Close Rolls, April 1256

Calendar of Close Rolls, Henry III: Volume 9, 1254-1256. Originally published by His Majesty's Stationery Office, London, 1931.

This premium content was digitised by double rekeying. All rights reserved.

'Close Rolls, April 1256', in Calendar of Close Rolls, Henry III: Volume 9, 1254-1256, (London, 1931) pp. 409-412. British History Online https://www.british-history.ac.uk/cal-close-rolls/hen3/vol9/pp409-412 [accessed 25 March 2024]

Image
Image
Image
Image

Close Rolls, April 1256

[m. 12d.]

De providencia contra festum Pasche.—Mandatum est vicecomiti Kanc' quod cum festinacione provideat regi de m. gallinis contra instans festum Pasche et eas venire faciat usque Westmonasterium, ita quod sint ibi in vigilia illius festi hora nona ad tardius, liberande custodi pulletarie regis; et cum rex sciverit custum quod ad hoc posuerit, illud faciet ei allocari. Teste rege apud Westmonasterium, x. die Aprilis.
Eodem modo mandatum est ballivo regis de Kingeston' de d. gallinis;
vicecomiti Essex' de d. gallinis;
ballivo regis de Suwerk' de ccc. gallinis;
vicecomiti Surr' de quingentis gallinis;
vicecomiti Middlesex' de mille gallinis. Teste ut supra.

De terra replegienda.—Robertus Elye venit coram rege die Sabbati in septimana Pasche et petiit terram Jordani de Stirton' in Ilkeleshal' sibi replegiari, que capta est etc. propter defaltam etc. versus Ceciliam que fuit uxor Johannis Hothed'. Et mandatum est justiciariis de banco.
Willelmus Eylmar venit coram rege die Sabati proxima ante diem Palmarum et petiit ex parte Warini Hake unum mesuagium et unam acram terre in Lamport sibi replegiari, que capta etc. propter defaltam etc. in comitatu Sussex' versus Johannem de la Ware. Et hoc mandatum est vicecomiti Sussex'. Teste.
Walterus filius Rogeri venit coram rege in crastino Dominice Palmarum et petiit terram Radulfi de Ludinton' sibi replegiari, que capta etc. propter defaltam etc. versus Willelmum Maudut et Aliciam uxorem ejus. Et mandatum est justiciariis de banco.
Hugo filius Gilberti de Soterton' venit coram rege in vigilia Pasche et petiit etc. terram suam in Soterton' sibi replegiari, que capta etc. propter defaltam etc. versus Johannem filium Gilberti. Et hoc mandatum est justiciariis de banco.
Walterus de Doninton' venit etc. die predicto et petiit, ex parte Galfridi de Wivelesford',terciam partem trium soparum in Novis Sarr' sibi replegiari, que capta etc. propter defaltam etc. coram justiciariis apud Westmonasterium versus Julianam que fuit uxor Martini Sculle, ut dicitur. Et hoc mandatum est justiciariis proximo itineraturis in comitatu Wiltes'. Teste rege apud Westmonasterium xiiij. die Aprilis.
Willelmus de Cattewurth' venit coram rege die Lune in septimana Pasche et petiit terram suam in Cammestrate sibi replegiari, que capta etc. propter defaltam etc. versus Aliciam Ryveling'. Et mandatum est justiciariis de banco.
Nicholaus Pyncun venit coram rege die predicto et petiit terram Ade de Napton' et Isolde, uxoris ejus, in Hodenhulle eis replegiari, que capta etc. propter defaltam etc. versus Willelmum Maudut et Aliciam uxorem ejus. Et mandatum est eisdem justiciariis.

Walterus le Ceu de Colingburn' venit coram rege die Martis in septimana Pasche et petiit terram suam in Colingburn' Comitis sibi replegiari, que capta etc. propter defaltam etc. coram justiciariis de banco versus Rogerum Trenchefoyl et Johannam, uxorem ejus. Et hoc significatum est justiciariis proximo itineraturis in comitatu Wiltes'.
Johannes filius Johannis de Gatesden' venit coram rege die Jovis in septimana Pasche et petiit terram suam in Kirkeby Bydun sibi replegiari que capta etc. propter etc. versus Henricum filium Radulfi et alios. Et hoc mandatum est justiciariis de banco.
Thomas Basset venit coram rege eodem die et petiit terram suam in Hamslap' sibi replegiari, que capta etc. propter defaltam etc. versus Robertum filium Ricardi. Et hoc mandatum est justiciariis de banco. Teste.
Willelmus de Shorham venit coram rege die Jovis in septimana Pasche et petiit terram Michaelis de Mose in Ardleg' sibi replegiari que capta etc. propter defaltum quem fecit versus Mabillam que fuit uxor Sewalli de Mos'. Et mandatum est justiciariis de banco.
Rogerus filius Ricardi venit coram rege die Veneris in septimana Pasche et petiit terram Alani filii Levine in Metingham eidem Alano replegiari que capta etc. propter defaltem etc. versus Ceciliam que fuit uxor Johannis Hothed'.
Hugo filius Walteri venit coram rege die Sabbati in septimana Pasche et petiit terram prioris de Buttele in Ilketeshal', terram Hugonis de Stowik' in Bungeye, et terram Godwini Drabel in Hilketesham, et terram Hugonis Passelewe in eadem villa, et terram Eustachii Goddulf' in eadem villa, et terram Hugonis Huffat in eadem villa, eis replegiari, que capte etc. propter defaltam etc. versus Ceciliam Hothede, ut dicitur. Et mandatum est justiciariis de banco.
Ricardus Scot venit coram rege die Mercurii proximo post clausum Pascha et petiit terram suam in Melcheburn' sibi replegiari, que capta etc. propter defaltam versus Julianam de North'. Et hoc demandatum est justiciariis de banco. Teste.

Memorandum quod Hugo de Botyun recognovit coram rege se debere Radulfo Hardel, majori London', sex libras, de quibus solvet ei unam medietatem ad festum Sancti Michaelis anno etc. xl°., et aliam medietatem ad Pascha proximo sequens, et, si in solucione ista cessaverit, obligavit se distringi per terras et catalla sua quousque de pecunia predicta eidem Radulfo fuerit plene satisfactum. Teste rege apud Westmonasterium xxij. die Aprilis.

De habentibus quietanciam communis summonicionis coram justiciariis ad communia placita in comitatu Norf';
Johannes le Estraunge. (Cancelled) quia inferius.
De habentibus quietanciam communis summonicionis coram eisdem justiciariis in comitatu Suff':
Abbas de Berneyo in Normannia. (Cancelled) quia inferius.

Hibernia.—Rex Ricardo de la Rokele, senescallo Eduuardi filii sui in Hibernia, et Walerando de Wellesleg', salutem. Quia ex querela dilecti et fidelis nostri Philippi de Barry intelleximus quod in loquela, que fuit coram vobis per breve nostrum in itinere vestro in Hibernia inter burgenses de Cork' et predictum Philippum de mercato et feria de Inshonan minus juste processum est ad judicium, vobis mandamus quod, convocatis coram vobis partibus, sine dilacione in presencia corum recordari faciatis loquelam predictam quatenus coram vobis deducta est. Et recordum illud in scriptis distincte et aperte redactum, una cum toto processu ejusdem loquele nobis in Angliam sub sigillis vestris mittatis, ita quod ea habeamus in octabis Sancti Michaelis proximo futuris sine ulteriore dilacione, ut, viso super hoc a nobis et aliis sapientibus et dicretis viris de consilio nostro quod justum fuerit, vobis consilium nostrum in hac parte plenius rescribamus. Et mittatis ibi hoc breve. Teste rege apud Westmonasterium xx. die Aprilis. Et pro hoc brevi dat regi predictus Philippus unam marcam auri, et Robertus Walerand' est inde plegius ejus.

Pro Rogero de Whicestr' et sociis suis.—Memorandum quod rex de consilio suo providit et concessit Rogero de Whicestr', Willelmo de Englefeld', et Willelmo de Cobham, quod unusquisque eorum, quamdiu fuerint in itinere justiciariorum, percipiat singulis annis xla. marcas ad duos terminos, videlicet, ad scaccarium regis Pasche xxti. marcas, et ad scaccarium Sancti Michaelis xxti. marcas, ad se sustentandum in officio predicto. Teste rege apud Westmonasterium xxj. die Aprilis.

Pro Willelmo le Bretun et sociis suis.—Eodem modo provisum est et concessum Willelmo le Bretun de xla. marcis, Simoni de Trop', Galfridi de Leukenor', et Nicholao de Rummes', videlicet, cuilibet eorum xxx. marcis per annum quamdiu fuerint in itinere ad placita foreste.

De atornatis.—Ricardus de Moscegros atornavit loco suo Ricardum de Toulesland et Nicholaum de Morton' vel alterum eorum si ambo etc. ad lucrandum etc. in loquela que est coram rege inter ipsum Ricardum et Walterum personam ecclesie de Hertfeld' et alios de placito transgressionis. Teste rege apud Merton' xxv. die Aprilis.

Pro abbate Rames'.Pone.—Rex vicecomiti Cantebr', salutem. Pone coram justiciariis nostris apud Westmonasterium in octabis Sancte Trinitatis loquelam que est in comitatu tuo per breve nostrum inter Matillidem que fuit uxor Johannis de Harpesfeld' et abbatem Rames' de averiis ipsius Matillidis captis et injuste detentis, ut dicitur. Et dic prefate Matillidi quod tunc sit ibi loquelam suam versus predictum abbatem prosequtura, si voluerit. Et habeas ibi hoc breve et aliud breve. Teste me ipso apud Merton' xxvj. die Aprilis, anno etc. xl°. Quia predictus abbas cepit averia predicta pro quibusdam serviciis et consuetudinibus a predicta Matillide ei debitis, ut dicitur. Per Henricum de Bathonia testificatum et approbatum.

Memorandum quod die Mercurii proxima post clausum Pascha recessit Johannes Maunsel prepositus Beverl' a London' versus partes Francie et tulit secum quasdam litteras sigillo regis signatas, quarum inrotulacio remansit penes Rogerum de Messenden' in secretis.

De terra replegianda.—Patricius de Warbling' venit coram rege die Sabati in septimana Pasche et petiit ex parte Thome le Myre et Juliane, uxoris ejus, duas partes unius mesuagii et ix. acrarum terre in Drayton' eis replegiari, quas rex clamat versus eos per breve regis, et que capte fuerunt etc. propter defaltam etc. coram rege.
Johannes de Horstal venit coram rege die Sabati proxima post clausum Pascha et petiit terram suam in Tenham sibi replegiari que capta etc. propter defaltam etc. versus Thomam filium Thurstan. Et hoc demandatum est justiciariis itinerantibus in comitatu Wiltes'.
Ricardus Franceys venit coram rege die predicto et petiit terram Radulfi le Botyller in Lodynton' ei replegiari, que capta etc. propter defaltam etc. versus Willelmum Maudut et Aliciam uxorem ejus. Et hoc demandatum est justiciariis de banco.