L: Letter of Mary confirming the University's exemption from taxes (1547)

L. Letter by Queen Mary, with consent of her tutor, James, Earl of Arran, governor of her realm, confirming letters of exemption from taxes granted to the University by King James II., No. xxiv.; King James III., No. xxx.; King James IV., No. xliii.; and King James V., No. xlv. Linlithgow, 6 July 1547.

We witht avise authorite and consent of oure derrest cousing and tutour, James erle of Arrane lord Hammyltoun, etc., protectour and gouernour of our realme, ratifeis appreiffis and for vs and oure suceessouris perpetualy confirmis be thir oure lettres [the lettres] vnderwrityne, maid and giffin be vmquhil our maist nobill progenitouris of gud mynd efter following, quhome God assoilye, to the Vniuersite and Cete of Glasgw, and to the rectouris, denis of faculte, procuratouris, regentis, maisteris and scholaris of the sammyne, that is to say, ane Lettre maid and gewin be oure maist noble progenitour James the Second, quhom God assoilye, vnder his greit seile, of the dait at Sterueling the xx of Aprile the yer of God ane thousand foure hundretht liij yeris, and of his regne the xvij yer; ane vthir Lettir maid to thaim be Kyng James the Thrid, quhome God assoilye, vnder his greit seill, of the dait at Edinburght the x day of December the yer of God ane thousand iiij^c sevinty and tua yeris, and of his regne the xiij yer; and the thrid Lettre maid to thaim and thair successouris be oure maist noble grandschir King James the Ferd, quhome God assoilye, vnder his priue seile, of the dait at Edinburght the vij day of Junij and of his regne the xxj yer; and the ferd Lettir maid elikwiss to thaim and thair successouris be our maist noble and derrest fader King James the Fyft, quhome God assoilye, witht consent and assent of his derrest cousing and tutour Johne vmquhill Duke of Albany, etc., protectour and gouernour of his realme, vnder his signet, of the dait at Edinburght the xx day of May the yer of God ane thousand v^c tuenty and tua yeris, schawin and producit befoir oure said derrest cousing and tutour, witht all and syndry the priuilegis, concessionis, immuniteis, and fredomes contenit in the sammyne, and in special the exoneratioun and dischargyne of all taxationis, exactionis and vtheris chargis quhatsumeuer that ma be imput vpoun thaim, as the saidis letteris proportis, giffyne to the saidis rectouris, denis of faculte, procuratouris, regentis, maisteris and scholaris of the said Vniuersite present and for to cum; chargeing herfoir all and syndry oure officiaris, legis and subdittis present and to cum, that nane of yow tak vpone hand to do or attempt ony thing in the contrar of the saidis exemptionis, exonerationis, faculteis, immuniteis and priuilegis foirsaidis, grantit to the said Vniuersite, rectouris and suppositis tharof, contenit in the saidis foure letteris in ony wise in tyme cuming, vnder all heast pane and charg at may efter follow. Giffin vnder our signet, and subscriwit be our said derrest cousyng and tutour the governour, at Linlythgw the saxt day of Julij the yere of God ane thousand fyfe hundretht fourty sewin yeris, and of our regne the fyft yer, etc.