1221, membranes 6, 5

1221, membranes 6, 5

6 HENRY III.

ROTULUS PATENCIUM DE ANNO DOMINI H. REGIS SEXTO.

1221. [m. 6.]

De castro de Knareburg. Rex omnibus ad quos presentes littere pervenerint, salutem. Sciatis quod per consilium fidelium nostrorum concessimus dilecto et fideli nostro Briano de Insula castrum nostrum de Cnareburg, cum villa de Cnareburg et omnibus pertinenciis suis, et Pontem Burgi cum omnibus pertinenciis suis, custodienda quamdiu nobis placuerit, reddendo inde per annum antiquam firmam l librarum ad scaccarium nostrum. Et in hujus rei testimonium, has litteras nostras patentes ei inde fieri fecimus. Teste H. etc. apud Westmonasterium, primo die Novembris, anno regni nostri vj.

Pictavia. Rex majori et probis hominibus Coinac, salutem. Satis audistis, ut credimus, qualiter H. comes Marchie, a quo sperabamus auxilium et consilium magnum promeruisse ratione affinitatis qua nobis est conjunctus per dominam reginam matrem nostram quam sibi matrimonio copulavit, nos et nostros maliciose persequitur, terras nostras devastando, castroque nostro de Merpin obsidionem inferendo. Qui licet parati fuerimus de hiis que inter ipsum et nos contentiose agitur (sic), omnem justiciam exhibere sicut ei sepius mandavimus, nichilominus nos infestare non cessat, dampna que potest nobis undique inferendo. Mandamus igitur vobis quatinus in fide qua nobis tenemini in nullo decetero sitis ipsi comiti intendentes vel respondentes, set respondeatis deinceps et intendatis senescallo nostro Pictavie agendis nostris fideliter intendentes, ut inde grates vobis scire debeamus. Teste H. etc. apud Westmonasterium, primo die Novembris, anno regni nostri vj.

Eodem modo scribitur:

Majori et probis hominibus Xanctonie.

Majori et probis hominibus Engolisme.

Majori et probis hominibus de Olerun.

De protectione. Godefridus de Craucumb habet litteras de protectione patentes usque ad Pascha anno regni etc. vj. Teste ut supra, anno eodem.

Hybernia. Rex venerabili patri in Christo H. Dublinensi archiepiscopo, salutem. Venerunt ad nos in Angliam, missi ex parte G. de Marisco, Rogerus Huscarl et David Basset, qui ex parte ipsius G. et nomine suo, presentibus domino S. Cantuariensi archiepiscopo, J. penitenciario domini pape, R. Dunolmensi episcopo et cancellario nostro, S. Exoniensi, R. Sarresburiensi, et W. Wigorniensi episcopis, H. de Burgo, justiciario nostro, R. comite Cestrie et Lincolnie, W. comite Sarresburie, comite W. Marescallo, G. comite Gloucestrie, W. comite de Ferrariis, W. Briwer, Falkesio de Breaute, Briano de Insula, Ricardo de Ripariis, et Stephano de Segrave, reddiderunt nobis apud Westmonasterium die Lune proxima ante festum apostolorum Simonis et Jude, anno regni nostri v, castra nostra Hybernie subscripta, videlicet, de Dublin, de Limeric, de Roscre, de Clunmakenoys, de Athlon, de Ponte de Drogheda, de Rath, de Kerlingeford, de Dunduuenal, de Balimithgan, de Cracfergus, et de Aumtrum. Nos autem mittimus ad predictum G. dilectos et fideles nostros Godefridum de Craucumb et R. de Norwico, per quos ei significamus quod castra predicta cum pertinenciis vobis tradat. Vobis igitur mandamus rogantes quatinus castra predicta a predicto G. de Marisco loco nostro recipiatis, et ea salvo custodiri faciatis, talibus ea committentes custodienda, de quibus plenam certitudinem habeatis quod ea bene et fideliter, ad fidem, comodum et honorem nostrum custodient. Teste H. etc, apud Westmonasterium, iij die Novembris, anno etc. vj.

De terra et castellis Hybernie domino regi redditis. Rex omnibus baillivis et fidelibus suis, salutem. Sciatis quod dilectus et fidelis noster G. de Marisco, quondam justiciarius noster Hybernie, ad mandatum nostrum quod ei fecimus per dilectos et fideles nostros Johannem Marescallum, Thomam filium Ade, et Johannem de Sancto Johanne, et per litteras nostras patentes ei directas, reddidit nobis in manus venerabilis patris H. Dublinensis archiepiscopi, die Lune proxima post festum Sancti Michaelis, anno etc. v, totam terram nostram Hybernie, que fuit in manu sua, et justiciariam ejusdem terre. Set, quia castella reddi non solent per nuncios vel per litteras, misit ad nos in Angliam idem Galfridus fideles suos Rogerum Huscarl et David Basset, qui ex parte et nomine ipsius, apud Westmonasterium die Lune proxima ante festum apostolorum Simonis et Jude, anno regni nostri eodem, coram S. Cantuariensi archiepiscopo, J. penitenciario domini pape, R. Dunolmensi cancellario nostro, S. Exoniensi, R. Sarresburiensi, W. Wigorniensi, episcopis, H. de Burgo justiciario nostro, R. comite Cestrie et Lincolnie, W. comite Sarresburie, W. comite Marescallo, G. comite Gloucestrie, W. comite de Ferrariis, W. Briwer, Falkesio de Breaute, Briano de Insula, Ricardo de Ripariis, et Stephano de Segrave, reddiderunt castra nostra Hybernie subscripta, videlicet, de Dublin, de Limeric, de Roscre, de Clunmakenois, de Athlon, de Ponte de Drogheda, de Rath, de Kerlingeford, de Dunduuenal, de Balimithgan, de Cracfergus, et de Antrum. Et nos, pro fideli servicio ipsius Galfridi domino J. regi patri nostro et nobis exhibito, ipsum quietum clamavimus de mille et octoginta marcis quas nobis debuit de fine quem nobiscum fecit cum ultimo ad nos fuisset in Anglia. Et preterea ipsum quietum clamavimus de omni computatione et questione ac questu justiciarie sue ad nos pertinente, a tempore susceptionis ejusdem justiciarie usque ad diem Lune proximam post festum Sancti Michaelis anno regni nostri predicto. Ita quod nec nos nec alius nomine nostro eidem G. aut heredibus aut baillivis suis questionem movere poterimus de predictis mille et octoginta marcis, seu de computatione aut questione aut questu aut aliqua re vel occasione baillie sue predicte ad nos pertinente, usque ad predictam diem. In cujus rei testimonium has litteras nostras patentes ei fieri fecimus, presentibus magnatibus nostris predictis. Teste H. etc., apud Westmonasterium, xxviij die Octobris, anno etc. vj.

Hybernia. Rex G. de Marisco, salutem. Venerunt ad nos in Angliam missi ex parte vestra R. Huscarl et David Basset, qui ex parte vestra et nomine vestro, presentibus domino S. Cantuariensi et aliis ut in proximo brevi, reddiderunt nobis apud Westmonasterium die Lune proxima ante festum apostolorum Simonis et Jude, anno regni nostri v, castra nostra Hybernie subscripta, videlicet, ut in eodem proximo brevi. Nos autem mittimus G. de Craucumb et R. de Norwico ad vos, per quos vobis significamus quod castra nostra predicta cum pertinenciis tradatis H. Dublinensi archiepiscopo, justiciario nostro. Et in hujus rei testimonium has litteras nostras patentes vobis mittimus. Teste H. etc., ut supra, anno etc. vj.

Protectio. Radulfus de Norwico habet litteras de protectione usque ad etatem domini regis. Teste ut supra.

De permissione officii lutrarie. Rex omnibus baillivis et fidelibus suis, salutem. Sciatis quod Radulfus Lutrarius et Radulfus de Glastonia lutrarii nostri sunt. Et ideo vobis mandamus, firmiter precipientes, quod eos libere et sine inpendimento officium suum facere permittatis ubi poterunt et eis expediens fuerit. Nec eis super retibus, lanceis, vel aliis ad officium eorum spectantibus, faciatis vel fieri permittatis malum aliquod vel inpedimentum. In cujus rei testimonium etc. Durent autem littere iste usque ad etatem nostram. Teste ut supra, anno etc. vj.

De concessione et confirmatione conventionis facte inter episcopum Wintoniensem et W. de Bello Campo. Rex omnibus etc. Sciatis nos ad petitionem dilecti et fidelis nostri Willelmi de Bello Campo concessisse et confirmasse conventionem factam inter venerabilem patrem nostrum P. Wintoniensem episcopum et predictum Willelmum de Bello Campo de custodia terre Roberti de Albiniaco cum pertinenciis, et de ipso Roberto filio predicti Willelmi maritando, salvis predicto episcopo wardis, excaetis, et maritagiis, que vacaverunt a tempore quo predicta terra fuit in custodia sua usque ad diem Mercurii proxima post festum Omnium Sanctorum, anno regni nostri sexto, pro qua custodia, simul cum predicto maritagio, idem Willelmus dabit predicto episcopo quingentas marcas, de quibus eidem episcopo, vel certo nuncio suo litteras suas patentes deferenti, persolvere debet trescentas marcas in octabis Pasche, anno regni nostri predicto vj, in domo Novi Templi Londonie. Ita quod, si illas trescentas marcas ad terminum predictum non solverit, sicut predictum est, in crastino predictarum octabarum, eidem episcopo tenebitur ad solutionem sexcentarum marcarum reddendarum prefato episcopo, vel certo nuncio suo literas suas patentes deferenti, in predicta domo Novi Templi Londonie, ad festum Pentecostes proximo sequens, anno eodem. De ducentis vero marcis residuis imfra duos annos proximo sequentes post predictas octabas eidem episcopo reddendis, ei viros religiosos fidejussores inveniet idoneos de quibus securus erit et contentus, secundum scripta inter ipsum episcopum et prefatum Willelmum confecta. Prefatus Willelmus de Bello Campo hanc conventionem fideliter tenendam, totam terram suam nobis obligavit; ita quod si ab hac conventione resilierit in aliquo, dictam totam terram suam in manum nostram capiemus et tenebimus, quousque memorato episcopo de eadem conventione fuerit sufficienter satisfactum. Et in hujus etc. eidem episcopo fieri fecimus. Teste H. de Burgo, justiciario nostro, apud Westmonasterium, v die Novemberis, anno regni nostri sexto.

De presentatione ecclesie Sancti Johannis Baptiste de Icelcestre. Henricus de Hatche habet literas domini regis patentes de presentatione ad ecclesiam Sancti Johannis Baptiste de Ivecestre, vacantem et ad donationem domini regis spectantem ratione dotis domine regine, matris domini regis, in manu sua existentis occasione contentionis mote inter dominum regem et comitem Marchie, virum ipsius regine, de dote ipsius regine in Anglia. Et diriguntur litere domino J. Bathoniensi episcopo. Teste H. de Burgo, justiciario, apud Westmonasterium, iiij die Novembris, anno regni domini regis sexto.

De protectione. G. de Marisco habet litteras de protectione patentes directas omnibus etc. usque ad etatem domini regis. Teste H. etc., apud Westmonasterium, v die Novembris, anno etc. vj. Per eundem.

De protectione pro ecclesia Beati Johannis de Beverlaco. Rex omnibus presentes litteras inspecturis, salutem. Sciatis nos suscepisse in custodiam et protectionem nostram ecclesiam Beati Johannis Beverlaci, et predicatores ejusdem ecclesie; unde vobis mandamus quod eosdem predicatores, cum ad vos venerint, benigne admittatis, et precipimus quod nullam eis faciatis vel fieri permittatis injuriam, molestiam vel gravamen. Rogamus etiam quatinus, intuitu Dei et nostri, eis ad edificationem dicte ecclesie de bonis a Deo vobis collatis liberaliter conferre velitis. In cujus rei testimonium etc. Durent autem littere iste usque ad etatem domini regis. Teste H. etc. apud Westmonasterium, vj die Novembris, anno etc. vj.

De protectione. Adam de Yeland habet litteras de protectione patentes usque ad etatem domini regis. Teste H. etc, apud Westmonasterium, vij die Novembris, anno etc. vj.

De petitione auxilii. Episcopus Wintoniensis habet litteras domini regis de petitione directas omnibus militibus et libere tenentibus Wintoniensis ecclesie ut ei velint subvenire ad iter suum versus terram sanctam faciendum. Teste H. etc. apud Westmonasterium, viij die Novembris, anno etc. vj. Per eundem.

De castris de Heingeham et de Caneveles. Rex Stephano de Segrave, salutem. Sciatis quod concessimus Ysabelle de Bolebec, que fuit uxor R. de Ver quondam comitis Oxonie, custodiam terre et heredis ipsius Roberti et filii ipsius Ysabelle usque ad etatem ipsius heredis, per finem quem ipsa nobiscum fecit. Et ideo vobis mandamus quod de castris de Heingeham et de Caneveles cum pertinenciis suis et omnibus terris que fuerunt ipsius comitis, et que sunt in custodia vestra, ei sine dilatione plenam saisinam habere faciat. Teste ut supra, anno etc. vj.

De permissione bladi episcopi Wintoniensis carcandi et cariandi quo voluerit. Rex omnibus baillivis et custodibus portuum Anglie, salutem. Mandamus vobis quod permittatis baillivos et servientes venerabilis patris P. Wintoniensis episcopi bladum ipsius episcopi cariare, carcare, et quo voluerint adducere, ita quod nullum eis faciatis vel fieri inde permittatis inpedimentum. In cujus rei testimonium etc. Teste H. etc. apud Westmonasterium, xij die Novembris, anno etc. vj. Per eundem. Durent littere iste usque ad festum Sancti Petri ad Vincula, anno eodem.

De manucaptione pro R. comite Cestrie et Lincolnie. Rex omnibus etc. Noveritis nos, ad instanciam et peticionem dilecti et fidelis nostri R. comitis Cestrie et Lincolnie, manucepisse pro eo erga venerabilem patrem nostrum P. Wintoniensem episcopum quod quadringentas libras quas idem comes ei reddere tenetur pro custodia et maritagio Roberti Marmiun, filii et heredis Roberti Marmiun, senioris, quem maritare debet idem comes uni de neptibus suis, reddet eidem episcopo dictus comes vel ejus assignato in domo Novi Templi Londonie, terminis subscriptis, videlicet, in festo Purificationis Beate Marie, anno regni nostri sexto, ducentas libras et a Pascha proximo sequenti in j mensem, anno eodem, alias ducentas libras, sicut idem comes per cartam suam testatur. Et in hujus rei testimonium has litteras etc. eidem episcopo fieri fecimus. Teste H. de Burgo, justiciario nostro, apud Westmonasterium, xiij die Novembris, anno regni nostri sexto.

De protectione. Leprosi hospitalis Sancti Leonardi de Cestrefeld habent litteras de protectione patentes usque ad etatem domini regis. Teste ut supra.

Rex fratri Simoni de Templo, salutem. Mandamus vobis quod mille marcas, quas recepistis de thes[aur]o nostro ad opus domine regine Berengarie, liberetis fratri Waltero monacho Cisterciensis ordinis et Martino, nunciis domine regine Berengarie, eidem deferendas. In cujus rei testimonium etc. Teste H. etc. apud Westmonasterium, xiij die Novembris.

[m. 5.]

De procuratoribus constituendis in curia Romana. Rex summo pontifici, salutem. Noveritis, pater sancte, nos constituisse procuratores nostros, fideles et dilectos clericos nostros, magistrum Thomam de Lichefeld et H. Londoniensis ecclesie cancellarium, latores presentium, ad impetrandum et contradicendum in omnibus negociis que contra nos fuerint proposita in curia Romana ; ratum habituri quicquid in presentia vestra super predictis fecerint. Durent autem littere iste usque ad festum Nativitatis beati Johannis Baptiste, anno regni nostri vj. Teste H. etc. apud Westmonasterium, xvj die Novembris, anno eodem.

De protectione. Henricus, Londoniensis ecclesie cancellarius, habet litteras de protectione patentes usque ad octabas Sancti Johannis Baptiste, anno etc. vj. Teste ut supra.

Prior Wigornie habet litteras domini regis de protectione patentes usque ad festum Nativitatis beati Johannis Baptiste anno regni domini regis vj. Teste H. etc. apud Westmonasterium, xx die Novembris, anno eodem.

De comitatibus Dorsete et Sumersete. Rex archiepiscopis, episcopis, abbatibus, comitibus, baronibus, militibus, libere tenentibus, et aliis de comitatibus Dorsete et Sumersete, salutem. Sciatis quod commisimus Rogero de la Forde comitatus nostros Dorsete et Sumersete custodiendos quamdiu nobis placuerit. Et ideo vobis mandamus quod eidem Rogero, tamquam vicecomiti nostro, in omnibus que ad vicecomitatum pertinent, sitis intendentes et respondentes. Teste ut supra, anno etc. vj.

De protectione. Custodes et predicatores pontis Gloucestrie habent litteras de protectione usque ad etatem domini regis. Teste ut supra.

De vadiatione terrarum crucesignatorum. Rex omnibus baillivis et fidelibus suis presentes litteras inspecturis, salutem. Sciatis nos concessisse dilecto et fideli nostro Roberto de Vallibus quod liceat ei terras suas, redditus, et omnes possessiones suas, ad firmam concedere per tres annos proximo sequentes, a tempore quo idem Robertus arripiet iter peregrinationis sue versus Jerosolimam, sicut constitutum et indultum fuit crucesignatis in consilio Lateranensi secundo. Quare volumus ut omnes firmarii predicti Roberti omnes terras, redditus, et possessiones suas libere teneant, quiete et pacifice, usque ad terminum predictum, quicquid contingat de predicto Roberto, sicut ipse eas teneret si in regno nostro moram faceret. Et in hujus rei testimonium, has litteras nostras eidem Roberto fieri fecimus patentes. Teste H. etc. apud Westmonasterium, xxij die Novembris, anno etc. sexto. Per eundem et consilium domini regis.

Eodem modo scribitur pro Thoma de Aln[eto] de terris suis de Panton et de Wycumb.

Eodem modo scribitur pro Roberto de Veteri Ponte de terris, redditibus, et omnibus possessionibus suis, a tempore quo gentem suam pro se mittet peregre versus Jerosolimam etc. Datum ut supra.

De castro de Corf domino regi reddito. Rex omnibus baillivis et fidelibus suis ad quos presentes littere pervenerint, salutem. Sciatis nos recepisse a dilecto et fideli nostro Petro de Malo Lacu, per manus dilectorum et fidelium nostrorum H. de Burgo, justiciarii nostri, W. comitis Sarresburie, W. comitis Marescalli, et W. Briwer, die Veneris in septimana Pentecostes, anno regni nostri v, castrum nostrum de Corf, cum Alienora cognata nostra et Ysabella sorore regis Scottorum, et jocalibus, balistis, et ceteris rebus nostris, quas dominus J. rex pater noster eidem P. commiserat in eodem castro custodiendas. Et in hujus etc. eidem P. fieri fecimus. Teste ut supra, anno vj. Per eundem, [coram] Dunolmensi, Londoniensi et Roffensi, episcopis.

De vadiatione. Dominus rex concessit Petro de Maulay ut liceat ei terras suas, redditus, et omnes possessiones suas ad firmam concedere in forma qua superius scriptum est. Teste ut supra, anno vj.

De invadiatione quam Robertus de Curtenai fecit, quam dominus rex gratam et ratam habet. Rex omnibus ad quos littere presentes pervenerint, salutem. Sciatis quod nos, quantum ad nos pertinet, gratam et ratam habemus invadiationem quam Robertus de Curtenay fecit Stephano de Croy de manerio de Suttun cum pertinenciis, in comitatu Berkesire, ad terminum quatuor annorum a festo Sancti Calixti pape anno regni nostri v, sicut cyrographum de predicta invadiatione inter eos factum rationabiliter testatur; salvis nobis serviciis, si qua nobis debentur, de manerio predicto. Et in hujus etc. Teste H. etc. apud Westmonasterium, iij die Decembris, anno vj. Per eundem.

De duobus prisonibus Walensibus recipiendis et mittendis usque Gloucestriam. Rex vicecomiti Gloucestrie, salutem. Precipimus tibi quod eas vel certum nuncium tuum mittas ad vicecomitem Salopie et recipias ab eo et salvo ducas usque Gloucestriam Howelum et Leulinum, Walenses, qui capti sunt et detenti in prisona nostra apud Salopesbiry, pro roberia facta Ade Walensi, burgensi nostro de Gloucestria, et pace nostra fracta, unde apellati sunt. Et quando obsides predicti Ade, qui pro eo detenti sunt in Wallia, deliberati fuerint, tunc predictos Howelum et Leulinum a prisona nostra deliberes. Sin autem, ipsos in prisona nostra apud Gloucestriam salvo custodiri facias, donec aliud inde tibi preceperimus. Et in hujus etc. Teste H. etc. apud Westmonasterium, v die Decembris, anno vj.

De illis prisonibus liberandis eidem vicecomiti. Et mandatum est vicecomiti Salopie quod ipsos liberet vicecomiti Gloucestrie, vel certo nuncio suo. Teste ut supra.

De manucaptione cc marcarum reddendarum pro W. de Bello Campo, episcopo Wintoniensi. Rex omnibus presentes litteras inspecturis vel audituris, salutem. Sciatis quod, ad instantiam dilecti et fidelis nostri Willelmi de Bello Campo, manucepimus per has litteras nostras patentes pro eodem Willelmo quod ipse reddet a festo Sancti Michaelis, anno regni nostri vj, in duos annos proximo sequentes, venerabili patri P. Wintoniensi episcopo, vel ejus certo procuratori, in domo Templi cc marcas de fine, quem idem Willelmus fecit cum eodem episcopo pro habendis custodia terre et maritagio heredum Roberti de Albiniaco, videlicet, primo anno c marcas, et secundo anno c marcas, secundum tenorem scriptorum inter ipsos dominum episcopum et Willelmum confectorum. Et si forte idem Willemus predictas cc marcas ad terminos non solveret, sicut scripta inter eos confecta protestantur, idem Willelmus obligavit nobis omnes terras suas quas habet in Anglia pro eisdem cc marcis tenendas in manu nostra donec idem Willelmus cc marcas eidem domino Wintoniensi episcopo vel ejus certo procuratori in domo Templi reddiderit, vel nos illas ei reddiderimus de predictis terris. Et in hujus etc. Teste H. etc. apud Westmonasterium, vij die Decembris, anno vj.

De cambio Anglie commisso Andree Bukerel. Rex omnibus baillivis, ministris, et fidelibus suis, salutem. Sciatis quod commisimus et concessimus Andree Bukerel cambium nostrum Anglie cum omnibus pertinenciis suis, habendum et tenendum a festo Sancti Hyllarii, anno regni nostri vj, in tres annos sequentes completos, pro iiij mille marcis, de quibus solvet nobis ad scaccarium nostrum per manum suam quingentas marcas in festo Sancti Petri ad Vincula, anno regni nostri vj, et in festo Sancti Hyllarii anno regni nostri septimo, quingentas marcas, et anno regni nostri viij, mille libras ad predictos terminos, et anno regni nostri ix, mille libras ad eosdem terminos. Concessimus etiam ei quod si forte guerra mota fuerit imfra predictos tres annos in regno nostro Anglie occasione cujus cambium nostrum minus valeat, vel in partibus transmarinis quominus mercatores cum platis, mina et argento fundito venerint in Angliam, idem Andreas eo tempore quamdiu guerra duraverit respondebit nobis de cambio nostro non quasi firmarius set quasi custos. Facta autem pace per tantum tempus respondebit nobis ut firmarius per quantum guerra duravit. Si vero aliqui fuerint in cambio utpote monetarii, custodes, operarii, et essaetores, qui utiles non fuerint et necessarii, unde de jure debeant amoveri, licebit ei, durante termino suo, eos amovere, et alios utiles et necessarios nobis loco eorum presentare, et de licentia nostra in cambio eos ponere. Concessimus etiam ei quod si mercatores transmarini vel de regno nostro venerint cum mercandisis suis, scilicet, platis, mina et argento fundito, et capti fuerint vel detenti cum eisdem mercandisis suis, pro aliquo debito unde ipsi capitales debitores sunt vel plegii, vel pro aliquo delicto, nos mercandisas suas prenominatas faciemus deliberari, et ipse de debito respondeat debitori vel de delicto sicut debuerit. Quare volumus quod idem Andreas habeat et teneat cambium nostrum ad terminum trium annorum cum omnibus pertinenciis suis libere, quiete, et pacifice, sicut predictum est. Teste H. etc. apud Westmonasterium, viij die Decembris. Per eundem et consilium domini regis, coram dominis Wintoniensi, Dunolmensi et Londoniensi episcopis.

De protectione. Fratres hospitalis Sancte Marie de Dovre habent litteras de protectione patentes usque ad etatem domini regis. Teste H. etc. apud Turrim Londonie, xiiij die Decembris, anno vj. Per eundem.

De filio et herede Galfridi de Coyneres liberando H. de Burgo, justiciario. Rex W. Eboracensi archiepiscopo, salutem. Sciatis quod ita convenit inter nos et venerabilem patrem R. Dunolmensem episcopum, cancellarium nostrum, de filio et herede Galfridi de Coyneres, de cujus custodia contentio erat, ad quem nostrum pertineret; quod idem heres de voluntate et assensu ejusdem domini Dunolmensis episcopi liberetur dilecto et fideli justiciario nostro H. de Burgo. Et ideo vobis mandamus quatinus heredem ipsum, qui de precepto nostro in custodia vestra est, ipsi justiciario nostro, per nuncium suum presentium portitorem, sine difficultate liberari faciatis, Et in hujus etc. Teste H. etc. ut supra.

De presentatione ecclesie Sancte Marie de Graslane. Robertus de Xanctonia habet litteras de presentatione ad ecclesiam Sancte Marie de Graslane in Gloucestre, que vacat et ad donationem domini regis spectat. Teste H. etc. apud Wintoniam, xxvj die Decembris, anno vj.