Pro Johanne de Elyton'.—Mandatum est vicecomiti Surr' quod si Johannes de Elinton', quem pro quibusdam transgressionibus rex nuper capi precepit, inveniat ei salvos plegios de veniendo coram consilio regis a die Sancti Michaelis in quindecim dies apud Westmonasterium ad respondendum regi de transgressionibus que ei imponuntur, tunc ipsum non capiat donec rex aliud inde preceperit. Testibus ut supra.
Et mandatum est vicecomiti Hunted' quod terras et catalla ipsius Johannis, que pro quibusdam transgressionibus ei impositis rex capi fecit in manum suam, ei replegiari faciat, donec rex aliud inde preceperit. Testibus ut supra.

De bobus missis ad incrassandum.—Rex mittit Godefrido de Lyston' xxviij. boves ad eundum in parco de Windes' ad incrassandum: et mandatum est eidem Godefrido quod illos recipiat et in predicto parco salvo custodiat, et cum incrassati fuerint eos liberent (sic) emptoribus regine, prout eos petierint. Testibus ut supra.
Eodem modo rex mittit usque parcum de Geudef' xxiiij. boves, et mandatum est custodi predicti parci quod provideat quod boves illi eant tam in cuningera regis quam alibi in predicto parco, ubi melius pasci poterunt et incrassari. Testibus A. regina et R. comite Cornubie apud Westmonasterium xv. die Septembris.

De prisonibus recipiendis.—Mandatum est custodi gaiole de Newegate quod Willelmum de Malmesbur' et Agnetem de Bureford' uxorem ejus, quos ballivi B. Cantuariensis archiepiscopi de Herhes ei liberabunt, recipiat et in prisona regis salvo custodiat donec rex aliud inde preceperit. Testibus ut supra.

Pro abbate de Pippewelle.—Mandatum est vicecomiti Norhamt' quod, accepta securitate ab abbate de Pipwell' quod acquietabit se in crastino Sancti Michaelis super Scaccarium de demanda quam ei facit per summonicionem ejusdem Scaccarii pro auro regine, districcionem, quam facit pro auro illo, interim relaxet. Testibus A. regina et R. comite Cornubie apud Westmonasterium xvij. die Septembris. Per reginam.

De ponendo per ballium.—Willelmus Brun et Robertus filius ejus, capti et detenti in prisona regis Norhamt' pro morte Willelmi le Viniter, unde rettati sunt, habent litteras vicecomiti Norhamt' quod ponantur per ballium. Testibus ut supra.
Adam Theuet captus et detentus in prisona regis Karl' pro morte Roberti filii sui, unde rettatus est, habet litteras vicecomiti Cumberland' quod ponatur per ballium. Testibus ut supra.
Bricius Buchel et Thomas filius ejus et Willelmus le Lung, capti et detenti in prisona regis de Alencestr' pro morte Rogeri le Clerc', unde rettati sunt, habent litteras vicecomiti Warr' quod ponantur per ballium. Testibus A. regina et R. comite Cornubie apud Westmonasterium xix. die Septembris.

De roboribus ad operaciones de Havering'.—Mandatum est Ricardo de Munfichet, custodi parci de Havering', quod in eodem parco faciat habere custodibus operacionum regis de Havering' decem robora folia non portancia ad maeremium ad operaciones capelle regine ibidem, ubi ad minus dampnum ejusdem parci capi poterunt. Testibus A. regina et R. comite Cornubie apud Westmonasterium xx. die Septembris.

Pro Griffino homine B. Cantuariensis archiepiscopi.—Mandatum est Ernaldo de Bosco quod Giffardum, hominem B. Cantuariensis archiepiscopi, detentum in prisona castri Glouc' pro transgressione venacionis, replegiari faciat usque ad quindenam Sancti Michaelis, ita quod tunc sit coram consilio regis ad standum inde recto. Testibus ut supra. (fn. 3)

Pro executoribus Roberti de Swareby.—Mandatum est Johanni filio Hugonis, escaetori regis de Kestevene in comitatu Linc', quod, accepta securitate ab executoribus testamenti Roberti de Swareby de debitis regi reddendis si in aliquibus regi teneatur, de omnibus bonis que fuerunt ipsius defuncti eisdem executoribus liberam administracionem habere faciat. Testibus ut supra.

Pro visore constituto.—Rex constituit Augustinum le Mercer de Lond' visorem operacionum regis Turris Lond' loco Roberti de Basing' defuncti, quondam visoris earundem operacionum: et mandatum est constabulario Turris predicte quod prestito sacramento etc. ipsum ad hoc admittat. Testibus A. regina et R. comite Cornubie apud Westmonasterium xxv. die Septembris.

Pro executoribus Willelmi de Bavent.—Mandatum est escaetori regis in Lindes' in comitatu Linc' quod, accepta securitate ab executoribus Willelmi de Bavent de debitis regi reddendis si in aliquibus regi tenebatur, de omnibus bonis que fuerunt ejusdem Willelmi eisdem executoribus liberam administracionem habere faciat. Testibus A. regina et R. comite Cornubie apud Westmonasterium xxvij. die Septembris.

De ponendo per ballium.—Johannes le Moynne, captus et detentus in prisona regis Roff' pro morte Ricardi Kidenot, unde apellatus est, habet litteras vicecomiti Kanc' quod ponatur per ballium. Testibus ut supra.

Pro tenentibus de abbacia de Rames'.—Rex Eudoni de Shelfangr', custodi abbacie de Rames', salutem. Quia nondum certi sumus utrum milites et libere tenentes de predicta abbacia temporibus aliarum vacacionum, quibus extitit in manu nostra, talliari consueverunt necne: vobis mandamus quod demandam tallagii super milites et libere tenentes predictos in hac vacacione predicte abbacie per vos assessi ponatis in respectum, donec per barones nostros de Scaccario certiorati fuerimus super tallagio predicto, et a nobis inde aliud habueritis mandatum. Et cum magnates nostri Anglie nobis concesserint de singulis feodis militum que de nobis tenentur in capite xl. solidos de auxilio ad primogenitum filium nostrum militem faciendum, vobis mandamus quod de singulis feodis militum, que de predicta abbacia tenentur in capite, levari facias auxilium predictum sicut predictum est, ita quod auxilium illud habeamus ante creacionem abbatis futuri, quod quidem ad nos pertinet racione predicte abbacie vacantis et in manu nostra existentis. Testibus ut supra. Per Henricum de Bathon'.

[m. 1.]

Pro justiciario Hybernie.—Mandatum est Ernaldo de Bosco, justiciario foreste citra Trentam, quod, nisi Johannes filius Galfridi, justiciarius Hybernie, habuerit in foresta de Bernewude xij. quercus ad maeremium, quas rex ei nuper dedit in eadem foresta, eidem Johanni xij. quercus ad maeremium in foresta de Chippenham pro predictis xij. quercubus habere faciat de dono regis. Testibus A. regina et R. comite Cornubie apud Westmonasterium xxix. die Septembris.

De ponendo per ballium.—Gilbertus le Bedel de Kinthon' et Johannes frater ejus, capti et detenti in prisona regis Warr' pro morte Thome Biddoc, unde rettati sunt, habent litteras vicecomiti Warr' quod ponantur per ballium. Testibus ut supra.

Pro David filio Griffini.—David filius Griffini, frater Lewelini filii Griffini, venit coram consilio regis commoranti in Anglia et fecit regi fidelitatem de porcione ipsum contingente de terris que fuerunt predicti Griffini patris sui et David filii Lewelini avunculi sui in Wallia. Et mandatum est predicto Lewelino quod eidem David de predictis terris racionabilem partem suam secundum consuetudinem Wallie sine dilacione habere faciat. Testibus ut supra.
Postea mandatum fuit eidem Lewelino sicut alias quod istud mandatum exequatur.
Idem mandatum est Oweno filio Griffini. Testibus ut supra.
Et Alano la Zuche, justiciario Cestrie, hoc addito:—quod ipsum David in jure suo manuteneat, protegat et defendat sine perturbacione terre regis Wallie. Testibus ut supra.